Велика Британија очекува обновување на политичкиот дијалог во Македонија по заокружувањето на изборниот процес и формирањето на новиот состав на парламентот.

Велика Британија очекува обновување на политичкиот дијалог во Македонија по заокружувањето на изборниот процес и формирањето на новиот состав на парламентот.Министерот за Европа во британскиот Форин офис, Дејвид Лидингтон, преку писмена изјава ја поздравува позитивната оценка на меѓународните организации за одржаните предвремени парламентарни избори и бара обновување на внатрешниот политички дијалог, посочувајќи дека тоа е еден од важните аспекти во реформската агенда на земјата.„Следните денови ќе бидат важни за формирањето на владата и за тоа како политичките сили ќе одговорат по завршувањето на изборите. Се надевам дека сите пратеници ќе го искористат своето вистинско место во парламентот за да го обноват процесот на внатрешен политички дијалог, што е многу важен аспект во реформската агенда на Македонија поврзана со Европската Унија“, вели Лидингтон во писмената изјава.Тој порачува дека Велика Британија останува силен поддржувач на аспирациите на Македонија за членство во ЕУ и НАТО, посочувајќи дека неговата земја очекува напредок во реформите на јавната администрација, анти-корупцијата и реформата на судството.“Ова е заедничка одговорност и на власта и на опозицијата“, вели Лидингтон. /крај/со/ач