Судството, медиумите и невладиниот сектор во Македонија се областите за чиј развој официјален Вашингтон е загрижен, рече кандидатот за амбасадор во Скопје, Пол Волерс во својот настап пред Комитетот за надворешна политика на Сенатот.

Судството, медиумите и невладиниот сектор во Македонија се областите за чиј развој официјален Вашингтон е загрижен, рече кандидатот за амбасадор во Скопје, Пол Волерс во својот настап пред Комитетот за надворешна политика на Сенатот.Волерс посочи дека, по успешно спроведените парламентарни избори на 5-ти јуни, приоритети за Македонија се обезбедување на независно судство, слободни и независни медиуми и силно граѓанско општество.„Ова е време луѓето и лидерството на Македонија да се фокусираат и движат кон поголем просперитет, стабилност, безбедност во евроатланските интеграции. Демократските структури се воспоставени во Македонија, но целосното владеење на правото и независноста на институциите останува проблем. Независно судство, слободни и независни медиуми и силно граѓанско општество се важни одредници за сите демократии. Ние сме загрижени за развојот на Македонија во овие области. САД се сојузници со Македонија и се соочува со овие предизвици“, рече Волерс.Во однос на прашањето со името, Волерс посочи дека натамошниот напредок во евроатланската интеграција на земјата зависи од неговото решавање. Побара силно лидерство од двете страни со цел изнаоѓање на решение. „Ова е нешто повеќе од име. Ова е прашање на идентитет. Ние работевме во минатото и ќе продолжиме да го правиме тоа со македонските власти, како и со другата страна преку амбасадата во Атина. Ја посочуваме на двете страни потребата од придвижување напред по однос на ова прашање со големо чувство на компромис, со меѓусебна почит за историјата и традицијата, со чуство за волја да се направи болниот компромис, кој е неопходен за да се надмине ова деликатно прашање, прашање што е многу емотивно за двете страни“, рече Волерс, кој побара двете страни да се воздржат од провокации што би го отежнале изнаоѓањето на решение. Волерс оддаде почит за македонските војници во мисиите во Ирак и во Авганистан, нарекувајќи ја Македонија верен сојузник на САД. На сослушувањето во комитетот, Волерс дури беше прашан како мисли дека може да се надмине бојкотот на опозицијата во парламентот, на што идниот американски амбасадор одговори дека таквата состојба е надмината по одржувањето на предвремените парламентарни избори во јуни.Пол Волерс, на функцијата треба да го наследи Филип Рикер, кој заминува во Вашингтон на позицијата заменик-помошник државен секретар за европски и евроазиски прашања во Стејт департментот. /крај/со/ач Copyright 2011 makfax. Сите права се задржани. Текстов не смее да се печати или емитува, во целина или во делови, без договор со makfax.