Има едно непишано правило, ако власта оневозможува демократија во институциите, ќе ја добие демократија на улиците и ние сме подготвени и за таа фаза на политичко дејствување, изјави претседателот на СДСМ Бранко Црвенковски во Неделното интервју на Радио Слободна Европа.

Има едно непишано правило, ако власта оневозможува демократија во институциите, ќе ја добие демократија на улиците и ние сме подготвени и за таа фаза на политичко дејствување, изјави претседателот на СДСМ Бранко Црвенковски во Неделното интервју на Радио Слободна Европа, говорејќи за забелешките во јавноста дека опозицијата е пасивна.

Ова е период, вели тој, во кој се обидуваме до крајни можности да ги искористиме институционалните механизми за водење на политичка битка.

„Значи оние механизми и оние средства што се сосема вообичаени за нормална демократска држава, на пример, борбата во Парламентот. Мене ми е сосема јасно и јас ги согледувам тие критики кои доаѓаат од дел од јавноста, од граѓаните, од независните интелектуалци кои сметаат дека Македонија не е нормална демократска држава и дека овие, како да ги наречам, конвенционални начини на водење на политичка битка едноставно не функционираат и не даваат резултати. Јас се согласувам со нив. Клучното прашање е како да дојдеме до моментот, не дел од јавноста и граѓаните, туку поголемиот, мнозинскиот дел од јавноста или од граѓаните да дојдат до сознанието дека оваа власт не дозволува институционална демократија“, истакнува лидерот на СДСМ.

Што се однесува до прашањето за името, спорот со Грција, вели Црвенковски, ние нашата рака на конструктивност и на тој начин и создавање на единство во земјата, ја подадовме многу одамна, тогаш кога соопштивме дека ставот на СДСМ е дека ќе поддржи какво било решение кое е прифатливо за Груевски и власта, што нема да задира во националниот идентитет на македонскиот народ, во засебноста на македонскиот јазик, на македонската култура, ние всушност се определивме да градиме единство во оваа земја.

„Со прифаќањето и за референдумско изјаснување всушност му дадовме поддршка на Никола Груевски да ги има зад себе клучните политички фактори во земјата околу истите црвени линии и сега негова одговорност е, имајќи ја таквата поддршка, да ја внесе земјата во НАТО и да ги отпочне преговорите со ЕУ“, изјави Бранко Црвенковски во интервјуто за Радио Слободна Европа. /крај/рсе/