Антикорупциска комисија смета дека Советот за радиодифузија во своја полза го толкува Законот за спречување на корупција несакајќи да се соочи со фактот оти треба да биде во можност да го спроведе законодавството

„СРД на 18 мај, значи во веќе започната изборна кампања, достави барање за позитивно мислење за повеќе десетици нови вработувања и за финансиска поддршка од Буџетот на РМ за набавка на опрема за следење на изборната кампања, потреби кои не се утврдени во Годишна програма на Советот за тековната година, ниту се планирани во Буџетот, па оттаму и се работи за вонредни исплати и набавки кои во време на распишани избори се забранети“, рече претседателот на Антикорупциска комисија, Воислав Зафировски. СРД, како што посочи тој, упорно одбива да го прифати ваквото мислење на ДКСК, низ повеќекратна преписка и самоповикано влегува во надлежностите на ДКСК.„СРД  во своја полза го толкува  Законот за спречување на корупцијата, притоа несакајќи да се соочи со битниот факт дека: уште во февруари од Европската комисија на Советот му било предочено во однос на предвремените избори дека ’треба да биде во можност да го спроведе законодавството и за да функционира правилно да добие средства и финансиска помош од Владата’“, додаде Зафировски.ДКСК и во втората фаза од разгледувањето на финансиските извештаи на партиите за изборните кампањи констатираше  ВМРО-ДПМНЕ, ДУИ, ДПА и ПОДЕМ имаат потрошено повеќе средства од сметката, од оние што ги имаат обезбедено со приливите.Од вкупно 18 организатори на изборната кампања, финансиски извештај доставија 14, додека партиите СДПМ, ОМ, НДУ и ПДП, до денеска, немаат доставено финансиски извештај.Претседателот на Државната комисија за спречување на корупција (ДКСК) информираше дека ДУИ, од донации обезбедила вкупно 4.251.000 а потрошила 7.316.920 денари, во ДПА, од донации обезбедиле 669.000 а потрошиле 2.735.368 денари, ПОДЕМ од донации обезбедиле 79.000 а потрошиле 121.000 и коалицијата предводена од ВМРО – ДПМНЕ, од донации обезбедила 31.930.000, а потрошени се 272.256.168 денар.„Овие констатации нудат можност за анализи кои ќе ги направиме по добивањето на финалниот финансиски извештај, но генерално треба да се има предвид дека завршниот извештај треба да го достават по 15 дена од завршувањето на изборите, што значи жиро сметката е отворена во тој период и можни се промени на приходната и расходната страна“, рече Зафировски.ДКСК, презема соодветни мерки за санкционирање на ДУА, од која до денеска, како што информираше Зафировски, немаат добиено известување дали во Буџетот се вратени оние 160.000 денари, кои беа пријавени како донација, а согласно Изборниот законик го надминуваа дозволениот лимит од 5.000 евра.Комисијата побарала дополнителни информации за кредитот со кој организаторот на коалицијата предводена од СДСМ ја финансира изборната кампања, а е пријавен во рубриката донација, со цел да се констатира со колкав износ кредиторот, во случајов Комерцијална банка АД Скопје, ја донира изборната кампања на коалицијата предводена од СДСМ.„Од Комерцијална банка А.Д. Скопје демантираа дека станува збор за каква и да е донација, што упатува на тоа дека податокот презентиран од страна на организаторот на кампањата е неточен. На тоа се надоврза и СРД, кои ги објавија податоците за минутажата на платено политичко рекламирање за првата половина од кампањата. Тие податоци покажуваа многу поразлична слика од онаа прикажаната во првичниот извештај и различна од онаа прикажана во демантот на Комерцијална Банка А. Д. Скопје. Така што ова прашање за Државната комисија за спречување на корупцијата не е затворено“, образложи Зафировски.ДКСК од сите партии побарала банкарски изводи, за дополнително утврдување на финансиската состојба за време на кампањата.