Македонија
СДСМ. Владата сака да ги скрие вистинските трошоци за прославата

Владата сака да ги скрие вистинските трошоци за прославата, за неа се потрошени милионски суми народни пари.
Владата сака да ги скрие вистинските трошоци за прославата, за неа се потрошени милионски суми народни пари.
Социјалдемократската партија на Македонија (СДСМ) смета дека не е возможно прославата по повод 20-годишнината од независноста на Македонија да чинела 90.000 евра, како што соопшти Владата.
„Само организираниот автобуски превоз на партиските активисти и симпатизери на ВМРО ДПМНЕ од 83 општини чини повеќе од 100 илјади евра. Ако на ова ги додадеме трошоците кои се однесуваат за изнајмувањето на 3-те бини со озвучување, осветлување, брендирање на позадина, преносот во живо, изнајмувањето на билборди, изработка на ТВ спотовите и медиа закупот, сумата од 90 илјади евра која ја соопшти владата е повеќе од смешна.Да не ги споменуваме огнометот, печатените материјали, огласите во весниците или хонорарите на креативниот тим за осмислување на прославата, кој го промовираше министерката за култура“ изјави на прес – конференцијата Јани Макрадули, член на Извршниот одбор на СДСМ.
Тој ја повика министерката за култура Елизабета Kанческа – Милевска, како носител на одбележувањето на јубилејот, на прес конференција да ги објави сите постапки и договори поврзани со прославата на плоштадот.
„Се надеваме дека за прославата не е исчезната документацијата, како што тоа беше случај со дел од проектите од Скопје 2014, па министерката за култура нема да излезе со празни класери, туку навистина ќе ги покаже документите, бидејќи тоа им го должи на граѓаните“ рече Макрадули.
Владата вчера соопшти дека целокупната прослава во центарот на Скопје чинела 90.000 евра./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
АМСМ: На Табановце се чека 40 минути, на Богородица и Дојран околу еден час

АМСМ информира дека интензитетот на сообраќај на патните правци надвор од градските средини е зголемен.
„Поради летните одмори се бележи зголемена фреквенција на возила, на ГП Табановце околу 40 минути и ГП Богородица и ГП Дојран времето на чекање за влез е околу 1 час“, велат од АМСМ и додаваат дека на останатите гранични премини од македонска страна, нема подолги задржувања за влез и излез од државата.
Поради изведување на градежни активности на Вијадукт на Сарички дол кој се наоѓа на државниот пат А1 Градско – Прилеп, обиколница на градот Прилеп, државниот пат (од раскрсница кај бензинска станица “ Лукоил” до клучка кај бензинска станица “ Салида “), ќе биде целосно затворен за сообраќај од 03 август (недела) од 07.00 часот до 06 август (среда). Сообраќајот ќе биде пренасочен низ градот Прилеп.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
Македонија
Ангелов: Словенечкиот тим и чешкиот хеликоптер си заминуваат, нема активни пожари

Денеска заминува словенечкиот тим од 61 пожарникар специјализирани за гаснење на шумски пожари, со 18 возила, информира директорот на ДЗС, Стојанче Ангелов.
„Во завршниот збор им се заблагодарив од име на македонската влада и македонските граѓани а од име на Дирекцијата за заштита и спасување им доделив пригодни благодарници. Утре заминува и чешкиот Блек Хок со седумчлената посада. За гаснење на пожарот на територијата на општина Долнени во атарот на с. Стровија на местото викано Гајдарец – Клепало, рано утрово со полициски хеликоптер беа исфрлени екипи на Национални Шуми со неколку доброволци ловци кои за неколку часа целосно го изгаснаа овој пожар на отворен простор кој имаше зафатено поголема површина со сува и висока трева по гребенот на планината“, вели Ангелов.
Тој додава дека пожарот на планината Готен е целосно изгаснат и од радовишката и од беровската страна.
Во овој момент нема активни пожари.
Македонија
ВМРО-ДПМНЕ: Зошто СДС ја брани лошата организација на олимпијадата од МОК

ВМРО-ДПМНЕ испрати реакција на соопштението од СДСМ.
„ВМРО-ДПМНЕ остро реагира и го осудува обидот за политизација на спортот во Македонија.
Навистина е симптоматично и чудно зошто СДС како политичка партија не и погледне на вистината во очи и ја брани преку дефокус лошата организација на Олимпијата од страна на МОК.
Какви политички интереси има СДС во МОК.
Се што беше побарано беше и овозможено како логистика од страна на Министерството за спорт.
Се понатаму од оваа единствена вистина е срамна политизација за ефтини политички поени.
СДС е партијата која за цели 7 години не изгради спортско игралиште, ниту еден базен, ниту еден фудбалски терен. Нивниот резултат за спортот се множи со нула.
СДС е неконструктивна и тотално безидејна партија“, стои во реакцијата на ВМРО-ДПМНЕ.