Министерот за транспорт и врски, Миле Јанакиески, денеска се сретна со амбасадорот на САД во Македонија, Пол Волерс, при што го запозна со приоритетните проекти за идната година, меѓу кои се гасификацијата, Коридорот 10 и обновувањето на железницата.

Министерот за транспорт и врски, Миле Јанакиески, денеска се сретна со амбасадорот на САД во Македонија, Пол Волерс, при што го запозна со приоритетните проекти за идната година, меѓу кои се гасификацијата, Коридорот 10 и обновувањето на железницата.На средбата со амбасадорот на САД, која се одржа во Министерството за транспорт и врски, министерот Јанакиески ги претстави актуелните проекти од ресорот на презентирајќи ги притоа различните сегменти во кои Министерството има надлежност.Министерот Јанакиески го запозна амбасадорот Волерс со приоритетните проекти за 2012 година, меѓу кои и проектот за гасификација, како и проектите за рехабилитација на железничката инфраструктура и изградба на патниот дел од Коридорот 10 на ниво на автопат.Амбасадорот Волерс, го изрази своето задоволство од работењето на Министерството за транспорт и врски изразувајќи ја својата поддршка и подготвеност за продолжување на соработката.Во изминатиот период Министерството за транспорт и врски во соработка со УСАИД успешно го имплементираше пилот-проектот за електронска распределба на ЦЕМТ-дозволите, а соработката активно продолжи и во изготвувањето на електронската апликација за јавни наддавања кои општините во Република Македонија ги употребуваат во процесот за менаџирање со неизграденото градежно земјиште, сопственост на Република Македонија./крај/мф/сн