Македонија
Уапсен еден од разбојниците кој учествувал во грабежот во Тетово
Уапсен е еден од разбојниците кој учествуваше во крвавиот грабеж што се случи во саботата во Тетево кога беше застрелан еден од разбојничката група, а сопственикот на златарницата и еден полицаец беа ранети.
Уапсен е еден од разбојниците кој учествуваше во крвавиот грабеж што се случи во саботата во Тетево кога беше застрелан еден од разбојничката група, а сопственикот на златарницата и еден полицаец беа ранети.
Станува збор за дваесет иосумгодишниот И.Р. Од Скопје викан „Кока“ кој бил баран со потерница за издржување затворска казна, а бил осуден за кражбата во „Прокредит банка“ во 2009 година, како и разбојништвото врз тарнспортот на пари на „Македонски пошти“ на улица „Цветна Димов“ од 2008 година.
Полицијата го привела завчера по пријава на граѓанин во полициската станица Јегуновце. Тој им кажал на полицајците дека на земјениот пат покрај реката Вардар забележал непознато лице кое на македонски јазик го прашало каде е границата за на кај Косово и му побарал вода за пиење.
Полициската патрола веднаш била известена, по што се упатиле на наведеното место од граѓанинот и го уапсиле лицето кое немало никаков документ за лична идентификација.
Во првичниот разговор со полицијата лицето се претставило како Енвер Арифи роден во Урошевац во Косово и дека тргнала да ја посети неговата тетка која живела во Чаир. Тој ги лажел полицајците дека тргнал од Урошевац кон село Глобочица и со уште едно лице, Муарем илегално ја преминале државаната граница на село Јажинце.
Кога влегле во шумата, Муарем му рекол да се сокрие од полицијта, по што се разделиле.
Но утредента, полицијата го идентификувала и утврдила дека по „Кока“ имало распишано централна потерница за издржување казна затвор во траење од 11 години за разбојништво.
Лицето коешто почина во престрелакта носело прекрар „Мал талибан“. И тој е осомничен за разбојништва, и тоа врз возилото на Комерицијална банка, во 2007 година кога беше убиен еден член од обезбедувањето. И двајцата се наоѓале на спискот на криминалци, кој што нашето МВР му го предаде на косовското МВР,
Во саботата група од седум до осум разбојници ја ограбија златарницата „Исак“ во Тетово, го ранија сопственикот и избегаа. Кај Јегуновце беа пресретнати од полицициска патрола, по што почнала престрелак меѓу двете групи. Во неа, бепе застрелан еден од разбојниците, а еден полицаец беше полесно повреден. Полицијата се уште трага по останатите разбојници од групата./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..