Случувањата во земјите од Северна Африка и арапскиот свет се неспоредливи со организирањето на протести преку социјалните мрежи на Балканот констатираа учесниците на дебатата за влијанието на „арапската пролет“ врз глобалните текови и Балканот

Случувањата во земјите од Северна Африка и арапскиот свет се неспоредливи со организирањето на протести преку социјалните мрежи во Хрватска и Македонија или пак со протестите против мерките за штедење во Грција, констатираа учесниците на дебатата за влијанието на „арапската пролет“ врз глобалните текови и Балканот, организирана од дневниот весник „Дневник“ и Стопанската комора на Македонија. Според нив на Балканот нема да му се случи „арапска пролет“.„Во земјите од Северна Африка и арапскиот свет граѓаните не знаат што е демократија. Таму допрва има зачеток на граѓански сектор, а со земјите управуваат политички елити без визија. Причините за тамошните протести се сосема различни од тие што се случуваат на Балканот„, вели професорот Стево Пендаровски.Полтичкиот аналитичар Сем Вакни пак смета дека Балканот сепак го очекува критичен период, но од други, а не од социјални причини.„Нивото на соработка помеѓу САД и западна Европа полека, но сигурно ослабнува. На Балканот се враќа Русија, а за Балканот голем предизвик ќе биде и ширењето на тероризмот кој од Пакистан и Авганистан се сели на Балканот. Тоа може да влијае на ситуацијата во Босна и Косово, а можеби и на Албанија и на Македонија„, вели Вакни.Поголем дел од учесниците на дебатата отценија дека случувањата во Северна Африка и арапскиот свет не се само случајност и дека најразлични религиозни и надворешни фактори имаат и те како големо влијание на текот на случувањата./крај/пд