Македонија
Македонија земја со умерен ризик од тероризам и политичко насилство

Македонија се наоѓа во категоријата земји со умерен ризик од тероризам и политичко насилство во 2011 година, проценува Аон Риск Солушнс (Aon Risk Solutions), водечка глобална компанија за управување со ризици и посредување во осигурување.
Македонија се наоѓа во категоријата земји со умерен ризик од тероризам и политичко насилство во 2011 година, проценува Аон Риск Солушнс (Aon Risk Solutions), водечка глобална компанија за управување со ризици и посредување во осигурување. Според Аон Риск Солушнс, политичкото насилство, штрајковите, востанија, граѓанската војна и војната му се закануваат на одржливиот развој, континуитетот и профитабилноста на претпријатијата исто колку и тероризмот.Поради тоа, годишната Карта на закана од тероризам и политичко насилство за прв пат во десетгодишната историја на проценка на тежината на опасностите со кои се соочуваат претпријатијата ширум светот, ги зема предвид и тие фактори. Картата на тероризмот и политичко насилство за 2011 година покажува зголемен ризик од политичко насилство на Средниот исток и во Северна Африка, што е одраз на големите немири во регионот во текот на „арапската пролет“. На картата се одразуваат и граѓанските немири и работничките штрајкови што произлегле од мерките за штедење во западноевропските држави како што се Грција, Франција, Шпанија и Обединетото Кралство. Македонија, заедно со Србија и БиХ, спаѓа во категоријата земји со умерен ризик, додека Хрватска, Словенија и Црна Гора се наоѓаат во категоријата земји со занемарлив ризик. “Иако картата на закана од тероризам на АОН почна да се прави како последица од нападот од 11 -ти септември, проблемите што би требало најмногу да ги загрижуваат луѓето и претпријатијата силно се проширија во десетгодишниот период што уследи. Тероризмот и натаму е многу реална опасност во целиот свет, но факт е и дека опасност за континуитетот во работењето исто така доаѓа и од политичкото насилство во сите негови бројни форми. Претпријатијата би требало прво да утврдат со кои опасности се соочуваат и да воведат сеопфатна програма за управување со ризиците за да ги заштитат своите вработени, материјалниот имот и, секако, бизнис резултатите. Бидејќи пазарот за осигурување од ризикот од тероризмот е добро развиен и може да се справи со сложените меѓународни ризици, осигурувањето треба да се смета како дел од добрата програма за управување со ризици“, вели директорот за прашања за тероризмот во службата за кризен менаџмент на Аон Риск Солушн, Неил Хендерсон. /крај/хи/мв
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЦУК: Пожарот во Самоков веднаш изгаснат, објектите на фабриката не беа во опасност

Пожарот во Самоков е локализиран и веднаш изгаснат. Во ниту еден момент немаше опасност од негово ширење кон објектите на фабриката Самоков, соопшти Центарот за управување со кризи.
Од РЦУК Македонски Брод претходно стигна информација дека е настанат пожар во населбата Самоков, во фабриката „Сувенир“, а опожарен е магацин со хемикалии. Во информацијата беше наведено дека електричната енергија во фабриката е исклучена.
Македонија
„Седи Боби, кец!“, му рече Арсовска на Стефковски за проблемот со водата, па доби одговор

Градоначалничката на Град Скопје, Данела Арсовска, преку објава на својот официјален профил на Фејсбук, му возврати на градоначалникот на општина Гази Баба, Бобан Стефковски, кој претходно ги прозва Градот и ЈП „Водовод и канализација“ – Скопје, за прекините во водоснабдувањето во неколку скопски населби. Тој побара итна интервенција од Градот, предупредувајќи на можни протести ако состојбата не се реши веднаш.
Арсовска му одговори на Стефковски дека и по три години на функција сè уште не прави разлика што е во надлежност на Градот, а што на Општина Гази Баба. Таа појасни дека жителите на Црешево и Смилковци не се корисници на ЈП „Водовод и канализација“, туку на ЈКП „Гази Баба“ – претпријатие под општинска надлежност.
„Ова по три години ќе го знаеше ако паузираше еден ден од сликање по фолклорни манифестации за да сработиш нешто“, напиша Арсовска, посочувајќи дека со средствата добиени од владите на Ковачевски и Мицкоски, Стефковски можел да изгради нова водоводна мрежа за тие населби.
Во продолжение, Арсовска рече дека Град Скопје во изминатите три години не добил ниту еден денар од централната власт, а дека Владата ѝ должи на ЈСП Скопје осум милиони евра.
Градоначалничката ја заврши објавата со саркастичен тон: „Седи Боби, кец!“
Ситуацијата дополнително ја заостри реториката меѓу градоначалниците на Скопје и Гази Баба, отворајќи нова рунда меѓусебни обвинувања. По објавата на Арсовска, повторно се огласи Стефковски кој и’ одговори дека надлежноста за Смилковци и Црешево ја знае многу добро, па ја повика да каже зошто жителите од Автокоманда, Железара, Триангла, Маџари и Ченто немаат вода? За крај по однос на делењето оценки, Стефковски на социјалните мрежи напиша дека граѓаните и’ дале оценка на парламентарните избори на Арсовска. Тогаш таа освои вкупно 3.438 гласови.
Македонија
Гори кај Прилеп, Македонски Брод, Чашка и Велес – пресек на состојбата со пожарите

На територијата на државата се евидентирани вкупно осум пожари на отворен простор, од кои активни се четири, соопшти Центарот за управување со кризи.
Во Општина Прилеп, гори кај селото Бешиште. Се работи за приземен пожар во квалитетна мешана шума. Активен е пожарот и кај Општина Македонски Брод, с. Црешнево, м.в. Церо Поле – пожар во деградирана дабова шума и грмушки. Во Општина Чашка беснее шумски пожар под Солунска Глава, помеѓу местата викани Изворите на Бабуна и Бабина Дупка (моментално нема активен пламен, само чад на карпест дел). Во Општина Велес пожарот избувна во ниска вегетација.
Изгаснати се 4 пожари: Општина Врапчиште, с. Врањовци – ниска вегетација, ѓубриште; Општина Липково, с. Лојане – ниска вегетација и стрниште; Општина Карбинци, с. Радање – блок (површина) посеана со жито и ниска вегетација и ОпштинаАрачиново, с. Орланци – ниска вегетација и отпаден материјал.