Македонија
Љубе и заштитениот сведок ќе се видат во вторник
Судскиот совет и обвинителот ги известија присутните дека во текот на вчерашниот ден пристигнале известувања во судот и обвинителството од МВР дека заштитениот сведок за овој случај е достапен.
Судскиот процес против Љубе Бошкоски лидерот на Обединети за Македонија обвинет за земање нелегални донации за време на изборна кампања, денеска траеше само пет минути. Судскиот совет и обвинителот ги известија присутните дека во текот на вчерашниот ден пристигнале известувања во судот и обвинителството од МВР дека заштитениот сведок за овој случај е достапен.На последното рочиште судот констатира дека овој сведок со ознака З1 е недостапен и за денеска закажа завршни зборови. Но со известувањето на МВР од секторот за заштитени сведоци процесот се враќа во фаза на доказна постапка. Судот по барање на МВР го презакажа процесот за во вторник во 16 часот. Тогаш Љубе и заштитениот сведок прв пат ќе се видат. По одложувањето на процесот група поддржувачи на Бошкоски и неговите сестри застанаа зад Основниот суд 1 од каде од гаражата се изнесуваат притворените лица. Извикува „Љубе, Љубе“ и пееја патриотски песни. Останаа половина час за кое време тој дел од судот беше блокиран. Веднаш беше повикано полициско засилување, иако роднините на Бошкоски ги убедуваа полицајците дека само сакаат да го поздрават нивниот брат. По кусо натегање со полицијата роднините разбраа дека Бошкоски бил изнесен од друга страна од судот и разочарано се разотидоа. крај.км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ бара истрага: Заев, Николовски, Груби, Филипче, Бајрами, Дончев и Рашковски посочени како пример за неказнивост
ВМРО-ДПМНЕ реагира дека нема да толерира незаконско постапување и девијантно однесување на поединци за кои постојат сомнежи дека ги прекршиле законските регулативи. Од партијата порачуваат дека Законот мора да важи еднакво за сите и дека секој фатен во корупција или криминал треба да понесе соодветна одговорност.
Во реакцијата се наведува дека државата не смее да се враќа во „мрачните времиња“, како што ги нарекуваат периодите кога, според нив, лица со основано сомнение или пресуди за криминал – меѓу кои ги посочуваат Заев, Љупчо Николовски, Груби, Филипче, Перпарим Бајрами, Ден Дончев и Рашковски – слободно се движеле без одговорност.
Од ВМРО-ДПМНЕ апелираат надлежните институции целосно да го истражат случајот и да постапат до крај согласно законските прописи.
Македонија
За девет месеци од наплата на патарините државата заработила над 58 милиони евра
Вкупните приходи од наплата на патарина за првите девет месеци од годинава изнесуваат 3.611.645.604, денари (58,725 милиони евра).
Во септември годинава прометот на наплатните станици изнесува 401.971.971 денар, а во летните месеци кога е највисока фрекфенцијата на возила, биле инкасирани 494.308.025 во август, 469.811.647 во јули и 399.325.680 денари во јуни годинава.
Најпрофитабилна е наплатната станица Романовце, а најниски се приходите на Кадрифаково.
Македонија
Најмногу дожд во изминатото деноноќие падна во Пожаране и Попова Шапка
Најмногу дожд во изминатото деноноќие наврал во Пожаране и Попова Шапка, а најмалку во Штип и Кавадарци.
Управата за хидрометеоролошки работи информира дека во Пожаране и Попова Шапка наврнале 32 литри на метар квадратен, во Маврови Анови и Крушево 23, во Тетово 21, во Претор 20, во Лазарополе 14, во Гевгелија 11, во Битола, Тополчани и Скопје-Зајчев Рид 6, во Ѓуриште, Пожар-Радовиш 5, во Прилеп, Велес, Скопје-Петровец 4 и во Штип и Кавадарци еден литар на метар квадратен.
До вторник синоптичарите најавуваат променливо облачно време со локални врнежи од дожд. Денеска наместа врнежите ќе бидат поројни и пообилни (над 30 l/m² за 24 часа), проследени со засилен ветер и појава на ретки грмежи.
Ќе дува умерен, повремено засилен ветер од јужен, а долж Повардарието од југоисточен правец. Максималната температура ќе биде во интервал од 12 до 17 степени.

