Македонија
Институт „Павел Шатев“: Изборите – пресметка со транзицијата

Престојните избори ќе бидат пресметка со вечната транзиција и можност за расчистување со проблеми кои влечат корени од стариот систем.
Престојните избори ќе бидат пресметка со вечната транзиција и можност за расчистување со проблеми кои влечат корени од стариот систем.Ова го заклучија дискутантите на трибината во организација на Институтот „Павел Шатев“ – “Македонија на крстопат – помеѓу напредокот и вечната транзиција”. Слободан Чашуле, поранешен министер за надворешни работи и новинар, смета дека престојните избори ќе бидат пресметка со транзицијата.
„Македонското општество е созреано и ако сега им веруваме на истражувањата на јавното мислење ќе видите дека македонските граѓани директно и длабоко ги страдаат проблемите на украдениот општествен имот кој беше заеднички, украден заради тоа што моделот беше кражба. Овие избори ќе бидат пресуда на ова време што треба да си замине“, рече тој.
Звонимир Јанкуловски, универзитетски професор, смета дека народот може да избере помеѓу еден систем кој што своите корени ги влече од минатото и еден реформски систем кој ја носи Македонија напред.
„Се монополизира слободата на мислата и слободата на говорот од поединци и одредени структури кои сметаат дека тие се единствените кои го имаат правото да говорат слободно и да размислуваат слободно, одречувајќи ја таа можност за останатите“, рече Јанкуловски.
За професорот Владо Поповски сегашните проблеми влечат корени од минатото и не биле почитувани ниту основните законски норми./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Поставени шест куќи засолништа за бездомни животни во Паркот на франкофонијата

Општина Центар доби шест куќички-засолништа за бездомни животни како донација од Амбасадата на САД. Куќичките, изработени од локални архитекти, се поставени во Паркот на Франкофонијата во рамки на проектот „Унапредување на благосостојбата на животните преку волонтерство“, соопштија од општината.
Проектот, како што велат, има за цел подобрување на условите за бездомните животни и поттикнување на инклузивноста во јавните простори.
Градоначалникот на Општина Центар, Горан Герасимовски вели дека ова е пример за вистинска соработка помеѓу граѓанскиот сектор, меѓународната заедница и локалната самоуправа.
„Благодарни сме на Амбасадата на САД за поддршката, како и на организацијата Хумани градови за иницијативата и за тоа што ја препознаа Општина Центар како партнер за реализација на овој хуман проект. Оваа донација е поттик и обврска да продолжиме со политики што ја промовираат грижата за животната средина и за сите живи суштества што делат простор со нас”, рече Герасимовски.
Со поставувањето на засолништата, според него, Паркот на Франкофонијата добива нова, хумана димензија, простор за заштита на животните и пример за одговорно и инклузивно уредување на јавните површини.
Македонија
Утре, без вода делови од Ѓорче Петров

Од ЈП Водовод и Канализација известуваaт дека утре ( среда ) поради промена на затварач од ф – 250 мм во пумпна станица Волково, во периодот од 09.00 часот па се до завршување на работата без вода ќе останат корисниците од населбите Ново Село, Даме Груев, Стопански Двор и Волково. ( општина Ѓорче Петров )
Македонија
Бесплатни униформи, ранци и прибор за учениците, во тек е целосна дезинфекција на училиштата во Центар

Градоначалникот на Општина Центар, Горан Герасимовски, денеска одржа работен состанок со директорите на сите општински основни училишта по повод започнувањето на новата учебна година. На состанокот се разгледуваа финалните подготовки за првиот училишен ден.
Во сите училишта во тек се активности за темелно чистење, а во наредните денови ќе се спроведе и задолжителна дезинфекција, дезинсекција и дератизација, со цел обезбедување на безбедни и хигиенски услови за учениците и наставниот кадар.
За прв пат оваа година, Општина Центар обезбеди бесплатни униформи за сите ученици во општинските основни училишта. Носењето на униформите ќе биде задолжително за сите ученици.
Дополнително, трета година по ред, сите првачиња ќе добијат бесплатни ранци и училишен прибор, како дел од заложбата на општината за поддршка на учениците и нивните семејства.
„Вложуваме во образованието, вложуваме во нашата иднина. Сакаме да им овозможиме на децата еднакви услови за учење и да покажеме дека образованието е еден од нашите највисоки приоритети,“ истакна градоначалникот Горан Герасимовски.