Европската Унија треба да постави добра динамика и јасна перспектива за интеграцијата на Република Македонија, порача словенечкиот европратеник, Алојз Петерле, по денешната средба со вицепремиерот задолжен за европски прашања, Васко Наумовски.

Европската Унија треба да постави добра динамика и јасна перспектива за интеграцијата на Република Македонија, порача словенечкиот европратеник, Алојз Петерле, по денешната средба со вицепремиерот задолжен за европски прашања, Васко Наумовски. Според Петерле, иако Европската Унија има амбиции да биде глобален играч на светската политичка сцена, сепак главниот фокус треба да го насочи кон случувањата во Европа, вклучувајќи го западниот Балкан и Македонија.„Мислам дека ни треба поиновативен пристап. Видовме кои патишта не беа многу успешни, но ние мора да разбереме кој пристап ќе не’ однесе до поголем успех. Според мене, првиот аргумент за ова е волјата на луѓето, очекувањата на луѓето во однос на европската перпсектива на Македонија. Убеден сум дека играта треба да започне. Сигурен сум дека во Европскиот Парламент, но не само таму, вашата земја ќе има клучни поддржувачи и пријатели. Секогаш велам дека оние што се пријатели на Македонија, не се непријатели на никој друг“, рече Петерле.Вицепремиерот Наумовски, пак, од своја страна, посочи дека на средбата се разговарало за сите прашања поврзани со европската интеграција на Македонија, вклучувајќи го и исполнувањето на потребните реформи. „Ги претставивме нашите заложби и во наредниот период како Влада да продолжиме со се’ она што е потребно со цел да се исполнат критериумите за членство, со се’ она што е потребно Република Македонија и македонското општество да се доближат до високите европски стандарди“, изјави Наумовски.Претходно, Петерле се сретна со претседателот Ѓорге Иванов. /крај/ач