Техничкиот персонал, воспитувачките и негувателките од градинките од Карпош и Куманово денеска повторно излегоа на протести пред Министерството за труд и социјала со истите барања за нивно вработување

Незадоволни се затоа што никој од негувателките и воспитувачките досега не добил согласност за вработување и покрај тоа што министерот за труд и социјала Џељаљ Бајрами на последната средба им ветил дека ќе ги добијат уште пред три седмица.За разлика од општините Куманово и Карпош, тие тврдат дека веќе се пуштени неколку решенија за вработување за негувателки и воспитувачки во општините Центар и Ѓорче Петров.„Побаравме повторно средба со министерот но не не’ прими. Разочарани сме бидејќи ни вети дека ќе бидат пуштени согласности за вработување, но ништо. Не е во ред вака да се манипулира со нас“ – вели Јасмина Наскоска која работи под договор на дело во општина Карпош.Од министерството за труд и социјала велат дека и натаму остануваат на ветеното дека вработувањето на негувателките и воспитувачките ќе се одвива во континуитет, односно фазно до 2012 година.Додека, за решавање на статусот на помошниот персонал во градинките, министерот ќе формира комисија составена од членови на министерството, Владата, УНИЦЕФ и ЗЕЛС, која што ќе утврди нови стандарди за секоја градинка посебно и во зависност од тоа колкава квадратура има и колку згрижени деца, ќе се утврди и бројот на потребниот помошен персонал. Согласно со стандардите што ќе се усвојат ќе се води и политиката за вработување во градинките и ќе се одредат блок дотациите за секоја посебно и градинките сами ќе си одредуваат колкав персонал им е потребен „Министерството за труд и социјална политика првпат по десетина години презеде конкретни чекори со кои на негувателките и воспитувачките н градинките низ цела држава им го решава статусот, со доделување на одобренија за нивно вработување и досега се вработени и обезбедени согласности за вработување на 165 негувателки“ – велат од министерството.Негувателките и воспитувачките од Карпош и Куманово велат дека ќе го продолжат протестот со поддршка и од родителите, се додека не бидат исполнети нивните барања.