Македонија
Онтарио додели 500.000 долари за Македонскиот соборниот храм во Торонто
Канадската провинција Онтарио додели грант од 500.000 долари на Македонската Соборната црква „Св. Климент Охридски“ во Торонто, првиот македонски храм во Северна Америка, информираат од македонската амбасада во Отава.
Канадската провинција Онтарио додели грант од 500.000 долари на Македонската Соборната црква „Св. Климент Охридски“ во Торонто, првиот македонски храм во Северна Америка, информираат од македонската амбасада во Отава.
Средствата ќе бидат искористени за негова реконструкција. Предвидено е објектот да добие нов современ лифт, нов влез и западна фасада, со помошни простории, проширен паркинг простор и специјална рампа за лица со посебни потреби.
Од Управата на храмот информираат дека грантот од половина милион канадски долари од Владата на провинцијата Онтарио ќе биде дополнет со уште најмалку толку средства од македонската црква и заедница.
По овој повод на свеченост во соборниот Храм, пред многубројните Македонци од Торонто и околината, амбасадорот на Македонија, Љубен Тевдовски, им додели Плакети за благодарност на претседателот на Соборниот храм, Владе Димитриевски, на потпретседателот Енди Плуков, директно вклучен во договорите со Владата на Онтарио, и членовите на Управниот одбор.
„Соборниот храм Св. Климент Охридски претставува вистински столб на Македонската заедница во Канада и партнер на Македонската амбасада во развојот на вкупните односи помеѓу Македонија и Канада“, рече Тевдовски.
Благодарница за соработката со Соборниот Храм „Св. Климент Охридски“ од Торонто доделија и присутните претставници на Македонската влада, Александар Ѓеоргиев, од Министерството за култура и Донче Тасев, од Министерството за надворешни работи.
Македонската православна црква „Св. Климент Охридски“ во Торонто ја одржала својата прва богослужба на македонски јазик во 1962 година, како прва црква под јурисдикција на Македонската православна црква во Северна Америка. Таа претставува соборен храм на Македонците од Северна Америка и официјално седиште на епископот г. Методиј. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Земјотрес со јачина 3.2 почувствуван во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, вчера вечер, во 21 часот и 28 минути, регистрираше земјотрес чиј епицентар припаѓа на епицентрално подрачје Делчево-Берово, со Рихтерова локална магнитуда ML3.2.
Според досегашните податоци со кои располага опсерваторијата, земјотресот е почувствуван од населението на Берово и околината, со интензитет од III степени според Европската макросеизмичка скала.
Македонија
Мицкоски до пензионерите: Уживајте во зголемените пензии од 2.500 денари
Пензионерите утре ќе добијат повисоки пензии за 2.500 денари. Зголемувањето е линеарно, што значи дека сите пензии ќе се покачат за истиот износ.
Второто линеарно покачување од плус 2 и пол илјади денари пензионерите ќе го добијат во март следната година.
Премиерот Христијан Мицкоски вечерва преку видео обраќање на пензионерите им порача да уживаат во повисоките пензии кои од утре ќе се најдат на нивните сметки.
Македонија
До овој момент нема наши државјани кои се обратиле за помош или евакуација од Либан, соопшти МНР
До овој момент, нема македонски државјани кои се обратиле за помош или евакуација од Либан, соопштија од Министерството за надворешни работи и надворешна трговија.
-Поради влошенета безбедносна ситуација во Либан, Министерството за надворешни работи и надворешна трговија на Северна Македонија во неколку наврати ги повика сите наши државјани кои се наоѓаат во оваа држава, да ја напуштат во прва можна прилика и апелираше да се одложат сите патувања кон оваа држава, кои не се неопходни, рекоа од Министерството.
Денеска силен чад се издига над хоризонтот на јужен Либан откако израелските трупи го нападнаа јужниот град Сидон, на околу 45 километри јужно од Бејрут каде што загинаа најмалку 32 лица, соопштија либанските власти, додека во провинцијата Баалбек Хермел загина 21 лице, а најмалку 47 се ранети.
Според либанското Министерство за здравство во последните израелски напади загинале повеќе од 100 луѓе, додека бројот на жртвите во изминатите две недели се искачи на над 1.000, а околу 600 се повредени.