Македонија
Цела Комисија за надзор ќе проверува како бил следен Бошкоски
Цела Комисија за надзор над спроведувањето на мерките за следење на комуникациите од страна на Министерството за внатрешни работи ќе оди во МВР за да провери како бил следен лидерот на Обединети за
Цела Комисија за надзор над спроведувањето на мерките за следење на комуникациите од страна на Министерството за внатрешни работи ќе оди во МВР за да провери како бил следен лидерот на Обединети за Македонија Љубе Бошкоски.
Ваква одлука со три гласа „за“ и два гласа „против“ донесоа членовите на Комисијата откако не можеа да се договорат дали во Работната група која што ја формираа, мнозинство ќе има власта или опозицијата. Но неизвесно е дали и членовите од власта ќе учествуваат во увидот, бидејќи гласаа против оваа одлука.
Претседателот на Комисијата, Тито Петковски на почетокот на седницата го измени заклучокот, наместо да се одредува составот на Работната група да се донесе заклучок сите членови од Комисијата да направат увид во следењето на Бошкоски.
Власта се спротивстави на овој заклучок, тие останаа на тврдењето дека Работната група треба да биде составена од двајца членови од парламентарното мнозинство и еден член од опозицијата.
Пратеникот од ДУИ, Талат Џафери смета дека со тоа што власта ќе биде мнозинство во Работната група ќе се направи еден баланс, со оглед на тоа што во Комисијата мнозинство има опозицијата.
„Треба да се согласиме дека мнозинство треба да биде власта за да можеме да направиме рамнотежа во работата на Комисијата. Податоците кои што ќе бидат презентирани да не можат да се искривуваат од страна на мнозинството во Комисијата“ рече Џафери и додаде дека претходно во телефонски разговор со претседателот на Комисијата, Петковски разговарале за тоа власта да има мнозинство во работната група и начелно тој немал ништо против овој договор.
Петковски признава дека разговарал со сите членови на Комисијата за нивниот предлог, но вели дека тој нема мандат да го смени заклучокот на Комисијата.
„Министерката ни одговори на нашето барање по 40 дена, вие од парламентарното мнозинство тактизирате два месеца . Бидејќи не може да се договориме кој да биде во Комисијата, сите ќе појдеме во Министерството. На 6 јуни МВР официјално изјави дека врз лидерот на ОМ биле применети посебни истражни мерки“ вели Петковски.
Павле Саздов од ВМРО – ДПМНЕ изјави дека не верува дека членовите од опозицијата спроведуваат искрена политика и ги обвини дека спроведуваат партиски инструкции. Според него, во извештајот на Јанкулоска јасно стоело дека не биле прислушувани телефонските разговори на Бошкоски.
Петковски тврди дека Комисијата има обврска да провери како бил следен Бошкоски.
„Вие немате намера оваа Комисија да функционира, очигледно има нешто што Комисијата не смее да го види“ рече Петковски.
„Вие имате мнозинство во Собранието, нема потреба од никаков баланс“ вели Николче Ацески од НСДП.
„Никаде власта не ја врши контролата сама врз себе. Никој не прејудицира дека ќе најдеме нешто незаконско. Никој не прејудицира дека МВР не си ја вршело работата како што треба . Ние сакаме да направиме контрола. Со вашите опструкции само покажувате дека има нешто што сакате да го сокриете како владејачко мнозинство“ изјави Тања Томиќ од СДСМ.
„Јас лично како пратеник немам доверба во МВР. Причините се многубројни. За случајот „Сопот“ се формираше работна група и се утврдија многу пропусти од страна на МВР“ рече Орхан Ибраими од ДПА. Петковски уште денеска ќе испрати барање до Јанкулоска за увид во целокупната документација.
Работната група се формираше за да направи увид во целокупната документација за тоа како бил следен лидерот на ОМ, незадоволни од одговорот кој го испрати Министерството за внатрешни работи до Комисијата за следењето на Љубе Бошкоски.
Во него, како што тврдеше Петковски, немало никаков одговор на прашањата на комисијата, во кој период е следен и прислушуван Бошкоски, дали следењето продолжило и за време на предизборна кампања, дали МВР располага со налог од надлежен судски орган за примена на посебни истражни мерки и од кој датум е и кои се причините за барањето на посебни истражни мерки и каков вид истражни мерки се наредени.
На гласањето за формирање на Работната група, ВМРО-ДПМНЕ гласаа против, а ДУИ беа воздржани.
Лидерот на Обединети за Македонија беше уапсен на 6 јуни под сомнение за нелегално финансирање на изборната кампања./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Андоновска: Се додека Филипче и Заев владеат во СДС, партијата нема никаква реална шанса да се реформира
СДС нема иднина се додека Филипче е на чело на партијата. Филипче, како продолжена рака на Зоран Заев, продолжува да ја третира партијата како приватен проект, изјави Викторија Андоновска од ВМРО-ДПМНЕ.
„Изборниот резултат беше само статистичка потврда за ова. На своето конто, СДС брои само 6 општини, 126.000 гласови и околу 230 советници, историски изборен дебакл на СДС, кој за Филипче е успешен резултат за кој му честитаме. Се додека Филипче и Заев владеат во СДС и тоа не се искорени целосно, партијата нема никаква реална шанса да оди напред, ниту пак има шанса да се реформира. По ова се гледа дека обидот на Филипче за реформирање, кој толку долго и широко го најавуваше, не само што е пропаднат, туку не е ни започнат“, рече таа.
Според Андоновска, Филипче треба да си даде оставка од претседател на СДС, затоа што, додава таа, како тој што нагласува некогаш државотворната СДС, целосно ќе ја снема од политичката мапа во земјата, поради неговите политики.
„На македонската политичка сцена и е потребна конструктивна опозиција, ослободена од стегите на Заев и Филипче“, рече Андоновска.
Македонија
Мицкоски за ѓубрето во Скопје: Многу е важен првиот впечаток, за кратко време ги мобилизиравме сите капацитети и почнавме со чистење на градот
„Ние се доведовме до ситуација во 21 век да зборуваме за елементарни работи и навистина сето тоа делува помалку и комично, но кога некои работи треба да се направат, мора да се направат и како што кажа градоначалникот за време на изборната кампања тој вчера во исклучително рекордно време успеа да ги мобилизира сите капацитети. Но, исто така им благодарам и на општествено одговорни компании кои се вклучија во акцијата и мислам дека вчера беше сето тоа убаво и една ваква робусна акција денеска ако ништо друго можевме да видиме дека контејнерите се барем празни и чисти“, вели претседателот на Владата на Република Северна Македонија, Христијан Мицкоски одговарајќи на новинарско прашање.
Мицкоски рече дека нечистењето на ѓубрето е политичка стратегија на опозицијата, но дека новиот градоначалник Орце Ѓорѓиевски уште првиот ден ги засукал ракавите и започнал со работа.
„Навистина делува смешно, јас ве разбирам и јас понекогаш можеби би се насмеал за сето ова кое што го зборуваме. Но, за жал се доведовме до една ваква ситуација и оваа беше политичка стратегија на опозицијата, преку неработењето на претходната градоначалничка нанесе штета, пред се на Владата и на државата. И морам да признам дека во одредена мера успеа со сето тоа. Но, ние таа лекција ја научивме и затоа уште во првиот ден ги засукавме ракавите и започнуваме од темелите или од под темелите. Така беше во владата кога дојдовме со долгови, така и во градот. Така што мора да гребеме од под темелите, за да дојдеме до површината и потоа да градиме нагоре. И мислам дека тоа го прави квалитетно уште од самиот почеток новиот градоначалник. Јас сакам само да кажам дека немате во животот втора шанса за прв впечаток. Така што многу е важен првиот впечаток и мислам дека тука новиот градоначалник тоа ќе го оправда“, изјави премиерот Мицкоски.
Македонија
Ристо Пенов ја отвори конститутивната седница на Советот на Град Скопје
Како највозрасен меѓу советниците во Советот на Град Скопје, поранешниот градоначалник на главниот град и член на Либерално-демократската партија, Ристо Пенов, ја имаше честа да претседава со првата седница на новиот состав.
Со искуство, стабилност и визија, Пенов повторно ја потврди заложбата на ЛДП – Скопје да стане модерен, зелен и функционален град за сите, велат од партијата.
„Нашите приоритети за следниот мандат се активностите за почисто и позелено Скопје, воспоставување паметен и одржлив сообраќај, модерен урбан развој на градот и зголемено ниво на транспарентност и соработка меѓу Градот и општините“, изјави Ристо Пенов.
Ристо Пенов влезе во Советот како носител на советничката листа за Град Скопје на коалицијата „Искуство за успех“. Меѓу другите програмски заложби на Пенов се и загарантираниот буџет за велосипедски патеки и инфраструктура, субвенциите за велосипеди за граѓаните кои со нив одат на работа и повторното заживување на Градскиот трговски центар, посочуваат од ЛДП.
Турчин фатен со злато вредно половина милион денари на аеродром, Македонец од Лондон шверцувал уреди „епл“
Царински службеници и мобилни царински тимови запленија 92 грама златни плочки и монети, „Епл“ уреди, 37.500 евра, цигари, парфеми и...
Откриен еден од убијците во Чашка, по вториот се трага – жртвата намамена, застрелана во главата и оставена покрај патот
Велешкото Обвинителство донесе Наредба за истражна постапка против едно лице за кое постои основано сомнение дека бил соизвршител за убиство....
(Видео) Заплови „Фуџијан“, најновиот и најмоќен кинески носач на авиони
Најновиот кинески носач на авиони „Фуџијан“ официјално е пуштен во служба, што претставува значаен чекор во напорите на Пекинг да...
„Влен“: Почна вистинското чистење на Скопје од ѓубрето и старата политика
По месеци на давење на градот во лоша миризба, ѓубре, запуштеност и пропаганда, од коалицијата „Влен“ велат дека почнало вистинското...
Албанија усвои закон за родова рамноправност по бурна расправа
Албанскиот парламент доцна синоќа го усвои Законот за родова рамноправност, по повеќечасовна и остра дебата. Законот беше изгласан со 77...
Сенатот ја блокира резолуцијата што ќе го спречеше Трамп да ја нападне Венецуела
Републиканците во американскиот Сенат ја блокираа резолуцијата што ќе му забранеше на претседателот Доналд Трамп да ја нападне Венецуела без...
Променливо облачно време со повремени локални врнежи од дожд
Времето денес ќе биде променливо облачно со повремени локални врнежи од дожд, особено во северозападните и северните делови. Ќе дува...
Мицкоски: Македонија останува посветена на европскиот пат, но без двојни стандарди и политички притисоци
Македонија останува посветена на европскиот пат, но без двојни стандарди и политички притисоци, изјави премиерот, Христијан Мицкоски. Тој вели дека...
Со букет цвеќе Ѓорѓиевски ја испрати Арсовска и ја презема градоначалничката функција
Со куса средба и букет свежо цвеќе заврши примопредавањето на должноста градоначалник на Град Скопје меѓу досегашната градоначалничка Данела Арсовска...
Јаневска ќе ја почитува одлуката на Мицкоски доколку реши да ја смени
Министерката за образование и наука Весна Јаневска одговарајќи на новинарско прашање, дали доколку има реконструкција на владата таа ќе остане...
(Видео) Мицкоски ќе ја реконструира партијата, па потоа Владата: Фокусирани сме на партискиот конгрес на 6 декември
Реконструкција на Владата нема да има пред партискиот конгрес на владејачката партија ВМРО-ДПМНЕ, кој е закажан за 6 декември. Премиерот...
Бомба најдена во автомобил во гаража во Скопје, сопственикот на возилото добил заканувачка порака, МВР влегло во објектот
Ноќеска, околу 1 часот по полноќ, непознато лице влегло во гаража од семејна куќа во скопската населба Бит-пазар, во сопственост...
„Скопје го менуваме од корен“: Ѓорѓиевски го презеде раководењето со Градот
Новиот градоначалник на Скопје, Орце Ѓорѓиевски, денеска го прими уверението и најави дека од вечерва почнува акцијата за чистење на...
(Видео) Николоски: Го потпишавме договорот за изградба на заедничкиот пограничен тунел со Бугарија, железничкиот Коридор 8 има стратешко, економско и безбедносно значење за Балканот и Европа
Железничкиот Коридор 8 е еден од најважните трансевропски транспортни коридори, кој има стратешко, економско и геополитичко значење за целиот Балкан...
(Видео) ДИК ги објави конечните резултати од вториот круг на локалните избори
Државната изборна комисија (ДИК) на денешната седница ги објави конечните резултати од вториот круг на локалните избори 2025 година за...
АХВ заплени небезбедна храна со непознато потекло по спроведен вонреден инспекциски надзор
По добиена пријава, со интервенција од Единицата за економски и компјутерски криминал при СВР Скопје, Агенцијата за храна и ветеринарство...
Црна Гора сè поблиску до Европската Унија: познат е можниот датум за влез
Црна Гора го доби својот најповолен извештај за напредокот во европската интеграција откако ги започна преговорите за пристапување со Европската...
Пронајдено безживотно тело на млада жена во Тетово, Обвинителството изврши увид
Дежурен јавен обвинител од Основното јавно обвинителство Тетово вчера изврши увид на лице место на локацијата каде беше пронајдено безживотно...
(Видео) Украина нападна клучна рафинерија длабоко во Русија, се шират снимки
Украинските војници наводно нападнале и оштетиле руска рафинерија за нафта во Волгоград преку ноќ, додека експлозии потресле неколку други енергетски...
Израелски заложник за држењето во Газа: Бев гол, само му се молите на Бога да престане
Ром Браславски, неодамна ослободен израелски заложник, тврди дека бил подложен на „ужасна“ и понижувачка сексуална злоупотреба додека бил во заробеништво...
