Хелсиншкиот Комитет бара итна, целосна и транспарентна истрага по случајот на убиството на младото момче, со ефикасен исход и соодветни мерки против сторителот на делото и инсистира на почитување на принципот на пресумпција на невиност и фер постапка кон Љубе Бошкоски.

Хелсиншкиот Комитет бара итна, целосна и транспарентна истрага по случајот на убиството на младото момче, со ефикасен исход и соодветни мерки против сторителот на делото и  инсистира на почитување на принципот на пресумпција на невиност и фер постапка кон  Љубе Бошкоски.

„Акцијата преземена од страна на припадник на полицијата, при што еден млад живот згасна на многу нечовечки и брутален начин, уште еднаш покажува дека реформите во полицијата не ги даваат соодветните резултати и дека таа е повторувач во однос на реформското учење “, стои во соопштението до медиумите од Хелсиншкиот Комитет.

Во врска со вчерашното апсење на лидерот на партијата Обединети за Македонија, Бошкоски,  од ХК велат дека и таа акција не беше лишена од спектакуларност и од интерни снимки на МВР дистрибуирани до медиумите.

„Повторно беше воочено прекумерно ангажирање на полициски сили за што апсолутно немаше потреба, бидејќи во случајот се работи за приведување на лице кое не дава отпор при приведувањето, со што не постои ризик по полициските службеници. Имајќи ја предвид кампањата која Бошкоски ја водеше во предизборието, неизбежно се наметнува прашањето дали можеби повторно се фрла сенка на слободата на говор за критикување на власта?! Дали станува збор за политички реваншизам и замолчување на гласните критикувачи или за владеење на правото подеднакво за сите?!“, реагираат од Хелсиншкиот Комитет./крај/со/ми