Македонија
Агенцијата за храна и ветеринарство ќе ја напушти „Зебра“
Агенцијата за храна и ветеринарство ќе го поништи, односно ќе го раскине Договорот за закуп на деловен простор склучен со фирмата “Антера“ од Скопје, соопшти денеска директорот на оваа институција, Дејан Рунтевски.
Агенцијата за храна и ветеринарство ќе го поништи, односно ќе го раскине Договорот за закуп на деловен простор склучен со фирмата “Антера“ од Скопје, соопшти денеска директорот на оваа институција, Дејан Рунтевски.Како причина за ваквата одлука, Рунтевски ги наведува негативните реакции во дел од медиумите и јавноста поврзани со преселбата на Агенцијата за храна и ветеринарство.„Иако постапката за избор на најповолен понудувач во целост е спроведена согласно позитивните законски прописи и според Државната Комисија за спречување на корупцијата не постои никаков конфликт на интереси во склучувањето на договорот, сепак поради негативната перцепција во јавноста на целиот случај и продолжување на почитување на принципите на транспарентност во работењето на Агенцијата за храна и ветеринарство, горенаведениот договор ќе биде поништен“, се вели во соопштението.Опозиционата СДСМ вчера го обвини градоначалникот на општина Центар, Владимир Тодоровиќ дека ја злоупотребува функцијата за унапредување на својот бизнис, со тоа што склучил договор за изнајмување на простории во трговскиот центар „Зебра“ со државна агенција./крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Наутро студено, преку денот сончево со умерена локална облачност
Наутро студено, преку денот сончево со мала до умерена локална облачност. Ќе дува слаб до умерен ветер од југоисточен правец. Минималната температура ќе биде во интервал од -2 до 7, а максималната ќе достигне од 19 до 25 степени.
Во Скопје утрото посвежо, а преку денот претежно сончево со слаб југоисточен ветер. Минималната температура ќе се спушти до 4, а максималната ќе достигне до 25 степени.
Во четврток попладне претежно во западните подрачја ќе има повремен дожд.
Под влијание на циклонска активност во петок и за време на викендот на повеќе места ќе има повремени врнежи од дожд кои наместа ќе бидат пообилни, проследени со грмежи и засилен ветер. Локално ќе има услови за појава на невреме.
Скопје
Без вода Кисела Вода и Центар
Од ЈП Водовод и Канализација известуваат дека денеска имаат планирано две интервенции во водоводната мрежа.
– поради изведување на водоводен приклучок ф- 200 мм на улицата Борис Трајковски бб, прекинато водоснабдување ќе имаат корисниците на дел од истата улица, односно зградите од комплексот „Трим & Лум“. Водоснабдувањето ќе биде прекинато од 09:00 часот до завршување со работните активности. (општина Кисела Вода)
– поради менување на вентил ¾ на улица Македонија 16, прекинато водоснабдување ќе имаат корисниците на дел од истата улица. Водоснабдувањето ќе биде прекинато од 09:00 часот до завршување со санација на дефектот. (општина Центар)
Скопје
Без струја денеска делови од Кисела Вода, Ѓорче Петров, Шуто Оризари и Сопиште
Поради планирани зафати во електро дистрибутивната мрежа, денеска без напојување со електрична енергија ќе останат:
– Во период од 08:30 – 12:00 часот, корисниците од ул.1520-населба Пинтија (општина Кисела Вода)
– Во период од 08:30 – 12:00 часот, поголем дел од корисниците во Волково, од пругата во Ново село до кружен тек во Волково. (општина Ѓорче Петров)
– Во период од 09:00 – 15:30 часот, корисниците од дел од улиците Брсјачка Буна, Овчеполска, Виетнамска, Пелагонија. (општина Шуто Оризари)
– Во период од 10:00 – 16:00 часот, корисниците на дел од село Горно Соње кај црквата. (општина Сопиште)