Предизвик се преостанатите бегалци од Косово, кои беа крајно запоставени од државата до сега, но и случаите на незаконско протерување на баратели на азил во земји во кои им се заканува смрт.

Предизвик се преостанатите бегалци од Косово, кои беа крајно запоставени од државата до сега, но и случаите на незаконско протерување на баратели на азил во земји во кои им се заканува смрт.Ова се наведува во соопштението на Истражувачкиот центар за граѓанско општество (ИЦГО) од Скопје, по повод 20 јуни – Светскиот ден на бегалците.Од центарот посочуваат дека се обраќаат до јавноста со цел да ја потсетат на важноста на овој ден, како заради самите бегалци на кои, како што истакнуваат, како никогаш досега им е потребна помош и солидарност, така и заради фактот што исполнувањето на законските и други критериуми во Република Македонија, кои произлегуваат од меѓународното право за човекови права, како и од обврските што земјава како кандидат за членство ги презеде од ЕУ, придонесе во значајна мерка за добивањето на визната либерализација за граѓаните на земјава.„Само во последниве шест месеци, околу 1,500 луѓе го загубија животот обидувајќи се да се спасат од прогон, војни и тоталитарни режими. Македонија е исто така на рутата на овие текови и сè повеќе ќе се соочува со предизвиците на бегалските бранови. Но таа треба да се соочи и со сопствените слабости во примената на бегалското право, со повремената злоупотреба на тоа право, но и со растечкиот тренд на трговија и транзит со мигранти во кои понекогаш се вмешани и лица вработени во институциите на системот“, се вели во соопштението.Сите овие предизвици, како што додаваат од Центарот, бараат посветеност, стручна работа, целосно разбирање на светските текови во оваа област и особено стратешка ориентација на оние кои треба да ја водат Македонија кон сигурните води на НАТО И ЕУ, како земја во која владеењето на правото е врвниот приоритет. /крај/бд