Случајот со уривањето на станбено деловниот комплекс „Космос“ чиј инвеститор е фирмата на пратеникот на ПЕИ, Фијат Цаноски влезе во Собрание. Комисијата за транспорт, врски и екологија го изгласа предлогот на опозицијата да се одржи надзорна расправа за случајот „Космос“.

Случајот со уривањето на станбено деловниот комплекс  „Космос“ чиј инвеститор е фирмата на пратеникот на ПЕИ, Фијат Цаноски влезе во Собрание. Комисијата за транспорт, врски и екологија го изгласа предлогот на опозицијата да се одржи надзорна расправа за случајот „Космос“.

„За прв пат во историјата на овој парламент е одобрена надзорна расправа и тоа едногласно што е за поздравување и тоа од сите членови на Комисијата за транспорт, врски и екологија. Очекуваме во најбрзо време да се формира комисијата и еднаш за секогаш да излезе на виделина вистината за сите случувања поврзани со станбено деловниот комплекс Космос . Повторно сакам да потенцирам дека инвестицијата од 60 милиони евра е најголема на Балканот и воопшто не е за занемарување и затоа сметам дека е на ваква комисија е најсоодветно да се зборува за тоа и да се дојде до фактите и доказите“ изјави Рејхан Дурмиши од ПЕИ.

Славе Гошев од ВМРО – ДПМНЕ смета дека конечно ќе можат да се соочат аргументите на двете страни за случајот „Космос“.

„Надзорната расправа беше побарана од страна на опозицијата. Дали случајот дополнително ќе се политизира или не, не знам, но конечно ќе може да се соочат аргументите на двете страни бидејќи доволно се исполитизира и до сега случајот. Во оваа држава треба да владее правото без разлика дали сум јас инвеститор дали е колегата Цаноски и дали е тоа некој човек кој воопшто не стапнал во парламентот. Законите во оваа држава треба да важат за сите подеднакво и надзорната расправа е токму местото каде што можат да се соочат аргументите“ рече Гошев.

Опозицијата од оваа расправа очекува да покаже дека објектот е урнат незаконски.

„Од надзорната расправа очекувам да се покаже дека инвеститорот и иницијативата на опозицијата дека инвестицијата од 60 милиони евра е срушена незаконски и дека некој се пресметува политички и бизнис со Цаноски. Очекувам на расправата да се појават и министерот за транспорт и државниот инспектор во доменот на градежништвото и урбанизмот за да објаснат на кои членови од законот се повикале при ваквата одлука“ изјави Макрадули.

Комплексот “Космос“ почна да се урива на 1 август бидејќи целиот објект, според општина Гази Баба бил надвор од рамките на проектот што го добил одобрението за градба издаден од службите на Општина Гази Баба.

Целата градба била повисока за метар и 43 сантиметри во однос на апсолутната кота којашто била измерена од геодетска фирма.Комплексот се градеше покрај Вардар кај мостот “Близнак“, во непосредна близина на Универзитетот ФОН, кој исто така е во сопственост на Цаноски. Предвиден беше како луксузен станбено-деловен комплекс со 562 стана.

„Јас сум свесен дека сум пратеник од опозицијата, но токму затоа се грижев целата изградба да е целосно според законите“ изјави Цаноски. /крај/фф