Македонија
Секоја втора Агенција за обезбедување работи нелегално?
Во Македонија функционираат вкупно 188 агенции за обезбедување на лица и имот. Според евиденциите на Комората за обезбедување на лица и имот по однос на издадени легитимации легално работат 57 агенции
Во Македонија функционираат вкупно 188 агенции за обезбедување на лица и имот. Според евиденциите на Комората за обезбедување на лица и имот по однос на издадени легитимации легално работат 57 агенции за обезбедување, а според Централен регистер активно работат 111 Агенции, соопштуваат од Комората.
„Тоа создава слика дека во просек секоја втора агенција е нелегална, па се надевам дека со една поголема контрола може да стигнеме до некоја поубава бројка. Кампањата која ја започнавме денеска е дел од она што ние ќе тргнеме да го правиме, втор чекор е нелојалната конкуренција. Во новиот Закон мислам дека имаме добри предлог решенија по кој што може да придонесеме таа нелојална конкуренција да ја анулираме. Законот за обезбедување на лица и имот постои од 1999 година. Имавме еден период од десет години, каде што или имаше недоволно контрола од страна на државните институции или пак воопшто немаше контрола. Значи тука не станува збор само за контрола на Министерството за внатрешни работи, туку и на сите други институции, затоа што ние сме правни лица кои работиме и по други закони“ вели Верица Милеска Стефановска претседател на Комората за обезбедување на лица и имот.
Министерката за внатрешни работи, Гордана Јанкулоска смета дека со новиот предлог закон за обезбедување на лица и имот ќе се придонесе за воведување на поквалитетна работа во обезбедувањето на лица и имот.
„Ставот на МВР во однос на новиот Предлог закон за обезбедување на лица и имот, е дека тој е неопходна алатка која ќе биде соодветен одговор на новите трендови и предизвиците. Новите нормативни решенија во овој Закон и тоа како ќе придонесат за воведување на нови квалитети во обезбедувањето на лица и имот, за повисок степен на безбедноста на лицата и имотот“ рече Јанкулоска.
Од денеска, Комората за обезбедување на лица и имот започна кампања под мотото „Заедно сме сигурни, заедно сме едно“. Главна тема на годинешната кампања ќе биде имиџот на работникот за обезбедување, односно подобрување на сликата за обезбедувачите во јавноста.
<!– @page { margin: 0.79in } P { margin-bottom: 0.08in } –>
Според официјалните податоци, Комората до денес има издадено околу 16.000 лиценци за работота, а располага со 348 парчиња оружје на ниво на Македонија./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Не е точно дека со ДУИ подготвуваме сценарио за бојкот на вториот круг на претседателските избори“, кажа Ковачевски
Претседателот на СДСМ, Димитар Ковачевски кажа дека не е точно дека подготвуваат со ДУИ сценарио за бојкот на вториот круг на претседателските избори на 8 мај.
„Тоа не е точно, јас вчера имав многу јасна порака на митинзите во Сарај и Чучер Сандево. Ги повикувам сите гласачи масовно да излезат на 8 мај и да ги поддржат претседателскиот кандидат Стево Пендаровски и коалицијата За европска иднина на парламентарните избори. Да избереме и претседател и парламентарен состав, Македонија да продолжи на својот пат на европските инетеграции“, рече Ковачесвки.
Тој кажа дека никој не ги има гласачите под своја контрола за да ги наведува како да гласаат.
„Ја примивме пораката во првиот круг за сите грешки кои ги направивме минатите седум години. Очекуваме да ја добиеме поддршката во вториот круг. Нормално е дека нашето членство го повикавме на изборите. Свесни сме дека граѓаните испратија јасна порака до СДСМ, дека граѓаните укажаа на грешките. Работевме во услови на голема пандемија, енергетска и економска криза предизвикани од војната во Украина. Свесен сум за нивото на инфлација и цените. Се обидовме да ги зголемиме и платите и пензиите секој да се справи на најдобар начин со оваа криза. Знам дека тоа не беше доволно, знам дека треба повеќе. Во новата програма имаме и зголемување на платите и на пензиите и секако многу јасни мерки во однос на владеење на правото и борбата против корупцијата“, кажа Ковачевски.
Тој очекува во вториот круг поддршка од сите граѓани во Македонија.
Ковачевски кажа дека Пендаровски е граѓански кандидат и ја бара поддршката од граѓаните, а не од претседателските кандидат коишто не се пласирале во вториот круг.
„Имаме разговори со политичките партии на различни нивоа и ги повикувам сите да имаме масовна излезност на 8 мај. Да избереме претседател на државата со којшто ќе имаме сигурна европска иднина и да избереме парламент што ќе носи храбри одлуки за државата, за да го дадеме на граѓаните она што го заслужуваат и очекуваат“, рече лидерот на СДСМ.
Тој додаде дека со крената глава продолжуваат во вториот круг и знае од што се незадоволни граѓните.
Македонија
(Видео) Стојаноска: Време е да се обединиме сите околу тоа повеќе да не функционираме како до сега
„Во текот на вчерашниот ден направивме анализа од резултатите од првиот изборен ден на претседателските избори и истото покажува дека голем број на нашите сограѓани Албанци, Турци, Роми и Бошњаци го имаат дадено својот глас за нашиот претседателски кандидат Гордана Силјановска Давкова“, рече Дафина Стојаноска, носител на изборна единица 6.
„Во име на тоа, од срце им се заблагодарувам на сите мои сограѓани и ги повикувам истото да го направат да го направат и во вториот круг имено ВМРО-ДПМНЕ подава рака кон сите, време е, момент е да се обединиме сите околу тоа повеќе да не функционираме како до сега, туку да вложиме да инвестираме во вистинска слобода, вистинска благосостојба и вистински соживот особено за нас особено во шестата изборна единица. Време е заедно да се спротивставиме на криминалот и Македонија да ја направиме своја и горда“, изјави Дафина Стојаноска, носител на изборна единица 6.
Македонија
„Алкалоид“ добитник на „Патент на годината за 2023“ за иновативниот „Омепразол“ во течна форма
Иновативната формулација на „Алкалоид“ АД за лекот со додадена вредност „Омепразол“ во течна форма, готов за употреба, прва од ваков тип во светски рамки, е прогласена за „Патент на годината за 2023“ од Државниот завод за индустриска сопственост, во рамките на пригодното одбележување на Светскиот ден на интелектуалната сопственост – 26 април.
Меѓународната патентна пријава на „Алкалоид“ за „Oмепразол“ во течна форма беше поднесена на 17 април 2020 година, со опфат на голем број региони и земји, меѓу кои земјите од Европската Унија, САД, Канада, Кина, земјите од Евроазиската економска унија и други. Патентната пријава при Европскиот завод за патенти, чии ингеренции опфаќаат патентни активности во 39 земји во Европа, беше одобрена на 3 август минатата година и валидирана во триесетина земји, меѓу кои и Македонија.
Патентот на „Алкалоид“ АД ја заштитува течната фармацевтска дозна форма на „Омепразол“, која се базира на два посебни раствори содржани во двокоморско пакување, кое при отворањето автоматски ги меша двата раствора и така се добива готовиот течен омперазол за употреба. Овој препарат е наменет, пред сѐ, за третман на рефлуксен езофагитис и на гастроезофагеалната рефлуксна болест (ГЕРБ) кај малите деца кои не можат да голтаат таблети, како и кај возрасните пациенти кои имаат тешкотии со голтањето (пациети со дисфагија) и неможност за голтање (пациенти со поставени сонди за гастрично хранење и/или геријатриски пациенти).
Државниот завод за индустриска сопственост е основан на 1 декември 1993 година како самостоен орган на државната управа и е надлежен за вршење на работите во врска со стекнувањето и со заштитата на правата од индустриска сопственост кои опфаќаат патенти, индустриски дизајни, трговски марки и ознаки за потеклото на производите. Оваа институција триесетта година по ред традиционално организира активности во насока на афирмација на улогата на индустриската сопственост во поттикнувањето иновации и креативни творби.
ПР