Македонија
Зголемен интересот за средни стручни училишта

Резултатите од првиот уписен рок во средните училишта за учебната 2011/2012 објавени на 21.јуни година покажуваат дека има зголемен интерес за стручните средни училишта, изјави министерот за образование и наука Никола Тодоров.
Резултатите од првиот уписен рок во средните училишта за учебната 2011/2012 објавени на 21.јуни година покажуваат дека има зголемен интерес за стручните средни училишта, изјави министерот за образование и наука Никола Тодоров. „Она што може да се забележи во однос на минатата година е зголемениот интерес за средното стручно образование. Особено во делот за економската, правната, трговската, шумарска, дрвопреработувачката струка со четири годишно образование како и за спортската гимназија. Тоа е многу важно, затоа што знаете дека во минатото беше еден феномен кајшто имаше поголем број на интерес во гимназиските струки “ вели Тодоров.Тој додаде дека во учебната 2010/2011 година 8-мо одделение завршиле вкупно 25.152 ученика, а додека во првиот уписен рок вкупно се запишани 14.885 ученика и 11.218 ученици на македонски јазик и 3.434 на албански наставен јазик, 167 ученици за настава на турски и 66 повторувачи. „Учениците или студентите кога се одлучуваат која струка или кој профил ќе го одберат треба да гледаат и кои се тенденциите и движењата на пазарот на трудот. Значи треба да размислуваат какви ќе бидат нивните шанси за вработување“ истакна Тодоров. Според видот на образованието запишани се вкупно 6.424 во гимназиско и 8.000 во средно-стручно и 235 во уметничкото образование.Исто така, годинава за прв пат се воведуваат три нови профили во средните училишта во Република Македонија. „Во средното училиште „Ванчо Прке“ во Виница во текстилно-кожарска струка се воведува образовниот профил конфекциски и компјутерски оператор. Во средното текстилно училиште „Димитар Мирашчиев“ во Штип се воведува веќе споменатиот образовен профил и во „Здравко Цветковски-ГУЦ“ во Скопје во градежно геодетската струка се воведува техничар-дизајнер за внатрешна архитектура“ изјави Тодоров. Оваа учебна година на 23.јуни беше организирано квалификационо тестирање во „Панче Караѓозов“ во Скопје за учениците кои ќе ја следат наставата на албански јазик. Според министерот за образование и наука за учебната 2011/2012 година се предвидени да се испечатат и дистрибуираат минимум 300 учебници. Вториот јунски уписен рок за запишувањето на ученици ќе се врши на 29 и 30.јуни, а резултатите ќе бидат објавени на 1.јули. Минатата година во средните училишта се запишаа 98,5 % од учениците. Сите оние коишто не се запишаа добиле прекршочни пријави или им биле испратени покани да се запишат. /крај/макфакс/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЦУК: Пожарот во Самоков веднаш изгаснат, објектите на фабриката не беа во опасност

Пожарот во Самоков е локализиран и веднаш изгаснат. Во ниту еден момент немаше опасност од негово ширење кон објектите на фабриката Самоков, соопшти Центарот за управување со кризи.
Од РЦУК Македонски Брод претходно стигна информација дека е настанат пожар во населбата Самоков, во фабриката „Сувенир“, а опожарен е магацин со хемикалии. Во информацијата беше наведено дека електричната енергија во фабриката е исклучена.
Македонија
„Седи Боби, кец!“, му рече Арсовска на Стефковски за проблемот со водата, па доби одговор

Градоначалничката на Град Скопје, Данела Арсовска, преку објава на својот официјален профил на Фејсбук, му возврати на градоначалникот на општина Гази Баба, Бобан Стефковски, кој претходно ги прозва Градот и ЈП „Водовод и канализација“ – Скопје, за прекините во водоснабдувањето во неколку скопски населби. Тој побара итна интервенција од Градот, предупредувајќи на можни протести ако состојбата не се реши веднаш.
Арсовска му одговори на Стефковски дека и по три години на функција сè уште не прави разлика што е во надлежност на Градот, а што на Општина Гази Баба. Таа појасни дека жителите на Црешево и Смилковци не се корисници на ЈП „Водовод и канализација“, туку на ЈКП „Гази Баба“ – претпријатие под општинска надлежност.
„Ова по три години ќе го знаеше ако паузираше еден ден од сликање по фолклорни манифестации за да сработиш нешто“, напиша Арсовска, посочувајќи дека со средствата добиени од владите на Ковачевски и Мицкоски, Стефковски можел да изгради нова водоводна мрежа за тие населби.
Во продолжение, Арсовска рече дека Град Скопје во изминатите три години не добил ниту еден денар од централната власт, а дека Владата ѝ должи на ЈСП Скопје осум милиони евра.
Градоначалничката ја заврши објавата со саркастичен тон: „Седи Боби, кец!“
Ситуацијата дополнително ја заостри реториката меѓу градоначалниците на Скопје и Гази Баба, отворајќи нова рунда меѓусебни обвинувања. По објавата на Арсовска, повторно се огласи Стефковски кој и’ одговори дека надлежноста за Смилковци и Црешево ја знае многу добро, па ја повика да каже зошто жителите од Автокоманда, Железара, Триангла, Маџари и Ченто немаат вода? За крај по однос на делењето оценки, Стефковски на социјалните мрежи напиша дека граѓаните и’ дале оценка на парламентарните избори на Арсовска. Тогаш таа освои вкупно 3.438 гласови.
Македонија
Гори кај Прилеп, Македонски Брод, Чашка и Велес – пресек на состојбата со пожарите

На територијата на државата се евидентирани вкупно осум пожари на отворен простор, од кои активни се четири, соопшти Центарот за управување со кризи.
Во Општина Прилеп, гори кај селото Бешиште. Се работи за приземен пожар во квалитетна мешана шума. Активен е пожарот и кај Општина Македонски Брод, с. Црешнево, м.в. Церо Поле – пожар во деградирана дабова шума и грмушки. Во Општина Чашка беснее шумски пожар под Солунска Глава, помеѓу местата викани Изворите на Бабуна и Бабина Дупка (моментално нема активен пламен, само чад на карпест дел). Во Општина Велес пожарот избувна во ниска вегетација.
Изгаснати се 4 пожари: Општина Врапчиште, с. Врањовци – ниска вегетација, ѓубриште; Општина Липково, с. Лојане – ниска вегетација и стрниште; Општина Карбинци, с. Радање – блок (површина) посеана со жито и ниска вегетација и ОпштинаАрачиново, с. Орланци – ниска вегетација и отпаден материјал.