Ќе направиме се што е во наша моќ да има позитивни резултати на Европскиот Совет, вели унгарскиот амбасадор Ференц Кекеши, коментирајќи го очекувањето дека Будимпешта ќе го постави прашањето за отпочнување пристапни преговори на Македонија со Унијата на следниот Европски Совет.

Ќе направиме се што е во наша моќ да има позитивни резултати на Европскиот Совет, вели унгарскиот амбасадор Ференц Кекеши, коментирајќи го очекувањето на  претседателот Ѓорге Иванов, дека Будимпешта ќе го постави прашањето за отпочнување пристапни преговори на Македонија со Унијата на следниот Европски Совет. „Има големи очекувања. Во име на унгарското претседателство можам да ви кажам дека од наша страна ќе направиме се што е во наша моќ за позитивни резултати. Ни требаат земјите-членки, ни треба Брисел и се разбира, ни треба Македонија. Се надевам дека ќе успееме во тоа. Нашиот премиер е посветен да даде максимум“, изјави Кекеши.Кекеши денеска организираше свечен ручек за претседателот Ѓорге Иванов и амбасадорите на земјите-членки на ЕУ по повод одржувањето на Денови на унгарската култура во Скопје. Во оваа прилика, Иванов го повтори македонското очекување од следниот Европски Совет. „Оваа средба е по посетата на Унгарија, кога очекуваме од унгарското претседателство, при свикувањето на Европскиот Совет, да биде поставено на дневен ред и прашањето за отпочнување на преговорите на Република Македонија за полноправно членство во Европската Унија“, рече претседателот Иванов.Унгарскиот претседател Пал Шмит, при последната посета на Иванов на Будимпешта, најави дека прашањето за отворање на пристапни преговори со Македонија ќе биде ставено на дневен ред на следниот Европски Совет. Унгарското претседателство со Европската Унија истекува на крајот на јуни. /крај/ач