Македонија
Волерс: Решението за името нема да биде брзо
Решението за името не е работа што ќе дојде брзо, туку е нешто на кое треба да работиме, изјави американскиот амбасадор Пол Волерс, по денешната средба со лидерот на СДСМ, Бранко Црвенковски.
Решението за името не е работа што ќе дојде брзо, туку е нешто на кое треба да работиме, изјави американскиот амбасадор Пол Волерс, по денешната средба со лидерот на СДСМ, Бранко Црвенковски.Прашан за говорот на премиерот Никола Груевски пред Генералното Собрание на Обединетите Нации, и дали тоа може да придонесе за побрзо изнаоѓање на решение во спорот со името со Грција, Волерс со став – не постои брзо решение, на него треба да се работи.„Како што претходно имам речено, не мислам дека решението ќе биде брзо. Тоа е нешто на кое треба да работиме. Тој ја престави својата позиција. Но, многу од тоа што се случува во врска со прашањето со името не се прави преку јавни изјави, туку се прави во многу поприватни ситуации. Понекогаш разликата меѓу јавните изјави и приватните изјави, на што и да се однесуваат тие, на било какво прашање, е дека вообичаено не се прават јавно. Ќе продолжиме да работиме на тоа прашање и се надевам дека ќе бидеме во можност да помогнеме“, рече Волерс. Прашањето за името било дел и од денешните разговори на Волерс со Црвенковски.„Ми ги презентираше своите гледишта за спорот со името. Очигледно е дека нема разговор во кој прашањето за името не се споменува. Секогаш може да претпоставите дека на секоја состанок што го имам, прашањето со името секогаш се споменува. Ќе видиме што ќе се одвива сето тоа. Како што претходно реков, ќе продолжиме да работиме на тоа, да ја советуваме влада во врска со тоа прашање“, рече Волерс. Во однос на делувањето на опозицијата, Волерс со препорака – таа да ја извршува својата витална улога во парламентот.„Секогаш велиме дека силна опозиција е витална за демократијата. Без силна опозиција не можете да имате одржлива и трајна демократија, без разлика тоа се однесува на Македонија или на било која друга земја. Ја поддржуваме опозицијата како целина и оечкуваме да играат витална улога во парламентот и во земјата генерално., без разлика се работи за СДСМ или друга партија што е во опозиција. На пример кога претходно бев тука ВМРО-ДПМНЕ беше во опозиција. Кој и да е во опозиција, треба да има капацитет активно да учествува во процесите и се надевам дека тоа ќе го прават. Ние секогаш ќе бидеме во контакт со нив, да ги чуеме нивните гледишта и да им ги презентираме нашите“, рече Волерс по првата средба со Црвенковски.Американскиот амбасадор денеска ќе се сретне и со лидерот на ДПА, Мендух Тачи. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ахмети не сака да влезе во Влада: Не сме резервна гума
Првиот човек на ДУИ, Али Ахмети, денеска на конференцијата „100 дена скандали, понижувања и неуспеси“, изјави дека Европскиот фронт не е заинтересиран да стане дел од Владата, бидејќи, како што додаде, тие не се резервна гума.
Ахмети рече дека Европскиот фронт е легитимен претставник на Албанците и помалите етнички заедници, додавајќи дека ВЛЕН не победи на изборите.
„Ние сме легитимните претставници на Албанците, тие не победија на изборите“, рече првиот човек на ДУИ, Али Ахмети.
Македонија
Муртезани – Жан-Пјер Понселе: Македонија има направено значителен напредок во усогласувањето на својот статистички систем со стандардите на ЕУ
Министерот за европски прашања, Орхан Муртезани, денеска имаше средба со претставници на Статистичкиот завод на Европската Унија – Евростат, Жан-Пјер Понселе и Клаудија Јункер. Во фокусот на разговорите беше важноста на официјалната статистика во процесот на пристапување на Северна Македонија во Европската Унија, како и нејзиното користење за креирање на развојни и економски политики засновани на докази. Се разговараше и за поддршката на Државниот завод за статистика за да одговори на потребите на евроинтегративниот процес.
Министерот ја истакна клучната улога на статистиката, не само во рамките на Поглавјето 18 од правото на ЕУ, туку и низ неколку други политички области. Тој нагласи дека статистиката е од витално значење за следење на економското управување, реформата на јавната администрација и институционалното усогласување со стандардите на ЕУ.
На состанокот беше потенцирано дека Северна Македонија има направено значителен напредок во усогласувањето на својот статистички систем со стандардите на ЕУ, што е потврдено во различни извештаи на Европската комисија. Соговорниците ја подвлекоа потребата од понатамошни подобрувања, особено во однос на проширување на обемот и квалитетот на податоците за макроекономската и социјалната статистика.
Двете страни ја потврдија својата посветеност за продолжување на соработката, во контекст на напредокот на Северна Македонија кон целосна интеграција во Унијата.
Македонија
СДСМ: Општина Аеродром официјално молчи за труењето на учениците во ОУ „Ѓорѓија Пулевски“
И по пет дена од случајот на труењето со храна на учениците во основното училиште „Ѓорѓија Пулевски“ во Аеродром остануваат отворени многу прашања од граѓаните. Општина Аеродром официјално молчи. Освен информациите дека е извршена вонредна инспекциска контрола од страна на Државниот здравствен и санитарен инспекторат, Агенцијата за храна и ветеринарство, Институтот за јавно здравје и Центарот за јавно здравје – Скопје, дека се земени брисеви од примероци од храната, површини и персонал, дека се изречени времени мерки од ДЗСИ за затворање на училишната кујна и дека ИЈЗ откри токсини од бактерија во примероците од храна, ниту една дополнителна информација во насока на целосно разоткривање на случајот не е објавена во јавноста, велат од СДСМ.
„Родителите на учениците имаат право навремено и детално да бидат информирани за одговорите на следните прашања:
– Колку редовно се вршат контроли и кој е задолжен за одржувањето на хигиенските услови во кујните на училиштата на територија на Општина Аеродром?
– Какви се хигиенските услови во просториите каде што учениците ја консумираат храната и условите во тоалетите каде што учениците и персоналот одржуваат лична хигиена?
– Колку често се вршат контроли на исправноста и квалитетот на храната и каде се произведува храната за учениците? Во какви услови се чува храната пред и по подготвувањето до моментот на послужување на учениците?
– Колку често и на кој начин се вршат контроли на процесот на реализирање на јавни набавки и јавни повици за избор на доставувачи на храна во училиштата во општина Аеродром?
– Кој е задолжен за составувањето на дневното мени за храна и дали се консултирани стручни лица при утврдувањето на критериумите за избор на доставувачи на храна и избор на дневно мени прилагодено на возраста на учениците?
– Дали е точно дека во недостаток на средства за хигиена, родителите често сами се организираат за прибирање на дополнителни средства за набавка на течен сапун, влажни марамчиња, тоалетна хартија и слично? Потсетуваме дека ВМРО-ДПМНЕ вети дека ќе ги укине овие трошоци за родителите преку набавка на доволни количини на средства за хигиена.
– Конечно, колку време е потребно за утврдување на одговорноста за контаминирањето на храната и кои се мерките кои во таа насока ќе бидат преземени од страна на училиштата во Аеродром?, прашуваат од СДСМ и додаваат:
„Недозволиво е Општина Аеродром по пет дена официјално да молчи за случајот. Освен одговорот на советничкото прашање на СДСМ кој в.д. градоначалникот Дејан Митески го даде на седница на општинскиот Совет за првичните мерки преземени на денот на откривањето на случајот, ниту една дополнителна информација не е пласирана во јавноста, ниту едно официјално соопштение, прес конференција, објава на интернет страницата на општината и слично. Родителите на учениците имаат право да ги знаат овие детали поврзани со труењето на нивните деца. До кога Општина Аеродром ќе молчи за случајот?“