Македонија
ВМРО – ДПМНЕ: А1 е политичка партија во коалиција со СДСМ

Ниска, вулгарна и безобразна пропаганда, А1 мора да да си ја одработи улогата која ја има добиено од Бранко Црвеновски.
Ниска, вулгарна и безобразна пропаганда, А1 мора да да си ја одработи улогата која ја има добиено од Бранко Црвеновски.
Владејачката ВМРО – ДПМНЕ, новинарите на А1 телевизија ги нарече партиски активисти, активисти кои се борат да го вратат Црвеновски на власт, по прилогот на А1 телевизија за притисоците од страна на ВМРО-ДПМНЕ врз државната администрација.
„А1 монтираше случај од кои ние сме згрозени. А1, како коалиционен партнер на СДСМ со ниска вулгарна и безобразна кампања, сака политички да се пресметува со ВМРО-ДПМНЕ. Со тоа А1 сама себе се прогласи за партиско политички мегафон на СДСМ и Бранко Црвенковски“ изјави портпаролот на ВМРО-ДПМНЕ, Александар Бичиклиски.
Бичиклиски новинарите на А1 ги нарече инструмент во рацете на Бранко Црвенковски.
„Ниту еден фалсификат и ниту една монтажа не може да скрие дека А1 е партиски мегафон, за жал, дека постојат жестоки внатрепартиски кавги и несогласувања внатре во СДСМ, заради листите креирани врз база на фамилијарни и бизнис релации, дека двајца уредници новинари на А1 се кандидати за пратеници на листата на СДСМ, дека СДСМ нема ниту идеи, ниту проекти како да им помогне на граѓаните. И конечно со ништо не може да се покрие слабиот рејтинг и доверба на СДСМ и на двоецот Црвенковски-Шеќеринска“ вели Бичиклиски.
А1 телевизија вчера објави прилог за притисоците на ВМРО – ДПМНЕ врз вработени во државната админитрацијата, на кои им била дадена задача да направат списоци од најмалку 15 лица со телефонски броеви и адреса на живеење кои ќе гласаат за ВМРО-ДПМНЕ./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Фото) Спасени се двете лица на кои им се преврте чамецот во Мавровското езеро

Спасени се двете лица на кои денеска попладне им се преврте чамецот во водите на Мавровското Езеро, информираат од Центарот за управување со кризи.
Од ЦУК велат дека двете лица се извлечени и се наоѓаат во возило на Итната медицинска помош.
Во акцијата учестуваше и спасувачки хелихоптер со специјален тим од САЕ „Тигар“.
„Припадници на Специјалната антитерористичка единица Тигар и Хеликоптерската единица при МВР во координирана акција со Полициското одделение Маврово и наведените институции од водите на езерото во 15.10 часот успешно ги извлекле Х.Б.(24) и И.Р.(23), двајцата од Скопје, во контактибилна состојба, по што биле пренесени во Ургентен центар Гостивар за преглед“, известија од МВР.
Инаку, како што информираат од ЦУК, откако им се превртел чамецот, двете лица успеале да се задржат на него. Но, поради силниот ветер и брановите, со чамецот се движеле кон Хидроцентралата.
За состојбата, бил известен и директорот на ХЕЦ „Маврово“ со цел да го запре производството на електрична енергија, како би се избегнале струите во езерото и би се сопрело движењето на превртениот чамец.
Македонија
Мицкоски за големиот протест во Србија: Ја следиме состојбата и не се мешаме во внатрешни работи на други земји

Нормално е да ја следиме состојбата во Србија. Неодговорно би било да не ја следиме состојбата со нашите соседи и врз основа на тоа сме подготвени за предизвиците. Доколку постојат такви имаме разработено сценарија, но не очекувам прелевање кај нас. Ова денеска го изјави премиерот Христијан Мицкоски, одговарајќи на новинарско прашање да даде коментар за случувањата во соседна Србија, каде денеска се одржува голем студентски протест, но и како ја оценува безбедноста состојба во нашата држава, односно дали случувањата во Србија можат да се рефлектираат и кај нас.
На прашањето дали е запознаен со информациите од тамошните медиуми дека структури од соседни земји на Србија, спомнувајќи ја и нашата држава, учествуваат во некакви сценарија за рушење на тамошната власт, премиерот рече дека политиката на власта е јасна, и додаде дека „не сакаме да ни се мешаат во нашите внатрешни работи, а ниту, пак, ние ќе се мешаме во внатрешните работи на која било друга земја“.
„Нашата домашна задача е наша домашна задача, а домашната задача на другите земји си е нивна домашна задача. Доколку некој побара помош од нас, советодавна, каква било, тука сме во рамкитена законите и Уставот на Македонија да овозможиме такво нешто. Доколку не, повторно ние ќе си ја гледаме нашата задача, затоа што имаме работи што треба дома да си ги решаваме. Немаме амбиција да бидеме дел од внатрешните работи на која било земја во светот“, рече Мицкоски.
Македонија
Герасимовски: Голема акција за чистење во ООУ „11 Октомври”, хигиената на прво место

Општина Центар информира дека денеска во основното училиште „11 Октомври“ се реализираше голема акција за чистење и уредување на училишниот двор, во која учествуваа ученици, наставници, родители, како и градоначалникот Горан Герасимовски.
Герасимовски, потенцираше дека оваа активност е дел од кампањата „Центар не чека, Центар чисти“, чија цел е подигнување на свеста за важноста на чистата животна средина.
„Денеска, преку заеднички труд, покажавме дека одговорноста за хигиената и уредноста на нашата околина ја носиме сите – и децата, и возрасните. Ова не е само акција за чистење, туку и едукативен момент за учениците, кои учат колку е важно да ја зачуваме природата. Среќен сум што сите активно се вклучија и ја поддржаа оваа иницијатива“, изјави Герасимовски.
Тој најави дека ваквите акции ќе продолжат и во наредниот период, со цел создавање почиста и поуредена средина за сите жители на Општина Центар.
Акцијата „Центар не чека, Центар чисти“ продолжува и во следните недели, а сите граѓани можат да пријават смет и диви депонии на телефонските броеви: 076/350-767 и 02/3203-693.