Клиниката за ревматологија оваа година ќе има зголемен буџет за 50 проценти што ќе им овозможи на болните од ревматизам и артритис поголема достапност до биолошка терапија.

Клиниката за ревматологија оваа година ќе има  зголемен буџет за 50 проценти што ќе им овозможи на болните од ревматизам и артритис  поголема достапност до биолошка терапија.Средствата ќе бидат наменети за вкупно 110 најтешко болни, меѓу кои 70 нови и 40 пациенти кои се веќе на листата на чекање за биолошка терапија. Ова денеска го соопштија заменик министерот за здравство Владимир Поповски и директорката на Фондот за здравство Маја Парнарџиева Змејкова.„При распределба на буџетот до сите здравствени установи, Фондот за здравство на 1 април го зголеми буџетот на клиниката за 50 отсто, односно од 45 на 65 милиони денари како можност да се зголеми здравствената услуга во Македонија“ – рече Парнарџиева – Змејкова на прес конференцијата одржана од Невладината организација за Ревматизам и Артритис НОРА.Освен тоа, Министерството за здравство ќе воведе и протоколи, како дел од платформата на НОРА за дијагноза, лекување, рехабилитација и социјални права на лицата со ревматолошки заболувања.Според Поповски тоа ќе значи дополнително олеснување во третманот на пациентите со ревматолошки заболувања и правилен пристап до биолошка терапија.Драган Чичиќ претседател на НОРА најави дека Македонија ќе биде прва земја од Европа која на 17 јуни ќе започне кампања за имплементација на „Бриселската Декларација“, со поддршка од  Европската лига за борба против ревматизам и артритис.„Сите овие заеднички активности ќе придонесат за ова доста широко распространето заболување да биде ставено под контрола во нашата република по сите современи протоколи и со тоа да го овозможиме подобрувањето на квалитетот на животот на овие пациенти“ – додаде Поповски. Бројот на заболени од овие хронични болести постојано расте. Секој четврти или вкупно 120 милиони жители на Европа боледуваат од ревматични и мускулоскелетни болести за што се издвојуваат 240 милијарди евра годишно средства на европските држави поради дисабилитет, предвремени пензионирања, болнички трошоци и трошоци за лекови. .крај/к.с.