Сестрата на драчевецот кој пред две години го задавил со пешкир својот пријател Зоран Георгиевски и го закопал во спалната соба во неговата куќа, не знаела за злосторството. Година и половина спиела во спалната соба каде што бил закопан Георгиевски, незнаејќи дека спие заедно со леш.

Сестрата на драчевецот кој пред две години го задавил со пешкир својот пријател Зоран Георгиевски и го закопал во спалната соба во неговата куќа, не знаела за злосторството. Година и половина спиела во спалната соба каде што бил закопан Георгиевски, незнаејќи дека спие заедно со леш.

Денеска започна главниот претрес за ова грозоморно убиство кое што се откри, дури по година и половина, во месец мај, а било извршено на 5 октомври 2009 година.

Исказ во судот даваа првообвинетиот, триесетгодишниот Милош Давчевски и второобвинетиот, педесет и осумгодишниот Стојадин Сталетовиќ кој што го пријави убиството и кој е осомничен за прикривање на убиството.

Додека пред да биде откриен случајот двајцата се дружеле, пиеле заедно, а Стојадин ги сакал Милош и неговата сестра како свои деца по смртта на нивните родители, денеска пред судот тврдеа дека веќе не разговараат и дека нивните односи се сменети.

Давчевски пред судот го призна убиството и тврдеше дека на давењето со пешкир се сеќавал делумно, пиел алкохол и апчиња, а во минатото двапати пробал и да се самоубие со пиење на апчиња и сечење на вените. Веднаш по убиството, му раскажал на Стојан, кој бил негов сосед, што се случило.

„Отидов кај него и му кажав што се случи, а тој ми рече да не го пријавувам случајот во полиција бидејќи долго ќе лежам во затвор и дека ќе се прикрие делото. Случајот не го пријавив оти ми беше страв“  тврдеше Давчевски.

Телото на нивниот пријател, со кого претходно тројцата заедно пиеле и разговарале кај Стојадиновиќ, според исказот на Давчевски го закопале во оставината од спалната соба, ги извадиле даските од подот и таму го ставиле.

Давчевски тврдеше дека Сталетовиќ активно учествувал во прикривањето на трагите на убиството, додека Стојадин во својот исказ го тврдеше спротивното.

Тој призна дека знаел, но го предупредил Милош да не го меша во ништо и дека уште веднаш го посоветувал да го пријави случајот во полиција.

„Јас му реков дека најдобро е да го пријави случајот во полиција. Откако замина од кај мене мислев дека ќе појде во полиција и ќе го пријави случајот“ рече Стојадиновиќ кој тврдеше дека не учествувал во прикривањето на трагите, не ставал заедно со Милош вар и земја на телото.

Според неговиот исказ, после убиството се гледале поретко, единствено кога Милош ќе појдел за него.

Неизбежно беше прашањето на судот и обвинителството зошто Стојадиновиќ толку долго ја криел оваа тајна. Тој тврдеше дека децата ги сакал како свои и дека по смртта на нивните родители им помагал и ги гледал како свои деца.

Сестрата во својот исказ тврдеше дека Стојадин дури бил и во врска со нивната мајка. Неофицијално, таткото на децата починал пред седум години, додека нивната мајка по неколку години. Во тој временски период мајката на децата, била во врска со Стојадин.По смртта и на мајката на децата, според исказот на Анабела Давчева, сестрата на првообвинетиот, Стојадин се грижел за нив и доброволно им помагал. Единствено што знаеше е дека тој и нејзиниот брат разговарале да отворат свој бизнис. За убиството дознала кога нејзиниот брат бил приведен.

По извесен период по убиството Стојадин ја продал својата барака и неколку дена спиел во куќата на Милош и неговата сестра.

Но според исказот на Давчевски, пред да го пријави Стојадин случајот, отишол кај Милош и му рекол да ја продаде бараката во која живее и да му ги врати парите што му ги позајмил. Стојадин пак тврдеше дека пријавувањето нема врска со позајмените пари.

Милош му објаснил дека проблем е да продаде барака во која им скриен леш. Последната вечер пред да го пријави случајот во полиција сестрата и Милош не го примиле Стојадин да спие кај нив. Милош тврдеше дека не го примиле оти бил пијан. „Немаше никогаш да ме пријави да му ги вратев парите“ тврдеше Милош пред судот.

Утрината Стојадин случајот го пријавил во полиција. Во мај годинава по пријавувањето на случајот, полицијата го откри телото на Георгиевски. Според исказот на обвинетиот, двајцата седеле во домот на Милош и консумирале алкохол. Почнале расправија по која милош го нападнал Зоран и го задавил со пешкир. Кога забележал дека не дава знаци на живот се обидел да го реанимира но не успеал. Тврдеше дека немал намера да го убие. Судењето продолжува за два дена./крај/фф