Половина од граѓаните во Македонија не можат да ги платат услугите во здравството, покажа анкетата спроведена од страна на Коалицијата на здруженија на пациентите, направена врз 765 испитаници.

Половина од граѓаните во Македонија не можат да ги платат услугите во здравството, покажа анкетата спроведена од страна на Коалицијата на здруженија на пациентите, направена врз 765 испитаници.Податоците кои ги објави Коалицијата денеска на  Европскиот ден за правата на пациентите, велат дека дури 88 отсто од пациентите со хронични заболувања ги покриваат трошоците за приватни здравствени услуги од заштедени средства, 56 отсто рекле дека продаваат имот, 28 отсто се позајмуваат, а дури 38 отсто земаат кредит за да ги подмират трошоците за соодветен третман.„Крајно време е да дојде до осовременување на позитивната листа на лекови на којашто во овој момент недостасуваат многу современи лекови коишто би значеле поефикасен третман, со помалку не сакани ефекти, а и внесување на нови лекови кои се од животно значење“, рече Весна Велиќ Стефановска од Коалицијата.Оттаму побараа и обезбедување на неопходните лекови на пациентите со леукемија и мултиплекс склероза.Покрај тоа, од Коалицијата бараат активно вклучување на здруженијата во дефинирањето на пакетот на здравствени услуги и на Законот за здравствено осигурување, присуство на претставници на здруженијата на состаноците на Управниот одбор на Фондот за здравство.Пепо Леви, претседателот на Здружението за помош во лекување на заболени од хронична милоична леукемија (ХМЛ) рече дека Македонија е единствена земја каде болните од оваа тешка болест не се лекуваат со современа метода.Леви рече дека од кабинетот на премиерот им било кажано да бидат трпеливи и добиле ветување дека ќе се реши проблемот, со што лекот  „Гливек“ конечно ќе биде ставен на позитивна листа.Коалицијата на здруженија на пациенти е составена од 17 здруженија. /крај/ми