Македонија
Кекеши: Македонското прашање го држевме високо на агендата
Унгарија го држеше македонско прашање високо на агендата во изминатите шест месеци и преку нашите активности им посочувавме на другите земји членки за важноста од стартот на пристапните преговори со Македонија, изјави амбасадорот Ференц Кекеши на истекот од унгарското претседателство со ЕУ.
Унгарија го држеше македонско прашање високо на агендата во изминатите шест месеци и преку нашите активности им посочувавме на другите земји членки за важноста од стартот на пристапните преговори со Македонија, изјави амбасадорот Ференц Кекеши на истекот од шест-месечното унгарско претседателство со ЕУ.Кекеши вели дека отварањето на преговорите е важно не само за Македонија, туку и за Унгарија и сите земји-членки.„Ние сме за почеток на преговорите што е можно поскоро, поради тоа не е само интерес на Македонија и на Унгарија, туку на сите членки на ЕУ. Ние ги повикавме двете страни да го забрзаат преговарачкиот процес, поради тоа што доборососедските односи и регионалната соработка се важен дел од тоа да се биде членка на ЕУ“, рече Кекеши.Посочува дека Унгарија го задржала фокусот на Македонија преку постојаното посочување на потребата за понатамошна интеграција на земјата, но и преку можноста за директно учество на македонски преставници на состаноците на највисоко ниво во Брисел.„Факт е дека со нашата активност во Брисел и овде во регионот, преку промоцијата на потребата за понатамошно проширување, ние им објаснувавме на другите земји-членки зошто е важно да се земе Македонија во тимот, да се остават вратите отворени за пристапните преговори и ја ставивме Македонија на агендата за дискусија. Како што реков, во Луксембург успешно организиравме форум ЕУ-Западен Балкан на највисоко ниво, кој беше добра прилика пред Европскиот Совет за вашата земја, за вашиот министер за надворешни работи да го презентира вашиот став и вашите намери за во иднина. Во таа смисла, мислам дека во последните шест месеци случајот за Македонија беше дискутиран многу почесто од порано. Ние ја дадовме можноста на вас, на вашите политичари да бидат точка на интерес“, рече Кекеши.За унгарскиот амбасадорот, Македонија постигнала напредок во изминатиот период, но и дека остануваат предизвиците наведени во минатогодишниот извештај на Европската Комисија,„Она што е важно е дека имавме слободни и добри избори во јуни. И тоа е дел од вашите перформанси. Друго прашање е дека има прашања што остануваат – реформите во државната администрација и други области, но ние се надеваме дека врз основа на основа на првите изјави и првите знаци од вашите политичари, владата и парламентот ќе имаат активна улога во периодот“, рече Кекеши.Унгарија в петок, 1-ви јули, претседателството со Советот на Европската Унија ќе го предаде на Полска. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари: Земјотресот почна, се надевам дека на 8 мај ќе дојде промената ДУИ да биде опозиција
Масовниот одѕив на гласачите на овие претседателски избори за Арбен Таравари, претседателски кандидат на коалицијата ВЛЕН, е показател дека промените се почнати. На првата прес-конференција по затворањето на избирачките места тој рече дека очекува победа на 8 мај.
„Земјотресот по се изгледа дека денеска почна со масовното учество на граѓаните во изборите, а се надевам дека на 8 мај ВЛЕН ќе победи и ќе дојде долго очекуваната промена ДУИ да биде во опозиција“, рече Таравари.
Тој јавно се заблагодари на граѓаните за масовниот одѕив и изрази надеж дека набљудувачите нема да дозволат злоупотреби на гласовите.
„Сега веќе се знае дека на овие избори имаше многу помасовно излегување на гласање отколку претходните избори што зборува дека промените ни се приближуваат и ни доаѓаат. Ние како ВЛЕН сме пресреќни дека добивме гласови генерално од Албанците. Сега веќе промените се внатре во кутиите кои веќе се отвораат. Се надевам дека нашите набљудувачи ќе ги контролираат и нема да дозволат да има злоупотреби и ќе се гарантира секој глас кој што е даден на демократски начин дека ќе излезе на површина“, рече Таравари.
Македонија
Кузеска: Констатирани се мали прекршувања на изборниот процес, ги очекуваме резултатите и уверени сме дека граѓаните ќе ја поддржат европската иднина
Богданка Кузеска од Изборниот штаб на СДСМ, по затворањето на избирачките места изјави дека изборниот ден бил демократски, а гласањето се одвивало во фер и демократска атмосфера.
„Граѓаните својата волја ја изразија слободно и достоинствено како што доликува на една демократска земја – членка на НАТО со започнати преговори со ЕУ. Констатирани се само неколку многу мали прекршувања на изборниот процес. Сакаме да изразиме благодарност до сите граѓани кои денеска гласаа. Самото гласање е суштински чин кој произлегува од моќта на граѓаните да одлучуваат за својата иднина и иднината на државата. Ги очекуваме изборните резултати и уверени сме дека граѓаните и денеска и на 8 мај ќе ја поддржат европската иднина за Македонија. Иднина во која Македонија е дел од европското семејство и членка на ЕУ“, порача Кузеска.
Повтори дека ги очекуваат изборните резултати и наскоро ќе излезат со точни податоци.
Македонија
Евидентирани 12 случаи на фотографирање гласачко ливче, шест пријави за нудење поткуп и 15 пријави за агитирање, соопшти Тошковски
Според министерот за внатрешни работи Панче Тошковски денешниот изборен ден поминал во безбедна, мирна и демократска атмосфера.
Како што рече, безбедните избори биле резултат на добрата соработка меѓу полицијата, Државната изборна комисија и сите други чинители кои биле вклучени во спроведувањето на изборниот процес
„Овие избори беа уште еден тест за демократијата и во таа насока сакам да им честитам на граѓаните кои излегоа на гласање и ја исполнија својата граѓанска должност и со тоа уште еднаш го истакнаа демократскиот капацитет на државата и значењето на нивната активна улога во градењето на инклузивно општество“, кажа Тошковски.
Истакна дека биле евидентирани повеќе настани кои се однесуваат на прекршување на изборниот процес.
„На ниво на целата држава евидентирани се 12 случаи на фотографирање на гласачкото ливче, два случаи на кинење на гласачко ливче, шест пријави за нудење на поткуп и 15 пријави за агитирање. На подрачје на СВР Скопје во врска со пријавата за испукана димна бомба од страна на тимот за антитероризам извршена е проверка , подигната е направата и предадена е на претседателот на избирачкиот одбор. Констатирани се шест прекршоци, а ќе бидат поднесени и две кривични пријави, една за повреда на тајност на гласањето и една за повреда на избирачко право“, потенцира Тошковски.
Во Охрид било пријавено јавно гласање пред комисијата а во Тетово биле пријавени упатени навреди кон шеф на штаб на политичка партија.
Во Куманово како што додаде, две гласачки места во село Умин Дол биле затворени а избирачкиот материјал бил вратен во канцелариите на ОИК.
Во Струмица едно лице го покажало гласачкото ливче на набљудувач.