Македонија
Милчин: На власта и’ пречат моите ставови

Паушално, без никакви докази, со намерно извртени наводи, за да се прикаже дека сум соработувал со СДБ.
Паушално, без никакви докази, со намерно извртени наводи, за да се прикаже дека сум соработувал со СДБ.
Вака поранешниот декан на Факултетот за драмски уметности во Скопје, а сега професор на овој факултет и директор на Фондацијата Институт отворено општество, Владимир Милчин, го оцени решението на Комисија за верификација (за лустрација) според кое тој бил соработник на поранешните тајните служби.
„Причината за ова е јасна. Јас и натаму тврдам дека на власта ѝ пречат моите ставови со кои се застапувам за демократско општество. Затоа Комисијата за верификација на фактите е искористена за нарушување на мојот личен авторитет“ се вели во писмената изјава на Милчин.
Тој најави дека во законскиот рок ќе поднесе тужба до надлежниот суд со којашто ќе го оспори донесеното решение.
За него зачудувачки е што на решението имало назнака „Строго доверливо“, а наводите од него претходно бил прераскажувани во провладините медиуми.
„Ова покажува дека целиот случај е хајка, а останува отворено прашањето кој ги давал доверливите податоци пред воопшто формално да биде донесено решението. Согледувајќи го начинот и тенденциозноста на решението, неизбежен е заклучокот дека ќе следат нови постапки против други лица кои јавно искажуваат критички ставови“ вели Милчин.
Тој има право во рок од осум дена од добивањето на решението да поднесе тужба до Управниот суд, а потоа евентуална жалба до Вишиот Управен суд.
Вчера Комисијата за лустрација по низа несогласување меѓу членовите и прегласување, донесе решение дека Милчин соработувал со тајните служби. Претходно дел од членовите обвинија дека првичното решение не е легитимно, бидејќи за време на гласањето не биле присутни седум членови, односно не било обезбедено двотретинско мнозинство, потребно за да се донесе вакво решение.
Прв лустриран функционер беше поранешниот претседател на Уставниот суд, Трендафил Ивановски. Освен него лустриран беше и лидерот на Сојузот на титови леви сили, Слободан Угриновски, поранешен судија на Врховен суд и двајца кандидати за пратеници кои не влегоа во Парламентот.
Во меѓувреме, медиумите јавија дека се откриени имиња на четворица академици во досиејата на тајните служби.
Но засега е непознато во која улога се нашле нивните имиња во документите, па Комисијата треба дополнително да провери дали академиците биле жртви, односно биле следени или биле соработници на тајната полиција. крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Драматично кај Јасен: Спречена катастрофа кога огнот се проширил кон блиските објекти

Голем е пожарот кој со денови беснее во ловиштето Јасен, а надлежните во повеќе наврати успеваат да го стават под контрола, по што повторно избувнува.
Директорот на Дирекцијата за заштита и спасување, Стојанче Ангелов, соопшти дека попладнево огнот се заканил на објектите на ЈП Јасен но со брза, енергична и одлучна акција со повеќе возила кои претходно биле поставени во полукружна одбрана, огнот бил сопрен во близина на самите објекти. Состојбата ја опиша како драматична.
„Прилагодените пинцгауери и хермелини по којзнае кој пат се покажаа одлични, без нив целата оваа борба против огнената стихија ќе имаше друг тек“, рече Ангелов.
Упати голема благодарност до припадниците на специјалните единици на Армијата и Полицијата, Волци, Ренџери и ЕБР како и до пожарникарите од скопската бригада за противпожарна заштита и вработените во ЈП Јасен како и Национални Шуми. Благодарност упати и до Илија Бојаровски – задолжен за односи со јавноста, за кој Ангелов рече дека се наголтал прашина и чад снимајки пеколни сцени, за пожтвуваната борба против пожарите кои беснееја низ државата.
Македонија
Ивановска се кандидира за градоначалничка на Центар: „Не барам моќ, туку сакам да им ја вратам на граѓаните“

Поранешната претседателка на Антикорупциска комисија, Билјана Ивановска, официјално најави кандидатура за градоначалничка на Општина Центар како кандидат на граѓанската политичка платформа „Независни заедно“.
Ивановска најави дека во кампањата ќе се фокусира на решенија, а не на лични напади. Таа истакна дека во Центар ги дели истите проблеми со граѓаните и дека правдата, интегритетот и одговорноста се вредности кои ќе ги применува во креирањето на политики.
„Мојата визија е Општина Центар да биде на граѓаните, а не на профитот. Досегашната состојба е резултат на многу корумпирани и лукративни политики кои го занемарија интересот на граѓаните. Мене не ме водат апетити за профит, јас ги вложувам моите интегритет и капацитет за да понудам решенија кои можат да бидат добри за живеење и да го вратат достоинствениот живот. Не барам моќ и функција, туку сакам моќта да им ја вратам на граѓаните“, рече Ивановска.
Во рамки на платформата „Независни заедно“ членуваат граѓанските иницијативи „Шанса за Центар“, „Зелените за Гази Баба“ и „Групација 398“. Платформата е во процес на собирање потписи за формирање политичка партија.
Македонија
Мицкоски: Над 40 милиони денари за субвенционирање на сметките за електрична енергија за ранливите граѓани

Преку Министерството за енергетика, минерални суровини и рударство е распишан јавен повик кои што можат да аплицираат оние семејства кои што ги исполнуваат условите за субвенционирање на сметките за електрична енергија.
Премиерот Христијан Мицкоски рече дека за таа цел се превидени повеќе од 40 милиони денари, одговарајќи на новинарско прашање дали владата ќе ги субвенционира ранливите граѓани во покривање на трошоците за електрична енергија.
Мицкоски нагласи дека Македонија има најниска цена на електричната енергија, што не е случај со државите од соседството кои што имаат зголемување на цената на струја од 15, 20 па и 30 проценти.
„Но, она кое што исто така можам да го кажам во многу период на регулирање на електричната енергија откако е оваа Влада 14 месеци, ние немаме покачување на електричната енергија за домаќинствата што не е случај во околината.
Ако ги гледате другите држави ќе видите дека таму електричната енергија е покачена, 15,20 па во некои држави од соседството и 30 проценти. Така што и според Евростат и според сите параметри ние сме држава во Европа која што има најниска цена на струја за или една од двете, трите најниски цени за електрична енергија за домаќинствата.“, посочи премиерот Мицкоски.