„Дневник“ – „Кошаркарската бајка продолжува, совладана и БиХ“ е водечки наслов во весникот, во кој известува за успехот на македонските кошаркари. Македонија ја победи Босна и Херцеговина

„Дневник“

„Кошаркарската бајка продолжува, совладана и БиХ“ е водечки наслов во весникот, во кој известува за успехот на македонските кошаркари. Македонија ја победи Босна и Херцеговина со 75:63 на последниот натпревар во групата „Ц“ на Европското првенство во Литванија. Низата од четири победи по ред ја донесе Македонија до првото место во групата. Македонија влегува во следната рунда со максималните можни 4 бода, Грција од нашата група ќе има 3, а Финска само 2 бода. Таму друштво ќе ни прават Русија (4 бода), Словенија (3 бода) и Грузија (2 бода). „Нова Македонија“

Под наслов „Поголеми патриоти сме од Американците и Британците“, објавува резултати од анкета спроведена во време на одржување на Европското првенство во кошарка, според која македонските граѓани се меѓу најголемите патриоти во светот и се горди на својот идентитет. Трите последователни победи на македонската репрезентација го зајакна патриотизмот кај граѓаните, покажува анкетата.„Утрински весник“

Под наслов „Фуле побара лидерство од македонските политичари“, известува од вчерашната посета на еврокомесарот за проширување, Штефан Фуле на Македонија. Пораката пред сé се однесуваше на спорот околу името на државата, но и на реформите и генерално правецот во кој оди земјата и каде ја гледа својата иднина. “Вечер“

„Филе:Решение за името и датум за преговори до крајот на годината“ е централна тема во весникот, во која констатира дека еврокомесарот за проширување Штефан Филе е оптимист. Еврокомесарот го темели оптимизмот на меѓусебната доверба на македонскиот и грчкиот премиер и нивната посветеност да дојдат до заемно прифатливи решение.