„Дневник“ – Репортерската екипа на весникот заедно со самохраната мајка Зорица и нејзиниот постар син Петар, кој од утре е средношколец, отиде во шопинг на се што е потребно за еден ученик безгрижно да оди на училиште.

„Дневник“

Репортерската екипа на весникот заедно со самохраната мајка Зорица и нејзиниот постар син Петар, кој од утре е средношколец, отиде во шопинг на се што е потребно за еден ученик безгрижно да оди на училиште. Во текстот под наслов „Училишното ѕвонче го тресе семејниот буџет“ репортерот заклучува дека почетокот на учебната година е време кога семејството треба да штеди бидејќи покрај бесплатните учебници, трошоците значително го оптоваруваат семејниот буџет. „Нова Македонија“

Во текстот под наслов „Титулата проф. Д-р изчезнува од Илинденска“ весникот пишува дека се поретка станува оваа титулата во владините кабинети. Во сегашната влада академската заедница ја претставуваат само двајца нејзини членови, Теута Арифи како професорка и Фатмир Бесими како доктор на науки. Ова е најниска застапеност досега, иако и претходните влади на Никола Груевски не беа премногу академски. Од 180-те министри, премиери и вицепремиери во сите досегашни македонски влади, речиси една третина, биле со титула доктор на науки, вклучувајќи и неколкуте академици.  „Утрински весник“

„`Ирена` ја потопи Ивана “ пишува за трагичната смрт на 20-годишната Штипјанка која е една од жртвите на ураганот Ајрин, кој викендот го опустоши источниот брег на САД. Ивана се удавила во автомобилот кој бил однесен од патот од силниот ветер и фрлен во реката Дирфилд. Трите момчиња кои биле со неа успеале да се извлечат од автомобилот и да ги совладаат силните води на реката. Семејството на Ивана во Штип е во шок, тие го очекуваат телото на Ивана да пристигне од САД. “Вечер“

„1.000 долари казна за Македонците во Албанија, ако веруваат дека се Македонци“ пишува дека десетина дена по декларацијата на малцинствата за одложување на пописот во Албанија, албанските власти се уште молчат. Албанските медиуми потсетуваат дека  доколку некој се изрази поинаку од Албанец, а притоа нема потврда од матичната книга на родените ќе заработи казна од илјада долари.