Македонија
Орбан: Пристапни преговори час поскоро (поширока верзија)
Македонија што поскоро треба да ги започне пристапните преговори со Европската Унија, порача унгарскиот премиер Виктор Орбан по денешната средба со неговиот македонски колега Никола Груевски.
Македонија што поскоро треба да ги започне пристапните преговори со Европската Унија, порача унгарскиот премиер Виктор Орбан по денешната средба со неговиот македонски колега Никола Груевски.Според Орбан, почетокот на преговорите е во интерес на Европската Унија и е важен предуслов за понатамошниот развој на земјата. Како неприродна состојба го оцени фактот што Македонија веќе шест години по одредувањето на кандидатскиот статус чека почеток на пристапните преговори.„Не е моја работа да заземам став за билатералните односи на Македонија со друга држава. Но, мојата работа е да ги застапувам интересите на Европа. Интересите на Европската Унија се Македонија час поскоро да стане член. Затоа сметам дека овие преговори треба час поскоро да започнат. Затоа и јас, како актуелен претседавач на Европската Унија и како премиер на Унгарија ќе се залагам и понатаму овие разговори да започнат што поскоро. Добивањето на статусот за членство дава многу повеќе можности за да ги реализираат своите интереси. Затоа, нема никаква логика и причина некој да спречува започнување на тие преговори. Затоа сметам дека ниеден интерес на Европската Унија нема да се наруши доколку започнат разговорите“, рече Орбан, кој од позиција на претседавач со Европската Унија вети заложба прашањето за отпочнување на преговорите да се држи на дневен ред.Од македонска страна, пак, премиерот Груевски изрази благодарност за унгарската поддршка. Во посетата на Орбан препознава силен поттик за продолжување на реформите неопходни за понатамошна интеграција во унијата.„Денешната посета претставува и силен политички сигнал дека унгарското претседателство активно се залага за продолжување на процесот на проширување на Европската Унија, што за нас преставува силен поттик за понатамошно исполнување на неопходните реформи за остварување на нашата стратешка цел, а тоа е полноправното членство на Република Македонија во Европската Унија“, изјави Груевски.Во рамки на посетата на Орбан, министерот за економија, Фатмир Бесими и унгарскиот министер за национален развој, Томас Фелеги потпишаа спогодба за економска соработка. Орбан денеска се среќава со претседателот Ѓорге Иванов, а ќе учествува на македонско-унгарски бизнис форум. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Алкалоид“ добитник на „Патент на годината за 2023“ за иновативниот „Омепразол“ во течна форма
Иновативната формулација на „Алкалоид“ АД за лекот со додадена вредност „Омепразол“ во течна форма, готов за употреба, прва од ваков тип во светски рамки, е прогласена за „Патент на годината за 2023“ од Државниот завод за индустриска сопственост, во рамките на пригодното одбележување на Светскиот ден на интелектуалната сопственост – 26 април.
Меѓународната патентна пријава на „Алкалоид“ за „Oмепразол“ во течна форма беше поднесена на 17 април 2020 година, со опфат на голем број региони и земји, меѓу кои земјите од Европската Унија, САД, Канада, Кина, земјите од Евроазиската економска унија и други. Патентната пријава при Европскиот завод за патенти, чии ингеренции опфаќаат патентни активности во 39 земји во Европа, беше одобрена на 3 август минатата година и валидирана во триесетина земји, меѓу кои и Македонија.
Патентот на „Алкалоид“ АД ја заштитува течната фармацевтска дозна форма на „Омепразол“, која се базира на два посебни раствори содржани во двокоморско пакување, кое при отворањето автоматски ги меша двата раствора и така се добива готовиот течен омперазол за употреба. Овој препарат е наменет, пред сѐ, за третман на рефлуксен езофагитис и на гастроезофагеалната рефлуксна болест (ГЕРБ) кај малите деца кои не можат да голтаат таблети, како и кај возрасните пациенти кои имаат тешкотии со голтањето (пациети со дисфагија) и неможност за голтање (пациенти со поставени сонди за гастрично хранење и/или геријатриски пациенти).
Државниот завод за индустриска сопственост е основан на 1 декември 1993 година како самостоен орган на државната управа и е надлежен за вршење на работите во врска со стекнувањето и со заштитата на правата од индустриска сопственост кои опфаќаат патенти, индустриски дизајни, трговски марки и ознаки за потеклото на производите. Оваа институција триесетта година по ред традиционално организира активности во насока на афирмација на улогата на индустриската сопственост во поттикнувањето иновации и креативни творби.
ПР
Македонија
Први и шести мај неработни за сите граѓани на Македонија, трети мај за граѓаните од православна вероисповед
Министерството за труд и социјална политика, согласно со Законот за празниците на РМ („Службен весник на РМ“ бр.21/98 и 18/07) соопштува дека:
1 мај 2024 година (среда), Денот на трудот е неработен ден за сите граѓани на Република Северна Македонија.
03 мај 2024 година (петок), Велики Петок, петок пред Велигден, е неработен ден за граѓаните од православна вероисповед во Република Северна Македонија.
06 мај 2024 година (понеделник), Велигден, вториот ден на Велигден според православниот календар, е неработен ден за сите граѓани на Република Северна Македонија.
Министерството за труд и социјална политика на граѓаните им ги честита престојните празници.
Македонија
(Видео) Сајкоски: Да донесеме уште поголема победа на 8 мај за просперитетна влада на ВМРО-ДПМНЕ
„Денес продолжуваме со активностите тука во Охрид, вчера поминавме прекрасни митинзи со огромна поддршка од граѓаните. Останаа уште неколку денови“, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5 и ги повика сите да се приклучат и да донесат уште поголема победа во вториот круг.
„Сакам да ја изразам мојата благодарност и горд сум на тоа што го направивме во првиот круг, што ја дадовте вашата огромна поддршка за нашиот кандидат за претседател Гордана Силјановска Давкова.
Сакам да ве повикам и во вториот круг референдумски да излеземе за да можеме да ја реализираме Платформа 1198, за да може да реализираме многу проекти за регионов и нашава држава, да донесеме подобар економски развој и раст, да донесеме подобро образование и здравство, да донесеме подобар живот за сите. Затоа на 8 мај излезете сите да се активираме да кажеме НЕ за ова што се случуваше досега и да дадеме шанса за просперитетна влада која ќе ја носи Македонија напред“, изјави Ѓорѓија Сајкоски, генерален секретар на ВМРО-ДПМНЕ и носител на изборна единица 5.