Синоќа, на вториот ден од Семакедонската венчавка, беа изведени повеќе традиционални обреди, како што се месењето на сваќата, китењето на торбата за канење, бајракот, плетењето на венецот и бричењето на зетот, а денеска следуваше централниот дел од манифестацијата.

Синоќа, на вториот ден од Семакедонската венчавка, беа изведени повеќе традиционални обреди, како што се месењето на сваќата, китењето на торбата за канење, бајракот, плетењето на венецот и бричењето на зетот, а денеска следуваше централниот дел од манифестацијата. На плоштадот Магнолија најпрво беше изведен обредот месење на тестото или меѓу битолчани популарно викано месење на сваќата. Сваќата всушност е погача замесена со брашно вода и шеќер (за да им биде благ животот на младенците). Погачата ,„сваќа“, ја меси девојче со живи родители и се меси и кај зетот и кај невестата. Погачите имаат намена за дарување и канење на сватовите, законџиите (сведоците) и гостите, и треба да се замесуваат во непарен број. Торбата се кити со пувки и монети а картата (садот со ракија за канење на сватовите) со цвеќе и босилок преврзани со црвен конец.Китењето на бајракот или руглицата се одвива веднаш по китењето на торбата и картата, и го изведуваат млади девојки. На него се ставаат јаболко и цвеке на вршката. Потоа следеше забричувањето на зетовците кои беа седнати на дрвени столови под кои беа послани црвени черги. Забричувањето на зетовите го врши нункото и деверот а две деца му држат крпа под вратот (деверот ги премачкува со пена а нункото (кумот) ги бричи).Утринава, нункото, деверот и зетовците си ги зедоа невестите. По дарувањето, деверот ги заигра невестите на орото па потоа него го водеа невестите, зетовците и нункото и се упатија во црквата „св.Димитрија“ на чинот на големото венчавање.„Чувството е прекрасно. Деветнаесет години сме во брак, имаме 18 годишна ќерка. Пресреќни сме поради ваквата венчавка“, велат Татјана и Маријанчо Арсовски од Пробиштип. „Прекрасно е. Ние сме во брак веќе шест месеци, сакавме да се венчаме во црква за да можеме и нашата ќерќичка потоа да ја крстиме во црква“, велат Марија и Влатко Димоски од Прилеп, најмладиот венчален пар на Семакедонската венчавка. По чинот на венчавката, организаторите и младенците си посакаа среќа, радост и многу пород  до идната година кога на истото место ќе им посакаат добар брак и среќа на догодинашните свршеници. Завршниот дел од масловната Семакедонска вечнавка се одвиваше со заеднички ручек и забава во ресторанот „Корзо“. /крај/твт/еј/сн