Македонија
Кенинг: Забележуваме култура на страв во македонското новинарство
Потребна е почит за работата на новинарите и тие не треба да бидат отпуштани тукутака, вели Арне Кенинг, претседател на Европската федерација на новинари.
Потребна е почит за работата на новинарите и тие не треба да бидат отпуштани тукутака, вели Арне Кенинг, претседател на Европската федерација на новинари.Преставници од оваа организација престојуваат во Скопје, каде денеска одржуваат средба со преставници на Синдикатот на новинари и медиумски работници, како и со преставници на сродни синдикати од Германија, Хрватска, Србија и Бугарија.Кенинг вели дека новинарството треба да биде за јавно добро, а не да штити интереси на одредени бизнис кругови или политички елити. „За жал, новинарите тука, во Република Македонија се соочуваат со истите проблеми со кои се соочуваат новинарите во регионот. Вие сте дел од една погоглема шема што ја гледаме низ Европа. Но, јасно е дека имате многу специфични проблеми. Во оваа кратка посета, она што можевме да го забележиме е дека има култура на страв. Треба да има почит за новинарите што си ја вршат работата, и не можете едноставно да отпуштате луѓе како што тоа вие го правите во вашата земја. Исто така, многу сме загрижени од фактот што е многу тешко да се организираат новинарите, според закон и во реалноста, поради стравот по нивната безбедност и за нивната работа“, рече Кенинг, кој истовремено изрази задоволство од започнатиот дијалог меѓу Здружението на новинари на Македонија и властите.„Оваа посета се реализира во исклучително тешка година за македонските медиумски работници. Процените, и тоа конзервативни процени, се дека во неполна година без работа останаа 300-400 наши колеги кои работеа во медиумите. Закани, стечаи, откази…., се наше секојдневие. Медиумите се затвораат, се казнуваат сите што се обидуваат да протестираат“, рече Тамара Чаусидис, претседател на ССНМ.Средбата се одржува во пресрет на утрешното годишно собрание на синдикатот. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Алкалоид“ добитник на „Патент на годината за 2023“ за иновативниот „Омепразол“ во течна форма
Иновативната формулација на „Алкалоид“ АД за лекот со додадена вредност „Омепразол“ во течна форма, готов за употреба, прва од ваков тип во светски рамки, е прогласена за „Патент на годината за 2023“ од Државниот завод за индустриска сопственост, во рамките на пригодното одбележување на Светскиот ден на интелектуалната сопственост – 26 април.
Меѓународната патентна пријава на „Алкалоид“ за „Oмепразол“ во течна форма беше поднесена на 17 април 2020 година, со опфат на голем број региони и земји, меѓу кои земјите од Европската Унија, САД, Канада, Кина, земјите од Евроазиската економска унија и други. Патентната пријава при Европскиот завод за патенти, чии ингеренции опфаќаат патентни активности во 39 земји во Европа, беше одобрена на 3 август минатата година и валидирана во триесетина земји, меѓу кои и Македонија.
Патентот на „Алкалоид“ АД ја заштитува течната фармацевтска дозна форма на „Омепразол“, која се базира на два посебни раствори содржани во двокоморско пакување, кое при отворањето автоматски ги меша двата раствора и така се добива готовиот течен омперазол за употреба. Овој препарат е наменет, пред сѐ, за третман на рефлуксен езофагитис и на гастроезофагеалната рефлуксна болест (ГЕРБ) кај малите деца кои не можат да голтаат таблети, како и кај возрасните пациенти кои имаат тешкотии со голтањето (пациети со дисфагија) и неможност за голтање (пациенти со поставени сонди за гастрично хранење и/или геријатриски пациенти).
Државниот завод за индустриска сопственост е основан на 1 декември 1993 година како самостоен орган на државната управа и е надлежен за вршење на работите во врска со стекнувањето и со заштитата на правата од индустриска сопственост кои опфаќаат патенти, индустриски дизајни, трговски марки и ознаки за потеклото на производите. Оваа институција триесетта година по ред традиционално организира активности во насока на афирмација на улогата на индустриската сопственост во поттикнувањето иновации и креативни творби.
ПР
Македонија
Први и шести мај неработни за сите граѓани на Македонија, трети мај за граѓаните од православна вероисповед
Министерството за труд и социјална политика, согласно со Законот за празниците на РМ („Службен весник на РМ“ бр.21/98 и 18/07) соопштува дека:
1 мај 2024 година (среда), Денот на трудот е неработен ден за сите граѓани на Република Северна Македонија.
03 мај 2024 година (петок), Велики Петок, петок пред Велигден, е неработен ден за граѓаните од православна вероисповед во Република Северна Македонија.
06 мај 2024 година (понеделник), Велигден, вториот ден на Велигден според православниот календар, е неработен ден за сите граѓани на Република Северна Македонија.
Министерството за труд и социјална политика на граѓаните им ги честита престојните празници.
Македонија
(Видео) Сајкоски: Да донесеме уште поголема победа на 8 мај за просперитетна влада на ВМРО-ДПМНЕ
„Денес продолжуваме со активностите тука во Охрид, вчера поминавме прекрасни митинзи со огромна поддршка од граѓаните. Останаа уште неколку денови“, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5 и ги повика сите да се приклучат и да донесат уште поголема победа во вториот круг.
„Сакам да ја изразам мојата благодарност и горд сум на тоа што го направивме во првиот круг, што ја дадовте вашата огромна поддршка за нашиот кандидат за претседател Гордана Силјановска Давкова.
Сакам да ве повикам и во вториот круг референдумски да излеземе за да можеме да ја реализираме Платформа 1198, за да може да реализираме многу проекти за регионов и нашава држава, да донесеме подобар економски развој и раст, да донесеме подобро образование и здравство, да донесеме подобар живот за сите. Затоа на 8 мај излезете сите да се активираме да кажеме НЕ за ова што се случуваше досега и да дадеме шанса за просперитетна влада која ќе ја носи Македонија напред“, изјави Ѓорѓија Сајкоски, генерален секретар на ВМРО-ДПМНЕ и носител на изборна единица 5.