Македонија
Иванов повика на дебирократизација на македонската дипломатија
Дебирократизацијата е дел од задачите на кои во следниот период треба да работи македонската дипломатија, смета претседателот Ѓорге Иванов, кој денеска го посети Министерството за надворешни работи.
Дебирократизацијата е дел од задачите на кои во следниот период треба да работи македонската дипломатија, смета претседателот Ѓорге Иванов, кој денеска го посети Министерството за надворешни работи. Според Иванов, потребно е зголемување на слободата на делување на македонските амбасадори со паралелно зголемување на одговорностите според кои ќе биде оценувана нивната работа. „Претседателот Иванов најави поригорозна анализа и оценување на работата на амбасадорите по следниве критериуми: Јавна дипломатија – поголем ангажман и присуство на амбасадорите во јавната дипломатија, во медиумскиот и општествениот живот во земјата на акредитација, промоција на македонското стопанство и економската соработка, промоција на културните вредности на Република Македонија“, соопштуваат од Кабинетот на претседателот и од МНР. Претседателот Иванов, во рамки на посетата на министерството, одржа предавање пред младите дипломати, на кое направи рекапитулација на постигнувањата на дипломатијата во изминатите 20 години. Истовремено, Иванов покрена иницијатива за Одликувања за заслужни странски амбасадори по завршувањето на нивниот мандат во Македонија, што преставува нов тип на одликување што не е предвидено со сегашната законска регулатива и е надвор од надлежноста на комисијата за одликувања и признанија на претседателот. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

