Македонија
Дали А1 ќе ја загуби дозволата за работа од СРД?
Советот за радиодифузија (СРД) денеска во 13 часот се очекува да одржи седница на која ќе се разговара околу тоа дали А1 телевизија при евентуално отворање на стечајна постапка би ја изгубила дозволата за работа од СРД.
Советот за радиодифузија (СРД) денеска во 13 часот се очекува да одржи седница на која ќе се разговара околу тоа дали А1 телевизија при евентуално отворање на стечајна постапка би ја изгубила дозволата за работа од СРД.Со помош на правната служба, членовите на СРД ќе го толкува членот 62 од Законот за радиодифузија во кој е наведено „Ако настапи стечај или ликвидација, дозволата за работа престанува да важи“. Заменик претседателот на Советот за радиодифузија, Милаим Фетаи завчера изјави дека од се уште не можат да прецизираат како ќе постапуваат, дали телевизијата ќе ја изгуби дозволата за работа од СРД ако се отвори стечајна постапка за телевизијата, бидејќи ова било нова ситуација и за нив.„Ние не сме тие што сме виновни за една таква состојба, туку ќе констатираме дали може да опстојува или не. Ако можат економски да се реорганизираат СРД нема причина, нема да се истрчуваме да им ја земеме. Ние не сме цензор, ние не сме тие кои одземаме поради наши желби. Ако реално фактичката состојба на А1 е таква да не е во можност да продолжи така да работи, односно во стечајна постапка не се реорганизираат па настапува процес на ликвидација ние како СРД ќе констатираме таква состојба, тие сами по себе губат дозвола“, изјави Фетаи.Управата за јавни приходи во понеделникот до Основниот суд Скопје 2 Скопје, достави предлог за отворање стечајна постапка против А1 телевизија. Привремениот стечаен управник на А1 телевизија, Ацо Петров изготвува извештај за економско – финансиската состојба на телевизијата и врз основа на тој извештај, Основниот суд Скопје 2 ќе одлучи дали ќе отвори стечајна постапка за А1, односно дали телевизијата има услови да оди во стечај или ќе ги подмири нејзините долгови кон доверителите.Инаку телевизија должи вкупно 9,5 милиони евра и овие средства треба да ги подмири до средината на август.Сопственикот на А1 телевизија, Велија Рамковски веќе седум месеци е во притвор. Нему и на неговите блиски соработници им се суди за затајување на данок, перење пари, злоупотреба на службената положба и злосторничко здружување./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во израелски напади во Газа убиени 17 лица, меѓу нив шест деца
Во израелски напади на северот и југот на Појасот Газа убиени се најмалку 17 Палестинци, меѓу кои и шест деца, соопштија локалните болници, пренесе Би-Би-Си.
Израелската војска наведува дека нападите уследиле откако, според нив, „терористи отвориле оган и тешко раниле еден војник“ на северот на Појасот Газа, во близина на таканаречената Жолта линија, која според договорот за прекин на огнот со Хамас означува територија под контрола на Израел. Како одговор, биле изведени прецизни удари од копнени и воздушни сили, поради, како што наведуваат, „очигледно кршење“ на примирјето.
Болницата Ал-Шифа во Газа соопшти дека примила тела на 13 лица, меѓу кои пет деца, по напади врз шатори и домови во источните квартови Зеитун и Туфа. Во болницата Насер во Хан Јунис биле донесени тела на уште четири жртви, меѓу кои и едно дете.
Од стапувањето во сила на примирјето на 10 октомври, Израел и Хамас речиси секојдневно меѓусебно се обвинуваат за негово кршење. Министерството за здравство во Газа, под контрола на Хамас, наведува дека од тогаш во израелска ватра загинале најмалку 529 луѓе, додека Израел соопштува дека во палестински напади загинале четворица нивни војници.
Македонија
СДСМ му оддаде почит на македонскиот великан Гоце Делчев
Делегација на СДСМ предводена од генералниот секретар Александар Саша Димитријевиќ, заедно со членовите на Извршниот одбор, Наташа Поповиќ и Петар Огњеновиќ, денеска оддаде почит и се поклони пред ликот и делото на македонскиот великан Гоце Делчев.
„Идеалите на Гоце Делчев за слободна, праведна и напредна Македонија и денес се силен потсетник дека иднината се гради со храброст, знаење и единство. Наша должност е да ги чуваме и живееме тие вредности, секој ден.
Нека е вечен споменот на македонскиот великан Гоце Делчев“.
Македонија
Мицкоски: Очекувам раководството на ССМ да излезе од партиската прегратка и да се договори со Владата во интерес на административците
Претседателот на Владата, Христијан Мицкоски, изјави дека очекува неколкумина од раководството на Сојузот на синдикати да излезат од, како што рече, партиската прегратка и да постигнат договор со Владата во интерес на работниците, односно на административните службеници.
Одговарајќи на новинарско прашање во врска со утрешната средба со УПОЗ и очекувањата, Мицкоски нагласи дека дел од вработените во јавната администрација сè уште немаат договорен Колективен договор со Владата.
„Очекувам да излезат од партиската прегратка тие неколкумина во раководството на Сојузот на синдикати и да се договорат со Владата во интерес на работниците, односно во интерес на административните службеници, бидејќи уште тие, како што многу пати кажав во минатото, уште тие 7.700–7.800 наши колеги немаат со Владата договорен Колективен договор, сите останати имаат“, изјави премиерот.
Тој додаде дека со ваквиот договор Владата, како работодавач, ќе ги заокружи односите со сите вработени до истекот на мандатот.
„Со ова, Владата како работодавач ги заокружува односите до истекот на мандатот на оваа Влада, до 2028 година, со сите оние на чии работодавач директен или индиректен е Владата“, рече Мицкоски.

