Денешниот ден помина беспрекорно во 35 града во Македонија, во 95 средни јавни училишта и во пет приватни, рече Методија Јанчевски, директор на Државниот испитен центар(ДИЦ), кој денеска го посети средното училиште Орце Николов.

Денешниот ден помина беспрекорно во 35 града во Македонија, во 95 средни јавни училишта и во пет приватни, рече Методија Јанчевски, директор на Државниот испитен центар(ДИЦ), кој денеска го посети средното училиште Орце Николов. Јанчевски додаде дека особено е задоволен бидејќи бројот на телефонски повици до ДИЦ од терен е минимизиран и имале помалку од 100 повици. За полагањето за првиот и задолжителен екстерен предмет, мајчин јазик и литература, пријавени се вкупно 18.184 матуранти, од кои за тестот по македонски јазик 12.771, за албански 5.063, и за турски јазик 350. „Очекуваме успехот на учениците да соодветствува со знаењето затоа што тестовите се подготвени да го прикажат знаењето, а тоа е она на што ние цело време инсистираме, да имаме дипломи зад кои стои знаење. Очекувам дека тоа од година во година ќе се покачува, но никогаш не сум очекувал оценките да бидат околу пет, затоа што тоа значи дека лошо е подготвен тестот“, рече министерот за образование Никола Тодоров. Тестирањето го следат 1.830 наставници, а ангажирани се преку 300 оценувачи и 200 набљудувачи од повеќе државни институции. Во четврток ќе се полага вториот екстерен предмет кој е изборен(математика или странски јазик), за кој се пријавија 18.190 матуранти. Како што кажа Тодоров, резултатите од полагањето ги очекуваат најдоцна до 15. јули, согласно законскиот рок. /крај/ми