Македонија
Скопје на чело по бројот на инциденти на спортски натпревари
Вкупно 101 инцидент се случиле на спортски натпревари во Македонија во текот на годинава, покажуваат податоците на Министерството за внатрешни работи.
Вкупно 101 инцидент се случиле на спортски натпревари во Македонија во текот на годинава, покажуваат податоците на Министерството за внатрешни работи.
Најголем број нарушувања – 78 се регистрирани за време на фудбалски натпревари, 19 на кошаркарски натпревари, два на ракометни натпревари, а по еден случај се случиле за време на одбојкарски натпревар и боксерски меч.
Најмногу инциденти на спортски натпревари се регистрирани на подрачје на Секторите за внатрешни работи Скопје – 47, потоа следат Битола – 13, Тетово – девет, Струмица – осум, Охрид и Велес – по седум и по пет на подрачјaта на СВР Штип и СВР Куманово.
Нарушувањето на јавниот ред и мир во 50 случаи е предизвикано со физичка пресметка помеѓу учесниците на спортските натпревари, а во 34 случаи е извршено се фрлање тврди предмети и пиротехнички средства во натпреварувачкиот простор.
При ваквото насилничко однесување повредени се 41 лице од кои најмногу, 12 се судии, 11 се полициски службеници, 10 навивачи, пет играчи, двајца патници и едно лице од редарската служба, а притоа биле оштетени девет патнички возила, како и прозорски стакла на еден објект.
Исходот од инцидентите се четири кривични пријави против 15 сторители за сторени шест кривични дела и тоа: три дела – „напад врз службено лице при вршење работи на безбедноста“ и по едно кривично дело – „тешка телесна повреда“, „учество во толпа што ќе спречи службено лице во вршење на службено дејствие“ и „загрозување на сигурноста“, како и еден посебен извештај против непознат сторител за сторено едно кривично дело – „насилство“.
Исто така, поднесени се и 69 прекршочни пријави против 104 физички лица за сторени 64 прекршоци според Законот за спречување на насилство и недолично однесување на спортски натпревари и девет од Законот за прекршоците против јавниот ред и мир, како и против 18 правни лица и осум одговорни лица за сторени 25 прекршоци.
Во анализираниот период, на подрачјето на државата, за време на одржување на спортски натпревари не се регистрирани случаи на палење на државното знаме на Република Македонија, ниту знамиња на други држави, но се регистрирани пет случаи во кои членови на навивачки групи истакнувале транспаренти и пееле песни со навредлива содржина на меѓунационална основа.
Ваквите инциденти се регистрирани на подрачјата на Секторите за внатрешни работи Скопје, Охрид, Тетово и Штип, при одржување на четири фудбалски и еден кошаркарски натпревар.
Во случајот на кошаркарскиот натпревар помеѓу екипите на „МЗТ“ и „Лирија“ од Скопје, поради недолично навивање на домашната навивачката група “ФЕМИЛИ“ и извикување националистички пароли, по барање на делегатот и судијата, тој е прекинат.
Полицијата во својата евиденција го има регистрирано и фудбалскиот натпревар меѓу ,,Шкендија“ од Тетово и ,,Партизан“ од Белград, кога членови на навивачките групи „БАЛИСТИ“ и ,,ШВЕРЦЕРИ“ пееле песни со навредлива содржина за македонското и српското население, а навивачите од групата ,,БАЛИСТИ“истакнале пароли и слики напишани на албански јазик со непристојна и навредлива содржина на меѓунационална основа.
На подрачје на СВР Охрид, при одржување на фудбалскиот натпревар помеѓу екипите на „Охрид Лоте“ од Охрид и „Шкендија“ од Тетово, 21-годишно лице, инаку водач на навивачката група „БАЛИСТИ„ во текот на натпреварот пеел песни со навредлива содржина.
На подрачје на СВР Штип, за време на фудбалски натпревар помеѓу екипите на „Брегалница“ од Штип и „Шкендија“ од Тетово, 36-годишен навивач на навивачката група „ФАЛАНГА“ во повеќе наврати упатувал вулгарни зборови за националната и верската припадност на гостинската навивачка група.
На подрачјето на СВР Тетово, при одржување на фудбалски натпревар помеѓу екипите на „Шкендија“и „Тетекс“ од Тетово, членовите на навивачките групи „БАЛИСТИ“ и „ВОЈВОДИ“, за време на натпреварот меѓусебно си упатувале навреди и закани на меѓунационална и верска основа. На овој натпревар дојде до поголемо нарушување на јавниот ред и мир, при што беа повредени тројца полициски службеници и беше оштетено едно патничко возило. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Грипот се шири брзо, раст од над 31 проценти за една недела
Во периодот од 8 до 14 декември, во Република Северна Македонија се пријавени 126 случаи на грип и заболувања слични на грип, што претставува зголемување од 31,3% во споредба со претходната недела, покажуваат најновите податоци од здравствените власти.
Најмногу заболени се регистрирани во Тетово (30 случаи) и Куманово (20), а веднаш потоа следи Македонски Брод (18). Во Скопје се пријавени 15 случаи. Иако по број на пријави не е прв, Македонски Брод има највисока инциденца – 178,0 заболени на 100.000 жители.
Според старосната распределба, најзасегната е групата 15–64 години со 97 случаи. Кај лицата над 65 години регистрирани се 16 случаи, додека кај децата бројките се пониски: 7 случаи кај групата 5–14 години и 6 случаи кај 0–4 години.
Во Институтот за јавно здравје (ИЈЗ) биле тестирани 24 материјали, при што се детектирани 4 позитивни случаи на грип: три Influenza A(H3) и еден Influenza A(H1)pdm09. Дополнително, регистриран е и еден случај на RSV тип B, додека SARS-CoV-2 не е детектиран.
Кумулативно, од почетокот на сезоната 2025/2026, регистрирани се 998 случаи на грип/заболувања слични на грип, што е зголемување од 51,2% во однос на истиот период минатата сезона.
Најголем број пријави има во Гостивар (244) и Куманово (241), а Македонски Брод повторно се издвојува со највисока инциденца – 583,5 на 100.000 жители.
Вакцинацијата против грип останува најсигурна заштита, посочуваат здравствените власти. За сезоната 2025/2026 обезбедени се 80.000 бесплатни четиривалентни вакцини за ризичните групи:
-
лица над 65 години,
-
деца од 6 до 59 месеци,
-
лица со хронични болести,
-
бремени жени,
-
здравствени работници.
Според досегашните податоци, вакцинирани се 78.730 лица (со бесплатни или комерцијални вакцини).
Епидемиолошкиот надзор покажува дека грипот сè уште има спорадична активност низ земјата, а процентот на позитивност е под 10%, што укажува дека сезоната не е во полн интензитет. Сепак, бројот на пријавени случаи постојано расте, па се апелира на зголемено внимание, особено кај ризичните групи.
Министерството за здравство и ИЈЗ препорачуваат:
-
често миење раце,
-
избегнување големи гужви,
-
топло облекување, доволен одмор и внес на течности/витамини,
-
доколку се разболите: останете дома, избегнувајте блиски контакти, покривајте нос и уста при кашлање/кивање и користете заштитна маска при контакт со блиски.
Македонија
Доктор Беќаровски советува: Како да се заштитиме во денови на екстремно загадување
Во денови кога концентрациите на ПМ 2.5 и ПМ 10 честичките се енормно високи, а загадениот воздух станува сериозна закана по здравјето, лекарот Нико Беќаровски преку објава на социјалните мрежи сподели едноставен совет и план за тоа како да се минимизира нивното негативно, потенцијално канцерогено дејство врз организмот.
Според Беќаровски, изложеноста на овие честички не може целосно да се избегне, но може да се ублажи нивното влијание преку секојдневни навики кои го поддржуваат организмот. Тој препорачува денот да започне со чај од диво оригано, во комбинација со додатокот G-132+ Natural.
Пред ручек, како што наведува, корисно е да се консумира зелен чај заедно со витамин Д во доза од 1.000 И.Е., додека навечер советува чај од ѓумбир и куркума, или бел слез, повторно во комбинација со G-132+ Natural.
Дополнително, Беќаровски нагласува дека во текот на денот е важно да се внесуваат најмалку два литра млака вода со парче лимон, а кај лицата без висок крвен притисок може да се додаде и уште една шолја зелен чај.
„Ако не може да се спречи, барем благовремено да се лечи“, порачува Беќаровски, потенцирајќи дека грижата за здравјето е особено важна во периоди на екстремно аерозагадување, кога последиците од вдишувањето на штетните честички може да бидат долгорочни.
Македонија
Мицкоски за Денот на наставата на турски јазик: Образованието на мајчин јазик е педагошка потреба
Премиерот Христијан Мицкоски денеска упати честитка по повод Денот на наставата на турски јазик, посочувајќи дека овој ден нè потсетува дека образованието на мајчин јазик е педагошка потреба, но и длабока цивилизациска вредност и уставна определба.
-Преку јазикот се пренесуваат знаењето, културната меморија и чувството на припадност, а преку училиштето тие вредности се претвораат во заедничко богатство на државата, наведе Мицкоски.
Премиерот посочува дека наставата на турски јазик е дел од нашето историско и општествено наследство и придонесува кон градење образовен систем заснован на почит, еднаквост и меѓусебно разбирање.
-Како Влада, ја разбираме одговорноста да обезбедиме услови во кои секое дете ќе има пристап до квалитетно образование, без разлика на мајчиниот јазик. Инвестирањето во образованието и во наставата на мајчин јазик е инвестирање во довербата, во заедништвото и во иднината на државата. Честит Ден на наставата на турски јазик, додава премиерот во објава на Фејсбук.
Доктор Беќаровски советува: Како да се заштитиме во денови на екстремно загадување
Во денови кога концентрациите на ПМ 2.5 и ПМ 10 честичките се енормно високи, а загадениот воздух станува сериозна закана...
МВР апелира до возачите да внимаваат поради маглата
Министерството за внатрешни работи (МВР) денеска упати апел до сите учесници во сообраќајот крајно внимателно да ги управуваат своите возила...
Маж и жена, државјани на Македонија загинаа на автопатот Белград – Ниш
Двајца државјани на Македонија, маж и жена од албанско потекло, загинаа рано утринава во тешка сообраќајна несреќа што се случи...
Скопје утрово го сруши рекордот, најзагаден град е во Европа
Скопје утрово се најде на 21. место на најзагадени градови светот и прв во Европа, покажуваат податоците на светскиот сервис на мерење...
АХВ откри над 2 тони киви со ларви и инсекти кои требало да се продаваат во државава
Поради променети органолептички својства и утврдено присуство на ларви и инсекти, инспектор за храна на Агенцијата за храна и ветеринарство,...
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од...
Родителите на починатите деца од „Пулс“ бараат новиот јавен обвинител да го преиспита случајот
Родителите на починатите во пожарот во „Пулс“ денеска на 34. Марш за ангелите во Кочани побараа проширување на истрагата, утврдување...
Откажани летови и отежнат авиосообраќајот на скопскиот аеродром поради маглата
Како резултат на ниската видливост предизвикана од густата магла што ја зафати скопската котлина денеска до 14 часот на Меѓународниот...
Почина Драган Б. Костиќ, човекот кој важеше за најпрепознатливиот радио глас
Денес на 75 години, почина Драган Б. Костиќ, човекот кој важеше за најпрепознатливиот радио глас кај нас. Откако неодамна Перо...
На едно семејство со четири члена му биле потребни близу 1.100 евра за да го помине декември
Вредноста на синдикалната минимална кошница што ја пресметува Сојузот на синдикати на Македонија (ССМ) за декември годинава изнесува 65.492 денари...
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста...
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух. Доколку...
Дедо Мраз од Лапонија ќе дојде со волшебен воз на Железничка во Скопје
Специјална новогодишна театарска претстава за деца „Дедо Мраз дојде со воз“ ќе се одржува од денеска 30 декември на Железничката...
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
