Македонија
Охридскиот договор е успешна приказна, смета шефот на дипломатијата Попоски
Избегнување на практиката да се нудат територијални решенија за етнички проблеми, избегнување на насилството, придонес кон градење на толеранција и меѓусебно разбирање и доверба се придобивките, што според шефот на дипломатијата, Никола Попоски, ги донел со себе Охридскиот рамковен договор.
Избегнување на практиката да се нудат територијални решенија за етнички проблеми, избегнување на насилството, придонес кон градење на толеранција и меѓусебно разбирање и доверба се придобивките, што според шефот на дипломатијата, Никола Попоски, ги донел со себе Охридскиот рамковен договор.На вториот ден од Конференцијата во Охрид, посветена на 10-годишнината од неговото потпишување, Попоски посочи дека поради овие придобивки може да се каже дека договорот е успешна приказна. „Сето тоа е на многу повисоко ниво од пред десет години. Доколку ги согледаме овие видувања за кои сите делиме иста перспектива, може да звучи како идеален свет, но тоа не е случај. Се соочуваме со многу неидеалности и мислам дека неколку индикатори ни овозможуваат да видиме каков е тој простор за подобрување во периодот којшто ни престои“, рече Попоски.За евроамбасадорот Петер Соренсен, високата поддршка на македонските граѓани за интеграција во Европската унија само значи потврда дека Брисел со право застанал зад постигнувањето на договорот.„Продолженото спроведување на Охридскиот договор ја демонстрира посветеноста на земјата кон европската иднина. Цврсто верувам дека предизвиците што стојат пред нас ќе бидат надминати на ист начин. Оттаму мојата анализа со процените, има неколку поуки што треба да се извлечат а треба да се спроведат на еден неконфликтен начин, а тоа е ЕУ, локална сопственост, храброст и гледање напред“, рече Соренсен.Според в.д. американскиот амбасадор Брајан Агелер, потпишувањето на договорот пред десет години овозможил приближување меѓу етничките заедници во земјата. „Беше потребна смелост за луѓето со различни гледишта да се здружат за да го потпишат тој договор, да го завршат конфликтот и да се стави рамка за да се изгради една подобра Македонија од која полза ќе имаат сите нејзини граѓани. Храброст сé уште се бара од лидерите на сите заедници во завршување на незавршеното, за да станат и словото и духот на договорот стварност“, рече Агелер во своето обраќање.Предвидено е дводневната конференција посветена на јубилејот да биде заокружена вечерва со прием организиран од вицепремиерот Муса Џафери. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерот за јавна администрација, Горан Минчев, оствари средба со ЕУ Амбасадорот Рокас
Министерот за јавна администрација, Горан Минчев, одржа средба со новиот ЕУ Аамбасадор, Н.Е. Михалис Рокас. На овој состанок се разгледаа тековните и планираните иницијативи на Министерството, со акцент на реформите во јавниот сектор.
Двајцата соговорници истакнаа значајната улога на Европската Унија како клучен партнер во напорите за подобрување на јавната администрација. Министерот Минчев посочи дека оваа средба е значаен чекор кон создавање на професионална и квалитетна јавна администрација, која ќе служи на граѓаните.
Амбасадорот Рокас потврди дека ЕУ е подготвена да обезбеди поддршка и ресурси за реформите, кои ќе имаат позитивен ефект не само на вработените во јавниот сектор, туку и на целото општество. Тој нагласи важноста на редовниот дијалог за поддршка на реформите, со цел подобрување на јавната администрација.
Министерот Минчев нагласи дека владата чекори по европскиот пат и дека нема друга алтернатива. Соработката со ЕУ е клучна за креирање квалитетни закони, кои ќе бидат ефективно имплементирани во иднина.
На крајот, Министерот Минчев го запозна Амбасадорот Рокас со активностите на Министерството за јавна администрација во изминатите 90 дена. Амбасадорот ги поздрави напорите на Министерството за јавна администрација и целата Влада за почетокот на реформската агенда , како и планот и роковникот за истата.
Македонија
Склучен Меморандум за соработка помеѓу Државниот завод за статистика и Царинската управа
Државниот завод за статистика електронски ќе ги презема податоците за надворешна трговија од Царинската управа. Ова е утврдено со Меморандумот за соработка, што беше потпишан од страна на директорот на Државниот завод за статистика, Дејан Станков и директорот на Царинската управа, Бобан Николовски.
„Преземањето на податоците од Царинската управа преку веб-сервиси е особено важно за обезбедување навременост и заштита на податоците како и понатамошно хармонизирање, модернизирање и унапредување на системите“ истакна Станков.
Директорот Станков, на денешното потпишување на Меморандумот, потенцираше дека институцијата вложува напори за дигитализација на процесите и зголемено користење на административните извори при продукција на официјалните статистички податоци.
Меморандумот е во насока на унапредување на меѓуинституционалната соработка преку размена на податоци и повисок степен на дигитализација.
„Царинската управа е посветена на процесот на унапредување на меѓуинституционалната соработка, што крајно треба да ни овозможи креирање одржлив економски раст. Ваквиот чекор е само дел од нашите заложби за заедничко делување во насока на подобрување на условите за водење бизнис. Сетовите на податоци што ги обезбедуваме во делот на надворешно трговската размена овозможуваат компаниите да направат истражување на пазарот и дефинирање на нивните стратегии, за економски студии, но и за унапредување на трговските политики на државно ниво“, истакна директорот на Царинската управа, Бобан Николовски.
И двете страни ја искажаа својата заложба за натамошно продлабочување на соработката, а потпишувањето на Меморандумот ги зајакнува и унапредува веќе воспоставените практики на размена на информации и податоци.
Македонија
Честитка од претседателката Сиљановска Давкова по повод 28 Септември, Меѓународниот ден на Бошњаците
Претседателката Гордана Сиљановска Давкова упати честитка до припадниците на бошњачката заедница, по повод 28 Септември, Меѓународниот ден на Бошњаците.
„Почитувани сограѓани Бошњаци, дозволете ми, во мое лично име и во името на македонските граѓани од останатите етнички заедници во Македонија, да ви го честитам 28 Септември ̶ Меѓународниот ден на Бошњаците. Посакувам празникот да го минете во пријатна атмосфера и во заедништво со вашите најблиски, исполнети со радост и со среќа. Горди сме што Бошњачката заедница има свој празник којшто достоинствено се прославува и придонесува за промоција на нејзината историја и на културните традиции кои се составен дел од македонското општество. Соживотот во нашата татковина е резултат на почит, уважување и солидарност. Да не дозволиме овие вредности да бидат загрозени и нарушени, и да продолжиме да работиме на напредокот и на благосостојбата на нашата заедничка татковина. Предизвиците со кои се соочуваме како држава нè тангираат сите и тие не бираат пол, религија, етникум. Сите сме под исто небо. Обединети да ја оствариме визијата за нашата татковина, како демократска, правна и развиена држава. Нека ни е честит празникот“, стои во честитката.