Македонија
СДСМ: Антикорупциска да го разгледа скандалот за бланко оставки и меници
СДСМ денеска побара Антикорупциска комисија да ги разгледа наводите дека лојалноста на пратениците премиерот Никола Груевски ја обезбедувал со бланко оставки и меници во вредност од 300 до 600 илјади евра.
СДСМ денеска побара Антикорупциска комисија да ги разгледа наводите дека лојалноста на пратениците премиерот Никола Груевски ја обезбедувал со бланко оставки и меници во вредност од 300 до 600 илјади евра.
„Коалициониот партнер на ВМРО-ДПМНЕ, Павле Трајанов јавно призна дека лојалноста на пратениците на владејачката коалиција Груевски ја обезбедува со бланко оставки и меници во вредност од 300 до 600 илјади евра. Еве како Груевски ја подразбира демократијата. Ако тој вака ги уценува сопствените пратеници тогаш што може да очекуваат граѓаните. Очигледно е дека, ни оваа пратеничка група на ДПМНЕ нема да смее да мисли со сопствена глава, туку ќе треба да ги слуша единствено наредбите на својот шеф Груевски“, рече на денешната прес-конференција заменик портпаролот на СДСМ, Калинка Сентиќ-Габер.
Според неа Собранието нема да може да ја има вистинската улога на коректив на извршната власт.
Таа рече дека Павле Трајанов го оправдува овој мега скандал со образложение дека овие цифри ВМРО-ДПМНЕ ги има потрошено во кампањата за избор на еден пратеник во зависност од местото на изборната листа.
„Ако се земе предвид понискиот износ од 300 илјади евра, тогаш излегува дека ДПМНЕ за своите 56 пратеници, во оваа кампања има потрошено цели 16 милиони и 800 илјади евра. Дали ова значи дека Груевски доставил комплетно фингиран финансиски извештај за изборната кампања на ДПМНЕ?“, прашува Габер.
СДСМ очекува ВМРО- ДПМНЕ јавно да се произнесе дали се точни наводите на нивниот коалиционен партнер./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Намалена видливост поради магла на неколку патни правци
Сообраќајот на државните патишта се одвива во зимски услови, по претежно суви и местимично влажни коловози. Намалена видливост поради појава на магла до 50 метри има во околините на Гевгелија, до 100 метри Струмица, Неготино и Сарамзалино и до 150 метри Демир Капија, извести АМСМ.
Сите патни правци во државата се проодни.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Дел од Центар денеска без вода
Од ЈП Водовод и канализација – Скопје, известуваат дека денеска:
· поради уличен дефект ф-80 мм на улицата Св. Кирил и Методиј бр. 48, од 08:30 часот до завршување со санација на дефектот, прекинато водоснабдување ќе имаат корисниците од дел од истата улица и дел од улицата Димитрие Чуповски, вклучително и ЈЗУ Здравствен дом Железничар, општина Центар.
Македонија
Променливо облачно со услови за повремени врнежи од дожд
Променливо облачно претпладне во западните делови ќе има врнежи од дожд, а попладне услови за дожд ќе има и во источните делови. Ќе дува слаб до умерен ветер од јужен правец. Минималната температура ќе биде во интервал од 2 до 6, а максималната ќе достигне од 8 до 14 степени.
Во Скопје, облачно со услови за повремени врнежи од дожд. Ќе дува слаб ветер со променлив правец. Минималната температура ќе се спушти до 4, а максималната ќе достигне до 11 степени.
Времето во наредните денови
Утре ќе се задржи променливо облачно време наместа со повремен слаб дожд освен во западните делови каде што ќе биде облачно со врнежи од дожд кои ќе бидат со пообилен интензитет (над 15 l/m²). Ќе дува умерен, повремено засилен ветер. Нови врнежи ќе има во недела и почетокот на следната седмица кога ќе настапи заладување со повремени врнежи од дожд, а на планините и во некои од повисоките места од снег.

