Родителите чии деца се заболени од хемофилија, правата за подобро лекување, ќе ги бараат преку новоформираното здружение „Здружение на хемофиличарите“.

Родителите чии деца се заболени од хемофилија,правата за подобро лекување ќе ги бараат преку новоформираното здружение „Здружение на хемофиличарите“.Здружението бара соодветно третирање со фактори за коагулација 8, 9 и 7 – а, за да се овозможи квалитетен живот на лицата со хемофилија. Според членовите на здружението, за да се спречи и намали инвалидитетот потребно е навреме и во доволна количина децата да добиваат соодветен фактор.„По многу чести разговори за проблемите што ги имаме со нашите деца кои се хемофиличари, посета на кампови што се одржуваат во некои земји во Европа, видовме дека во светот лицата со хемофилија своите права за подобро лекување ги бараат и остваруваат преку здруженија, донесовме одлука и ние да оформиме здружение“ – вели Лилјана Рајчевска член на „Здружение на хемофиличарите“.За остварување на своите цели родителите на децата болни од хемофилија очекуваат поддршка од Министерството за здравство, Центарот за хемофилија, Детската клиника, Клиника за хематологија и од фармацевските компании кои го произведуваат Факторот 8, 9 и 7 – а.Хемофилија или нарушување во крвавењето е наследно заболување на коагулацијата и тоа недостиг на фактор 8 и 9Од класичната хемофилија страдаат речиси исклучиво мажите, додека жените се конвентори (односно ја пренесуваат болеста на нивните синови). Само во исклучителни случаи, можат да заболат и жените доколку таткото е хемофиличар а мајката конвентор.Во Македонија се регистрирани 315 пациенти, од кои 210 пациенти се заболени со хемофилија А, а 105 пациенти имаат хемофилија Б. Тие се лекуваат при Универзитетската клиника за хематологија, Универзитетската клиника за детски болести и Институт за трансфузиона медицина. крај/к.с.