Повеќе од седумстотини и педесет ученици од ОУ „Петар Поп Арсов“ денеска ги земаа своите свидетелства во целосно обновени и „светнати“ училници.

Повеќе од седумстотини и педесет ученици од ОУ „Петар Поп Арсов“ денеска ги земаа своите свидетелства во целосно обновени и „светнати“ училници. Покрај сите училници, во кои се заменети прозорците и вратите, поставена е нова подна облога, а ѕидовите се свежо бојадисани, информираат од општина КарпошСо обновата беа опфатени и останатите делови од училиштето, со што тоа доби нов покрив, нова заштитна ограда, нова надворешна фасада, целосно нов влезен портал, нови ѕидни и подни плочки, нова електроинсталација и светлосни елементи. Изградена е и рампа за лица со инвалидитет, а обновени се и внатрешните скали.   „На реконструкцијата на нашето училиште се работеше исклучително напорно и брзо. Работевме што се вели и дење и ноќе за да постигнеме, на овој за нас свечен ден, нашите ученици и нивните семејства да ги пречекаме во училиште со нов освежен лик. Останува да довршиме уште некои детали, но  многу сум задоволна од обемот и квалитетот на извршените градежни работи“, изјави директорката на ОУ „Петар Поп Арсов“, Татјана Савеска.Реконструкцијата на училиштата во Карпош се извршува со средства од буџетот на Општината и од ИПА-фондовите на Европската Унија. /крај/со/ап