Брачен пар од Македонија повеќе од 10 години бара азил во Соединетите Американски држави, пишува Чикаго Њуз Кооператив (Chicago news cooperative).

Брачен пар од Македонија повеќе од 10 години бара азил во Соединетите Американски држави, пишува Чикаго Њуз Кооператив (Chicago news cooperative).

Случајот на Иванка Станојкова и нејзиниот сопруг Ѓорги Наумов почнува за време на конфликтот во 2001-ва година, кога Наумов одбива да биде регрутиран во полициската единица „Лавови“.

„Неколку месеци по закажаниот датум за пријавување, поточно на 2 јули 2002, тројца мажи, членови на полициската единица „лавови“ влегле во неговиот дом, ги собориле родителите со хемиски спреј, го удриле Наумов со оружје по главата и и’ го скинале горниот дел од пижамата на неговата бремена сопруга за да и ги помилуваат градите. Тие ги нарекле „предавници на Македонија“ и им ги зеле парите и семејниот накит“, пишува весникот.

По ова брачниот пар пребегнува во САД. Карлос Куевас, судија за имиграција од судот во Чикаго одлучува тие да бидат вратени во Македонија, по што таквата одлука е потврдена од страна на одбор за жалби. Но, случајот подоцна доаѓа во рацете на трочлена комисија во Седмиот окружен суд, кој ја отфрла претходната одлука, со став дека брачниот пар не смее да биде прогонет. Случајот се уште се води како отворен од страна на американското судство.

Весникот од Чикаго пишува дека ова е само еден од случаите што ги илустрира недоразбирањата меѓу судовите и имиграционите власти.

“Одлуката на судот во Чикаго ги оживува повремено актуелизираните тензии помеѓу државните апелациони судови и помалку престижните судии за имиграција кои работат под постојан притисок, како и Бордот за жалби по прашања од имиграцијата во Фолс Чрч, Вирџинија. И не повикува подлабоко да го разгледаме прашањето“, пишува Чикаго Њуз Кооператив.

„Седмиот окружен суд смета дека логиката на долниот суд е погрешна и се потсмева на неговата проценка за македонската историја и улогата на Лавовите, велејќи дека судијата „се потпрел на чудна логика која го изобличува мислењето на судиите за имиграција и членовите на Одборот за имиграциони жалби.“, пишува весникот.

„Границата помеѓу малтретирање и гонење,“ тој напишал, „е граница помеѓу ужас и варварство, или пак помеѓу тоа да посакуваш да живееш во друга држава и да бидеш дотолку очаен што мора да побегнеш без никаква гаранција како бегалец во било која друга земја.“, го пренесува весникот ставот на судијата Ричард А. Поснер, дел од Седмиот окружен суд.

Од македонското Министерство за надворешни работи за „Макфакс“ велат дека, согласно меѓународните договори и дипломатските правила, САД не се обврзани да ја известат Република Македонија се додека случајот се води како отворен, ниту пак нашите власти имаат механизам да бараат информации за истиот.

„Според правилата, ниту една земја не известува друга земја доколку нејзини државјани побараат азил се додека трае постапката за негово одобрување“, велат од МНР.

Од таму објаснуваат дека воениот конфликт во 2001-ва година бил искористен од многумина да побараат азил во повеќе земји од светот. Дел од нив биле одобрени, а останатиот дел одбиени. /крај/chicagonewscooperative/мнр/ач