Македонија
Двајца македонски државјани пронајдени мртви во Италија
Двајца Македонци на 15 октомври биле пронајдени мртви на планината во близина на Бреша во Италија, но дури вчера двајцата биле идентификувани, јавуваат италијанските медиуми.
Двајца Македонци на 15 октомври биле пронајдени мртви на планината во близина на Бреша во Италија, но дури вчера двајцата биле идентификувани, јавуваат италијанските медиуми.
Како што пишуваат италијанските медиуми, станува збор за бизнисмени од Македонија, четириесет и двегодишниот Христо Узунов и четириесет и петгодишниот Екрем Салија.
Двајцата македонски државјани наводно дошле во Италија на 13 јуни со авион од Тирана до Милано, а истата вечер резервирале ноќевање во Бреша, каде имале оставено багаж.
Нивните тела на 15 октомври ги пронашол човек кој берел шумски плодови на планината во близина на Бреша. Меѓу предметите бил пронајден и проект за изградба на трговски центар во Македонија.
Исто така, како то пишуваат локалните медиуми, пронајдена е и сим картичка за мобилен телефон купена во земја во Источна Европа, преку која можеле да го откријат идентитетот на сопственикот. На нивните тела биле пронајдени рани од куршуми и исекотини кои можно е да се направени со ладно оружје.
Кога полицијата дошла на местото на инцидентот, телата веќе биле во распаѓање, што значи дека двајцата македонски државјани биле мртви подолго време. Од министерството за надворешни немаат информации за случајот со македонските државјани во Италија./крај/quibrescia/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нормализиран сообраќајот на патот Градско – Прилеп
Денеска во 20:25 час, сообраќајот на регионалниот пат Градско – Прилеп кај клучката Манастирец кој беше пренасочен по регионален пат Р1107 кон Кавадарци поради случена сообраќајна незгода помеѓу патнички автомобил и трактор е пуштен за сообраќај во целост.
Македонија
Сообраќајка меѓу патничко возило и трактор на регионалниот пат Градско – Прилеп, сообраќајот пренасочен
Денеска околу 19:00 часот поради случена сообраќајна незгода помеѓу патнички автомобил и трактор, регионалниот пат Градско – Прилеп кај клучка Манастирец е пренасочен по регионален пат Р1107 кон Кавадарци, соопшти АМСМ.
Македонија
МВР: Шалтер за „Безбеден град“, граѓаните од утре ќе можат да ги променат контакт-податоците
Од Министерството за внатрешни работи известуваат дека граѓаните од утре (17.12.2025), на посебен шалтер во Одделот за граѓански работи, во зградата на МТВ (приземје) во Скопје, кој ќе работи секој работен ден во периодот од 08:00 до 17:00 часот ќе можат да поднесат барање за промена на контакт-податоците кои ги доставиле при регистрација на возилата, доколку има настаната промена или во случај да имаат добиено известување со неточни податоци.
„Истото, ќе може да се изврши и низ станиците за технички преглед на возила во државата каде што е распореден деташиран референт на МВР.
Исто така, граѓаните по електронска пошта на [email protected] ќе можат да достават писмена забелешка доколку имаат нејаснотии, прашања или проблеми поврзани со функционирањето и примената на системот „Безбеден град“, при што сите доставени забелешки ќе бидат евидентирани и разгледани согласно утврдените процедури, со цел унапредување на работењето и поефикасна комуникација со граѓаните“, соопшти МВР.

