Македонија
Економијата и културата да бидат главни приоритети на иселеничките организации
Економскиот развој на Македонија преку привлекување странски инвестиции и зачувување на македонската култура треба да се главни приоритети во работењето на иселеничките организации, сметаат учесниците на Втората годишна конференција на иселенички организации што денеска и утре се одржува во Скопје.
Економскиот развој на Македонија преку привлекување странски инвестиции и зачувување на македонската култура треба да се главни приоритети во работењето на иселеничките организации, сметаат учесниците на Втората годишна конференција на иселенички организации што денеска и утре се одржува во Скопје.„Има економски промотор кој што е испратен од Агенцијата за странски инвестиции. Запознаен сум дека амбасадата и конзулатот работи на воспоставување врски и контакти со бизниси и деловни организации со цел да се воспостави подобра слика за инвестиционите можности во Република Македонија, а со тоа, секако, да привлечеме повеќе инвестиции“, изјави Милорад Додевски, пратеник од Австралија и Азија.„Мојата цел е да помогнам во инвестициите во секој поглед, да помогнам во афирмација на јазикот и културата во целиот свет. Истото важи и за вас, ви стоиме на располагање да ги дискутираме сите ваши иницијативи, предлози и проекти коишто сметате дека може да и’ помогнат на Македонија и на иселениците кои живеат надвор од Македонија. Нашата врата е постојано отворена за вас и верувам дека ќе ни излезете в пресрет, а и ние вам и сите заедно ќе ги дискутираме сите отворени прашања коишто нé измачуваат и треба да се решат со цел помош на Македонците надвор од Македонија и ваша помош на Македонците внатре во Македонија, пред сé, на полето на економијата, постојаниот економски развој, намалување на невработеноста и зголемување на странските директни инвестиции“, рече Павле Саздов, пратеник од Северна и Јужна Америка. Зачувувањето на јазичниот и културниот идентитет, според дел од учесниците на дебата, се главните предизвици со кои се соочуваат македонските иселеници. Велат дека бројните организации треба да дејствуваат во еден глас, со цел поконкретно исполнување на нивните цели.„Австралиската влада дава многу на македонската нација во Австралија. Сите објави на австралиската влада се и на македонски јазик. Според мое лично мислење, австралиската влада дава најмногу на македонското малцинство споредено со другите држави во светот. Македонците треба да го чуваат македонскиот јазик, тоа е најважно“, вели Ананија Ананиевски, иселеник во Австралија. „Задоволни сме од односот на државата, затоа што ни овозможува институционално работење. Секако, сé уште не ни е јазикот во службена употреба. Се користи единствено во две населени места Јабука, општина Панчево и Дужине. Од септември и предвидено и образованието во овие места ќе биде на македонски“, изјави Васка Чергоска, претседател на здружението „св. Кирил и Методиј“ од Србија.„Повеќе од 40 илјади лица во Србија се чувствуваат како Македонци. Но, постојат политички сили кои сакаат таа популација да ги нарекуваат ‘наши’, односно да не се изјаснуваат како Македонци. Кои се тие, јас не знам. Јас сакам, поради добрите односи меѓу Македонија и Србија и меѓу македонскиот и српскиот народ да се искристализира таа ситуација и Македонците да се изјаснуваат како Македонци“, вели Зоран Мелев од Советот на македонското национално малцинство во Србија.За претставниците на црквата, пак, токму оваа организација има придонесено за обединување на македонските иселеници во светот. Очекуваат тоа да биде случај и во Австралија, каде постојат недоразбирања меѓу МПЦ-ОА и тамошните црковни општини. Порачуваат – малку сме и не треба да се делиме.„Оној духовен препород што се случи во 1990-тите години во Република Македонија даде одек и во европската дијаспора и на тој начин се вклучија генерациите иселеници. Сметам дека еден од најстабилните фактори на обединување на македонската дијаспора е токму црквата. Верувам дека истото ќе се случи и со дијаспората во другите краеви на светот. Се надевам дека со помош на црквата ќе се надминат тие недоразбирања и поделби што ги имавме, затоа што сепак сме малку за да се делиме“, изјави господин Пимен, Митрополит Европски.На дводневната конференција е планирано да се дискутира за теми поврзани со македонската култура, јазик, за значењето на македонското државјанство, значењето на пописите во земјите во кои живеат иселениците, како и унапредување на нивната комуникација. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Не е точно дека со ДУИ подготвуваме сценарио за бојкот на вториот круг на претседателските избори“, кажа Ковачевски
Претседателот на СДСМ, Димитар Ковачевски кажа дека не е точно дека подготвуваат со ДУИ сценарио за бојкот на вториот круг на претседателските избори на 8 мај.
„Тоа не е точно, јас вчера имав многу јасна порака на митинзите во Сарај и Чучер Сандево. Ги повикувам сите гласачи масовно да излезат на 8 мај и да ги поддржат претседателскиот кандидат Стево Пендаровски и коалицијата За европска иднина на парламентарните избори. Да избереме и претседател и парламентарен состав, Македонија да продолжи на својот пат на европските инетеграции“, рече Ковачесвки.
Тој кажа дека никој не ги има гласачите под своја контрола за да ги наведува како да гласаат.
„Ја примивме пораката во првиот круг за сите грешки кои ги направивме минатите седум години. Очекуваме да ја добиеме поддршката во вториот круг. Нормално е дека нашето членство го повикавме на изборите. Свесни сме дека граѓаните испратија јасна порака до СДСМ, дека граѓаните укажаа на грешките. Работевме во услови на голема пандемија, енергетска и економска криза предизвикани од војната во Украина. Свесен сум за нивото на инфлација и цените. Се обидовме да ги зголемиме и платите и пензиите секој да се справи на најдобар начин со оваа криза. Знам дека тоа не беше доволно, знам дека треба повеќе. Во новата програма имаме и зголемување на платите и на пензиите и секако многу јасни мерки во однос на владеење на правото и борбата против корупцијата“, кажа Ковачевски.
Тој очекува во вториот круг поддршка од сите граѓани во Македонија.
Ковачевски кажа дека Пендаровски е граѓански кандидат и ја бара поддршката од граѓаните, а не од претседателските кандидат коишто не се пласирале во вториот круг.
„Имаме разговори со политичките партии на различни нивоа и ги повикувам сите да имаме масовна излезност на 8 мај. Да избереме претседател на државата со којшто ќе имаме сигурна европска иднина и да избереме парламент што ќе носи храбри одлуки за државата, за да го дадеме на граѓаните она што го заслужуваат и очекуваат“, рече лидерот на СДСМ.
Тој додаде дека со крената глава продолжуваат во вториот круг и знае од што се незадоволни граѓните.
Македонија
(Видео) Стојаноска: Време е да се обединиме сите околу тоа повеќе да не функционираме како до сега
„Во текот на вчерашниот ден направивме анализа од резултатите од првиот изборен ден на претседателските избори и истото покажува дека голем број на нашите сограѓани Албанци, Турци, Роми и Бошњаци го имаат дадено својот глас за нашиот претседателски кандидат Гордана Силјановска Давкова“, рече Дафина Стојаноска, носител на изборна единица 6.
„Во име на тоа, од срце им се заблагодарувам на сите мои сограѓани и ги повикувам истото да го направат да го направат и во вториот круг имено ВМРО-ДПМНЕ подава рака кон сите, време е, момент е да се обединиме сите околу тоа повеќе да не функционираме како до сега, туку да вложиме да инвестираме во вистинска слобода, вистинска благосостојба и вистински соживот особено за нас особено во шестата изборна единица. Време е заедно да се спротивставиме на криминалот и Македонија да ја направиме своја и горда“, изјави Дафина Стојаноска, носител на изборна единица 6.
Македонија
„Алкалоид“ добитник на „Патент на годината за 2023“ за иновативниот „Омепразол“ во течна форма
Иновативната формулација на „Алкалоид“ АД за лекот со додадена вредност „Омепразол“ во течна форма, готов за употреба, прва од ваков тип во светски рамки, е прогласена за „Патент на годината за 2023“ од Државниот завод за индустриска сопственост, во рамките на пригодното одбележување на Светскиот ден на интелектуалната сопственост – 26 април.
Меѓународната патентна пријава на „Алкалоид“ за „Oмепразол“ во течна форма беше поднесена на 17 април 2020 година, со опфат на голем број региони и земји, меѓу кои земјите од Европската Унија, САД, Канада, Кина, земјите од Евроазиската економска унија и други. Патентната пријава при Европскиот завод за патенти, чии ингеренции опфаќаат патентни активности во 39 земји во Европа, беше одобрена на 3 август минатата година и валидирана во триесетина земји, меѓу кои и Македонија.
Патентот на „Алкалоид“ АД ја заштитува течната фармацевтска дозна форма на „Омепразол“, која се базира на два посебни раствори содржани во двокоморско пакување, кое при отворањето автоматски ги меша двата раствора и така се добива готовиот течен омперазол за употреба. Овој препарат е наменет, пред сѐ, за третман на рефлуксен езофагитис и на гастроезофагеалната рефлуксна болест (ГЕРБ) кај малите деца кои не можат да голтаат таблети, како и кај возрасните пациенти кои имаат тешкотии со голтањето (пациети со дисфагија) и неможност за голтање (пациенти со поставени сонди за гастрично хранење и/или геријатриски пациенти).
Државниот завод за индустриска сопственост е основан на 1 декември 1993 година како самостоен орган на државната управа и е надлежен за вршење на работите во врска со стекнувањето и со заштитата на правата од индустриска сопственост кои опфаќаат патенти, индустриски дизајни, трговски марки и ознаки за потеклото на производите. Оваа институција триесетта година по ред традиционално организира активности во насока на афирмација на улогата на индустриската сопственост во поттикнувањето иновации и креативни творби.
ПР