Парламентарците попладнево ја продолжија расправата по експозето на мандатарот Никола Груевски. За опозицијата предложениот владин состав и владината програма не нудат ништо нова, а според власта тие ќе им овозможат подобра иднина на граѓаните.

Парламентарците  попладнево ја продолжија расправата по експозето на мандатарот Никола Груевски. За опозицијата предложениот владин состав и владината програма не нудат ништо нова, а според власта тие ќе им овозможат подобра иднина на граѓаните.

Согласно Деловникот за работа на Собранието, се очекува изборот на новата влада да се изврши најдоцна до полноќ.

Горан Сугарески од СДСМ  оцени дека во изминатите пет години резултатите на Владата во привлекување инвестиции се разочарувачки, а залудно биле потрошени многу пари за кампањи.Димитар  Стевананџија од ВМРО-ДПМНЕ реплицираше  дека е врв на хипокризија и лицемерие Сугарески како пратеник од Прилеп да зборува за проектите на Владата во тој град, бидејќи таму биле забележливи резултатите во инфраструктурата, образованието.

Од НДП обвинија дека проектите кои ДУИ ги претставува како клучни за Албанците се само шминка.Од ДУИ вратија дека првпат  во историјата има владина програма што е заедничка на коалициските партнери во власта и дека во неа се пишани сите важни албански проекти и оти тоа е нивен резултат.Според договорот последен говорник пред да се прекине расправата од СДСМ ќе биде нивниот кандидат за премиер на изборите Радмила Шеќеринска, по што ќе се гласа и новата Влада на Груевски ќе положи заклетва.Потоа согласно протоколот следува традиционална „фемили фото“, по што новиот владин тим ќе замине на прием кај претседателот Ѓорге Иванов во вилата „Водно“./крај/бд