„Драматично обзнание на Радмила Шекеринска“ вака министерската за внатрешни работи Гордана Јанкулоска го опиша случајот за кој што синоќа соопшти канидатот за премиер на СДСМ, Радмила Шекеринска, кога тврдеше дека била нападната од непознато возило со шише

Министерката Гордана Јанкулоска која ова го нарече „настан“ вели дека не може да се утврди што точно се случило и дали воопшто нешто се случило. Наместо случајот го пријават во полиција, Јанкулоска вели дека случајот бил најпрви пријавен на А1 телевизија па потоа во институциите.„Иако законите налагаат ако се случи било каква сообраќајна несреќа или друг инцидент  да се остане на лице место или истиот веднаш да се пријави за соодветно да се обезбеди местото и да се спроведе истрага, госпоѓата Шекеринска тоа не го стори.  Напротив настанот беше прво пријавен во А1 телевизија  во овластените државни иснтитуции. Дали станува збор за непознавање или непочитување на законите и институциите или станува збор за обид да се добие на време и да се прикаже дека се признава само судот на А1, се прашања на кои одговор треба да даде сепак Шекеринска“ изјави Јанкулоска.Според Јанкулоска откако случајот бил пријавен на А1, МВР упатиле екипи да го пребараат патот и се обиделе да го лоцираат местото. Неколку часа по пријавата во А1, околу 1 часот во дежурниот центар во МВР се јавило лице кое се претставило како поранешен помошник во секторот за внатрешни работи Скопје инаку сега вработено во Агенција за разузнавање. Се обратил со зборовите “Дечките од кај Шекеринска ќе се јават да пријават наста, знаеш читаше слушаше има на телевизија“. „Откако дежутниот работник посочил дека не гледал телевизија лицето кое пријавувало грубо возвратило со зборовите „Не ме прекинувај слушај јас што ти кажувам“. Половина час подоцна во центарот се јавило лице кое се претставило како возач на Шекеринска кое согласно законот било упатено да се обрати во најблиската полициска станица за да биде направен и заведен соодветен записник за пријавата. Два часа подоцна во центарот се јавило и лице кое што се претставило како Бранко Геровски кое напоменало дека сака да испрати факс и да информира за настан. Потоа дури во 2:45 минути лицето кое се претставило како возач на Шекеринска дошло во просториите на полициската станица Велес за да поднесе поплака“ вели Јанкулоска. Според поплаката, на патот Прилеп – Велес помеѓу село Дреново и крстосницата во село Сирково им било блендирано од возило со непозната марка кое имало затемнети стакла.Кога возачот подзастанал да го пропушти возилото истото почнало да се движи паралелно со нив, а лицето што било на совозачкото седиште го подотворило прозорецот и кон нив фрлило со полузпрано шише со вода. Тоа шише удрило во задната страна на нивното возило, а по ова возачот го забрзал возилото по што второто возило останало позади.„МВР ќе постапи по пријавата, но морам да напоменам дека во вакви случаи кога е напуштено лице местото кога не може да се обезбедат траги очекувањата се дека истрагата може да се одвива бавно со оглед на фактот што пријавителите успеале да видат дека станува збор за полупразно пластично шише со вода, но не усеало да го видат возлиото неговата боја, марка или било какви други инфорации да дадат за да може да се одвива истрагата. Инаку нема никакви оштетеувања не постојат никакви траги дека нешто се случило, освен исказите на пријавителите кои сериозно ќе ги испитаме и по нив ќе постапиме“ рече Шекеринска.Канидатото за премиер на СДСМ, Радмила Шекеринска синоќа соопшти дека нејзиното возило кога се враќале од митингот во Прилеп било нападнато од друго возило и врз него било фрлано со пластично шише.