Македонија
За шест месеци 735 нови вработувања кај буџетарите
Од февруари наваму биле објавени 110 јавни огласи за вработување и преку нив само во последните неколку месеци биле вработени 735 државни службеници за потребите на буџетските институции на централно и на локално ниво, велат официјалните податоци на Агенција за администрација.
Од февруари наваму биле објавени 110 јавни огласи за вработување и преку нив само во последните неколку месеци биле вработени 735 државни службеници за потребите на буџетските институции на централно и на локално ниво, велат официјалните податоци на Агенција за администрација. Доколку оваа бројка на вработувања се подели по месеци, излегува дека секој месец од последниве шест, се вработувале по нови 122 луѓе. Од овие вработувања, 237 им отпаѓаат на општините, а 498 на државните органи. Само во Владата за овие неколку месеци при Секретаријатот за спроведување на Рамковниот договор биле вработени 228 луѓе, Министерството за финансии вработило 62 лица, Министерството за правда во своите органи вработило 46 луѓе, во Министерството за образование дошле до работа 19 луѓе, девет се вработиле во Бирото за развој на образование, додека останатите вработувања отпаѓаат на органите во другите министерства и во општините, информираа од оваа Агенција за Макфакс.Ерупцијата од огласи за вработувања во буџетските институции продолжува и покрај предупредувањата од Брисел за намалување на бројот на административците. Домашните и странските експерти предупредуваат дека бројката од 120 илјадна јавна администрација е огромна и итно мора да се намали. Обвинувањата дека мора да се има партиска книшка за да се дојде до најпосакуваното работно место во Македонија – службеник, продолжуваат.Искусниот и долгогодишен поранешен пратеник Стојан Андов, за Макфакс вели дека законите и огласите во последниве децении служат за замачкување на очите на граѓаните, пред она што всушност се случува во државните институции.„Тоа што стои во законите е за да се мачкаат очите на граѓаните. Се е тоа гола вода, договорено е и се’ се прави под маса“, изјави тој.Андов вели дека постојат механизми да се заобиколат или да се влијае на оние конкурси за вработување кои излегуваат, бидејќи условите на договор им се познати на оние кои се договориле какви треба да бидат „карактеристиките“ на лицата кои се бараат за тоа работно место, што може да влијаат потоа на пониските вработени кои кажуваат што се бара точно. Павле Трајанов од Демократски сојуз за тврдењата дека работните места се делат по партиска припадност и послушност, вели дека неговата партија нема договори за добивање на работни места преку партија и е против вакви распределби. „Кога се работи за вработување во јавната администрација има цврсти критериуми и сите имаат еднакви шанси. Ние немаме договори за добивање на работни места преку партијата и ние сме против тоа како партија. Ние имаме договор за заедничка соработка и имаме места кои се именувани или бирани, да речеме заменик министер за надворешни работи, тоа се функционерски места кои по предлог на партијата ги добиваме. Функционерски места кои ги доделува Владата или парламентот“, рече тој. Според него, од нивната партија за последните пет години само 12 луѓе успеале сами да си се вработат во јавната администрација, без никаква интервенција. Лилјана Поповска од Демократска Обнова на Македонија (ДОМ), вели дека тие како зелена партија ја форсираат зелената програма и преку преговарањето за програмата со владеачката партија, во своите области предложуваат одредени места или раководни кадри. Тајни преговори за работни места немале. „Немаме некои тајни договори. И на претходните предвремени избори во 2008-ма, ние влеговме во коалиција заедно на изборите, откако ВМРО-ДПМНЕ прифати дека екологијата и туризмот ги прифаќа за свои владини приоритети. Се разбира во овие области ние предложивме наши кадри. Овој пат отидовме понапред и подетално. На пример, бараме ратификација во делот на социјалната правда, бараме ратификација на Конвенцијата на ОН за лицата со хендикеп, „Не за нуклеарната енергија“, за да не се превземаат активности на тој план“, рече таа. Според неа, заради екологијата која и е приоритет на партијата, ДОМ добиле заменичко министерско место во министерството за животна средина.„Или да речеме во Агенцијата за туризам и понатаму продолжува наш кадар – директор, тој беше и претходно и сега останува на тоа место. Решенијата кој да биде во тие области ги дава партијата, оние кои работеле и се покажале остануваат. Добивме место во Агенцијата за планирање на просторот, ќе имаме и некои нови работи каде ќе направиме некои промени во одредени институции но не би шпекулирала со работните места се уште, додека не ги прецизираме“, рече таа за Макфакс. Познавачите не очекуваат дека во брзо време ваквите практики на вработување на државните службеници ќе се променат. Според нив, оптоварувањето на буџетот ќе продолжи. „Јас не сум учествувал во такви распределби но од она што сум слушал, овие места се делат така што да речеме главната партија ВМРО-ДПМНЕ, се договара која категорија на кого ќе припадне, се разбира ВМРО прво ќе си ги распореди за себе местата на своите, а потоа останатиот дел од колачот им го дава на малите партии. Нема шанси ова да се смени во брзо време. Едноставно нема политичка волја или таква свест кај партиите за такво нешто“, рече Андов за Макфакс. /крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерството за пацинетот кој почина на Онкологија: Не е вистина дека документацијата му била изгубена
Министерството за здравство реагира на случајот со починатиот пациент на Клиниката за онкологија и радиотерапија, по објавите дека неговата медицинска историја била изгубена и пронајдена дури откако починал.
Од Министерството информираат дека пациентот бил донесен во исклучително тешка состојба, со четврта фаза на метастази на коски, дијагностицирани пред една година. Веднаш по приемот бил инициран процес за обезбедување крвен дериват, но за жал пациентот починал додека траела процедурата, и покрај сите преземени мерки.
Семејството, како што додаваат од институцијата, одбило да се изврши обдукција, а целата медицинска документација е уредно предадена. Министерството нагласува дека наводите за изгубена медицинска историја се неточни и немаат никаква поврзаност со третманот на пациентот.
Во соопштението се упатува и апел за почитување на интегритетот и професионалноста на лекарите и здравствените работници. „Вербални и физички закани не смеат да бидат дел од општеството кое се стреми кон хуманост и грижа за здравјето,“ наведуваат од Министерството.
„Лекарите се сојузници на пациентите и нивните семејства. Само преку заемна доверба и почит можеме да изградиме здравствен систем кој обезбедува хуман и безбеден третман за сите,“ се додава во реакцијата.
Македонија
Да се лоцираат и отстранат сите диви депонии, им препорача Меџити на општините
На барање на министерот за животна средина и просторно планирање Изет Меџити до општините е испратена препорака за спроведување детаљни контроли и идентификација на сите диви депонии и нерегистрирани локации за отпад, како и изготвување планови за нивно систематско отстранување.
Министерството соопшти дека од општините очекува мерки за унапредување на управувањето со отпад и заштита на животната средина, а од Државниот инспекторат за животна средина итни активности за контрола и управување со депониите.
Препораките предвидуваат формирање работни тимови за теренска проверка и геолокациско мапирање, соработка со инспекциските служби, подготовка на извештај за состојбата со дивите депонии, кој во рок од 60 дена ќе биде доставен до Министерството, како и информативни кампањи за подигање на јавната свест кај граѓаните.
Истовремено, Државниот инспекторат за животна средина ќе спроведе вонредни контроли на сите постојни и нерегистрирани депонии. Контролата ќе опфати проверка на усогласеност со дозволите и со еколошките стандарди, откривање незаконско депонирање и преземање мерки за санација и санкционирање при прекршувања.
Македонија
Јас не сум од вчера во политиката, Левицата фрли гума за спасување на ДУИ со кандидатите во Струга, Гостивар и во Тетово, вели Мицкоски
Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во овие општини, во кои е јасно дека нема да победат. Вака премиерот Христијан Мицкоски денес го објасни од каде му е ставот дека има коалиција меѓу партијата Левица и ДУИ.
„Јас не сум од вчера во политиката. Потегот на партијата Левица да извади свои кандидати во општините Гостивар, Тетово и Струга и тоа да го брендира дека не ја заборавиле западна Македонија, а притоа да не извади свои кандидати, на пример, еве овде во Јегуновце, Теарце и во другите општини, бидејќи западна Македонија не е Струга, Тетово и Гостивар, има и други општини, доволно говори дека нивната цел е координирана со ДУИ за да дојде до раслојување на анти-ДУИ гласовите во овие општини затоа што ДУИ сфаќа дека во овие општини не може да победи и разбира дека ќе биде поразена на овие избори, односно ќе има мал незначителен број градоначалници и единствениот сојузник што во моментот се обидува да фрли гума за спасување е токму политичката партија Левица“, вели премиерот Мицкоски.
Неговиот став е дека шансите да победи кандидатот на партијата Левица во Тетово, Гостивар или Струга не се ни теоретски, но шансите за победа на нивниот кандидат во Велес или во Штип се на ниво на теорија.
„Вистинското прашање е еве зошто во родниот град на претседателот на Левицата немаме кандидат, зошто во Штип, кој е роден град на уште еден член на раководството на Левицата, нема кандидат за градоначалник, туку токму во општините Тетово, Гостивар и Струга, каде што е јасно дека кандидатите за градоначалници на ДУИ ќе бидат поразени бидејќи огромното мнозинство и сентиментот и расположението кај жителите во овие општини е анти-ДУИ. Нормално, својот стар коалициски партнер со кој функционираат и во Собранието одвреме-навреме, но и во Град Скопје, го повикаа на помош, а тој е секогаш тука да фрли гума за спасување токму тогаш кога на Али Ахмети и на другарчињата тоа им е потребно“, рече премиерот Мицкоски.
Партијата Левица е единствена од македонскиот блок политички партии што истакна свои кандидати за градоначалници во Струга, Тетово и во Гостивар.
Во Струга нивна кандидатка за градоначалничка е актуелната пратеничка и генерална секретарка на партијата, Јована Мојсоска. Во Тетово ја предлагаат Катка Божиновска, професорка на Државниот универзитет во Тетово, а во Гостивар ИТ-специјалистот Дарко Грујоски.
Министерството за пацинетот кој почина на Онкологија: Не е вистина дека документацијата му била изгубена
Министерството за здравство реагира на случајот со починатиот пациент на Клиниката за онкологија и радиотерапија, по објавите дека неговата медицинска...
Јас не сум од вчера во политиката, Левицата фрли гума за спасување на ДУИ со кандидатите во Струга, Гостивар и во Тетово, вели Мицкоски
Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во...
Обвинителството испитува одговорност за големиот пожар во Трубарево, утре увид на терен
Утре, ќе почне увидот на самото место за причините за големиот пожар во Трубарево. Увидните екипи ќе работат под координација...
Подметнување пожар ќе биде тероризам, а фрлање отпад на недозволени места ќе се казнува со затвор над пет години, Мицкоски најави итни законски измени
Премиерот Христијан Мицкоски, денес, при посетата на Јегуновце најави законски измени со кои најстрого ќе се казнува подметнување пожар и...
Идентификувани 20 лица осомничени за подметнување пожари во Скопје
Премиерот Христијан Мицкоски денес изјави дека дваесетина лица се идентификувани како осомничени за серијата подметнати пожари во Скопје. Според него,...
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко ѝ
Против Илија Стефановски, осомничен за убиството на Росица Коцева (31) и на татко ѝ Киро Коцев (68) во Велес, претходно...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
Рубио: Трамп е единствениот лидер што може да разговара со Русија, Украина и со Европа
Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...
„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“
Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....
Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф
Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...
Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ
Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...
Зеленски до Трамп: Покажете јасен став и сопрете го Путин
Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
