Македонија
Дамјановски го обвини Аџиев дека свесно го крши Законот

Еден од членовите на Комисијата за Верификација на фактите обвинува дека претседателот на Комисијата, Томе Аџиев свесно го крши Законот Закон за определување дополнителен услов за вршење јавна функција.
Еден од членовите на Комисијата за Верификација на фактите обвинува дека претседателот на Комисијата, Томе Аџиев свесно го крши Законот Закон за определување дополнителен услов за вршење јавна функција.
Дамјановски обвинува дека Аџиев не ги спроведува заклучоците донесени од Комисијата за паралелна проверка на досиејата на актуелните и поранешните функционери.
Иако вчера најави дека ќе го тужи ,Аџиев денеска на прес конференцијата изнесе низа обвинувања против него и рече дека нема да го тужи, бидејќи негова работа не било да оди по судови. Смета дека со овие изнесени факти органите коишто го предложиле треба да поведат или не постпака против него.
„Тврдам дека свесно го крши Законот, бидејќи ние сме му укажале на тоа, но тој продлжува, зошто го прави тоа не знам“ изјави Дамјановски.
Според неговите податоци, од 4 мај досега биле проверени 5.000 изјави на поранешни функционери, а во истиот период се провериле само 150 изјави на актуални функционери. Дамјановски посочува дека Комисијата со ова не ја остварува основната цел на Законот, односно лицата кои биле соработници да не учествуваат во креирањето на политиката, односно демократските процеси на државата, а тоа се актуалните, а не поранешните функционери кои немаат веќе никакво влијание.
„Ние не сме за тоа да не се проверуваат поранешните функционери, но нека биде постапката паралелна“m вели Дамјановски.
Тој го наведе примерот со поранешниот професор на Факултетот за драмски уметности, Владимир Милчин, за кого претседателот и самиот кажал дека нема потпишано писмен документ за соработка со службите, како и дека немал материјална корист од соработката.
Со ова, како што вели Дамјановски, кршење на Законот им се прави штета како на поединците, кои се обработуваат, така и на државата.
„Нашата држава преговара за членство во ЕУ и НАТО, од нас се бара владеење на правото. Правот не владее само, тоа единствено функционира ако органите ги спроведуваат законите, а не да презнетираат сила надмоќ“.
Претседателот Аџиев, пак, во изјава за Макфакс останува на своето тврдење дека функционерите се проверуваат паралелно и Комисијата работи законски. Смета дека нема ни за што да им се извини на членовите кои ја бојкотираат Комисијата.
„Нема зошто да им се извинам. Немам никаков контакт и конфликт со нив. Мене ме интерсира само Комисијата да работи законски. Тие излегуваат од Комисијата, кажуваат. Комисијата има 11 членови, зошто само истите негодуваат“ вели Аџиев.
Двајца од членовите на Комисијата, Јанаке Витановски и Благоја Гешоски ја бојкотираат работата на Комисијата. Двајцата членови заедно со Дамјановски извесно време се препукуваат со претседателот на Комисијата преку медиумите. Бараат да им се извини бидејќи во одделни интервјуа во „Дневник“ и „Утрински весник“ рекол дека имаат бубачки во главите и дека залутале на функцијата. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Бендевска: Да го продолжиме заветот од Илинден и пораката од АСНОМ

По повод 2 Август – Денот на Републиката, во име на претседателот на Собранието на Република Северна Македонија, Африм Гаши, потпретседателката на Собранието на Република Северна Македонија, Весна Бендевска, заедно со собраниска делегација во состав: Бране Петрушевски, Никола Коњановски, Даниела Николова и Даниел Стојчевски, одбележа 81 година од Првото заседание на АСНОМ, во Меморијалниот центар АСНОМ во Пелинце.
„На хероите на двата Илиндена кои се жртвуваа за денес да можеме да бидеме свои на своето, да им ветиме уште еднаш дека денешните генерации нема да го заборават заветот што ни го оставија. Да ги насочиме нашите погледи, стремежи и напори од заедничкото минато, кон заедничката сегашност и иднина. Да го продолжиме заветот од Илинден и пораката од АСНОМ“ – порача потпретседателката Бендевска.
Македонија
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република

Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во Крушево.
Во својот говор, Сиљановска-Давкова рече дека е „време за нова пролет на нашата македонска република, за навраќање на републиканските корени“.
„Што значи тоа? Македонските граѓани од својата република очекуваат барем две нешта ̶ слобода и правда. Кога зборувам за слобода, не мислам само на политичката, туку и на економската, на академската, на културната, на социјалната… Кога зборувам за правда, не мислам само на правосудството, туку и на социјалната, еколошката и на генерациската правда. Не смееме да изумиме дека предуслови за слободата и за правдата се владеењето на правото и еднаквоста пред законот“, истакна претседателката.
Таа додаде дека „мора да го искорениме плевелот на корупцијата и на криминалот“.
„Никој не смее да биде недопирлив, независно дали е поранешен или актуелен политичар или функционер, судија или влијателен бизнисмен. За правдата да биде неселективна и навремена, потребни се забрзани и длабоки реформи во правосудството, а тие почнуваат со европска правна рамка, но и со европски критериуми на регрутирање, како и со европски стандарди на функционирање и одговорност“, вели Сиљановска-Давкова.
Според неа, потребен ни е здравствен систем по мерка на здравјето на пациентите и на нацијата. За креативните умови, потребни се инвестиции во образованието и науката, во истражувањето, во развојот и дигитализацијата.
Претседателката се осврна и на пожарите.
„Деновиве, републиката ни е во пламен. За помалку шумски пожари, потребен е не само правен, туку и ефикасен институционален систем, вистински луѓе на важни позиции, вградена превентивна и волонтерска димензија, стимулативни мерки за пожарникарите, пожарникарството и за волонтерите. И овие активности се во ек. За да се заштити здравјето на луѓето и на природата, мора да ставиме крај на дивите депонии и на нивното палење, но и да имаме контрола врз палењето“, вели претседателката.
Сиљановска-Давкова истакна дека имаме потреба од длабоки и суштински реформи во секоја област по европска мерка: со заштитени слободи и права, со владеење на правото и бескомпромисна борба со корупцијата; со стратегиски партнерства со државите со заеднички вредности и интереси; со независни и функционални институции; со компетитивна економија и со капитални инвестиции; со партиципативна политичка култура.
„Ние не сме стебло без корен. Нашата слобода и нашата република се вкоренети во европската пролет на народите, во демократските и хумани визии на „Млада Европа“. И затоа, на оној што ќе ни рече „вие сте млад народ со млада држава“, ќе му одговориме дека сме чеда на Гоцевата визија за „Млада Европа“ обединета Европа, и за светот како поле за културен натпревар на народите!
Колку и да ни е тешко, не треба да се обесхрабруваме од пречките и препреките. Сме опстоиле и сме надминале и потешки проблеми. Не сме сами. Имаме пријатели – демократи кои го почитуваат нашето право на национален и културен идентитет, на граѓански дигнитет и интегритет зашто и самите го сакаат и уживаат. Верувам во нивната поддршка и помош. Тие не се плашат да укажат и да се спротивстават на двојните стандарди и на анахроните обиди за ревизија на историјата.
Ние не се откажуваме од природниот пат кон членството во ЕУ, оти отсекогаш сме дел на Европа: географски, историски и културно, зошто да не и политички. Едноставно, ние балканските народи и нации сме биле, сме и ќе останеме Европејци.
Цврсто сме решени како што беше европски зацртано да стигнеме до целта до 2030 година, европеизирани по словото на Копенхагенските критериуми!“, рече претседателката Сиљановска-Давкова.
Македонија
Филков од Пелинце: АСНОМ нека ни биде потсетник – патот на правдата бара храброст, истрајност и одговорност

Министерот за правда, Игор Филков, беше дел од владината делегација која оддаде почит по повод 81 година од Првото заседание на АСНОМ, во Меморијалниот центар АСНОМ во Пелинце.
„Денес сме овде, во Меморијалниот центар АСНОМ во Пелинце, за да оддадеме почит на државничката визија и храброста на генерациите кои пред 81 година го поставија темелот на нашата државност.
Првото заседание на АСНОМ не е само историски момент, туку жив доказ дека борбата за правда, слобода и достоинство е темел на нашето постоење како народ и држава.
Како министер за правда, должност ми е да го чувам тој завет – да се грижам за правна држава, за независни институции и за заштита на човековите права.
Нека ни биде потсетник – патот на правдата бара храброст, истрајност и одговорност. АСНОМ ни остави обврска, а ние имаме должност таа обврска да ја преточиме во дела“, истакна министерот Филков.