Кој го украл златниот синџир од вратот на Чеврески остана неразјаснето. Тројцата обвинети си ја префрлаа одговорноста. Првиот вели дека тоа е второбвинетиот, тој го посочува третообвинетиот кој пак го обвинува првообвинетиот.

Во Основниот суд 1 во Скопје денеска седум часа без прекин беа сослушувани обвинетите за убиството на Михајло Чеврески, момчето кое летоска беше најдено мртво со две прострелни рани во главата во близина на браната Козјак. Го убија и фрлија во грмушки неговите најдобри другари.Мотив за убиството е реченицата „Бегај бе наркоман еден, ти ќе ми кажеш”, нешто што Чеврески кој бил алкохолизиран му го кажал на егзекутурот, се дозна на деешното рочиште. Поради кавга со два куршума во главата Чеврески бил ликвидиран, фрлен во дол и ограбен. За свирепото злосторство сега им се суди на Александар Алексовски, Александар Костевски и Панче Наумовски. Првиот го убил, а другите двајца го фрлиле телтото. Во судницата сите беа распрашувани до најситни детали околу кавгата и околносите поради кои Чеврески бил убиен. Првообвинетиот Алексовки тврди дека не сакал да го убие другарот, туку дека пиштолот првиот пат пукнал сам, вториот тој испукал од страв, а третиот пат стрелал во воздух но не знае зошто. Тврдеше дека пиштолот го имал од поодамна и дека сите заедно се договориле да одат во шума и да пукаат. Но другарите, односно останатите двајца обвинети, пред судот беа категорични во исказите дека никогаш не се договарале дека ќе пукаат.И Костевски и Наумовски пред судот кажаа дека пиштолот Алексовски го купил нелегално и дека на свадбата на Наумовски пукал, за разлика од превообвинетиот кој пред судот кажа дека пиштолот го нашол во подрум. Кој го украл златниот синџир од вратот на Чеврески остана неразјаснето. Тројцата обвинети си ја префрлаа одговорноста. Првиот вели дека тоа е второбвинетиот, тој го посочува третообвинетиот кој пак го обвинува првообвинетиот. Бидејќи во неколку делови од исказот Алексовски и Костески кажуваа сосема различни верзии на настанот, судот ги соочи. И двајцата гледајќи се в очи тврдеа дека секој ја зборува вистината. Дури и за тоа кој го зел синџирот еден на друг си рекоа : „Ланецот го зеде ти”. Второ и трето обвинетите Костовски и Наумовски беа едиствени во исказот дека Алексовски им се заканил дека ќе ги убие ако не се ослободат од телото или, пак, ако некому нешто кажат. Дури, според нивното сведочење Алексовски ги поучил како да зборуваат пред полиција. Костески кој бил другар од детство на Чеврески бил задолжен да биде блиску до семејството на момчето кое го барале, за да дознае детали од потрагата. Тој бил и на погребот на другарот. Неговата мајка во ходникот од судот се доближи до таткото на убиениот и му изрази сочувтсво за убиството извинујвајки му се за тоа што го сторил синот. Таткото на Чеврески без зборови само крена раменици. Третообвинетиот Наумовски пред судот во детали кажа како Михајло бил ликвидиран и дека сите тројца имале крв на нозете. Со влажни марамчиња се бришеле а украедниот синџир било негова должност да го исчисти. Потоа го исекле на три дела и го продале. Алексовски тврдеше дека парите си ги поделиле, но Наумовски кажа дека парите ги зел првообвинетиот за да плати лихварски долг. Костески и Наумовски кажаа дека биле свесни дека лажат во полиција за исчезнувањето на Чеврески, но тоа го сториле поради голем страв од Алексовски. „Кога видов како ладнокрвно го ликвидира Михајло, морав да правам сé како што ќе каже, бидејќи ми беше многу страв, за мене, за сопругата и ќеркичката”, појасни пред судот Наумовски, кој додаде дека тој ги расфрлал чашите и пивското шише за полицијата да ги открие.  Судењето продолжува следниот месец кога пред судот треба да биде сослушан таткото на убиениот Михајло Чеврески. крај.км